ନୂଆ ରୂପରେ ବଜାରକୁ ଆସିବ ୨୦ ଟଙ୍କିଆ ନୋଟ୍ । ଜାଣନ୍ତୁ କିଭଳି ରହିଛି ରୂପରେଖ ।
ଗତ ଜୁଲାଇ ମାସରେ ୧୦୦ ଟଙ୍କାର ନୂଆ ନୋଟ ଜାରି କରିବା ପରେ ଭାରତୀୟ ରିଜର୍ଭ ବ୍ୟାଙ୍କ ଚଳିତ ଦିପାବଳୀ ପୂର୍ବରୁ ୨୦ ଟଙ୍କାର ନୂଆ ଜାରି କରିପାରେ । ନୋଟର ଡିଜାଇନ ପ୍ରସ୍ତୁତ ହୋଇସାରିଥିବା ବେଳେ ପ୍ରିଣ୍ଟିଂ ପାଇଁ ପେପର ମଧ୍ୟ ପ୍ରସ୍ତୁତ କରାଯାଉଛି । ଏହି ନୂଆ ନୋଟର ରଙ୍ଗକୁ ନେଇ ଦ୍ୱନ୍ଦ ରହିଛି ସତ କିନ୍ତୁ, ପ୍ରଥମ ଡିଜାଇନ୍ ଗାଢ ଲାଲ୍ ରଙ୍ଗ ଉପରେ ପ୍ରସ୍ତାବିତ ଅଟେ । ଆଉ ଏହି ନୂଆ ନୋଟରେ ବିଶ୍ୱ ଐତିହ ରୂପରେ ସାମିଲ ଥିବା ମହାରାଷ୍ଟ୍ରର ଔରଙ୍ଗାବାଦ ସ୍ଥିତ ଅଜନ୍ତା ଗୁମ୍ଫାର ଫଟୋ ରହିବ । ନୂଆ ନୋଟଟି ପୁରୁଣା ନୋଟ ଅପେକ୍ଷା ୨୦ ପ୍ରତିଶତ ଛୋଟ ରହିବ ।
Kanak News is now on WhatsApp
Join and get latest news updates delivered to you via WhatsApp
ବିମୁଦ୍ରାକରଣ ପରେ ନୋଟ ଗୁଡିକର ନବକଳେବର କରୁଥିବା ଭାରତୀୟ ରିଜର୍ଭ ବ୍ୟାଙ୍କ ୨୦ ଟଙ୍କାର ନୂଆ ନୋଟକୁ ଅନ୍ୟ ନୂଆ ନୋଟ ଗୁଡିକ ପରି ଆଧୁନିକ ସୁରକ୍ଷା ଫିଚର ସହ ପ୍ରସ୍ତୁତ କରିଛି । ନୋଟ ଗୁଡିକରେ ହେଉଥିବା ଏହି ପରିବର୍ତ୍ତନର ସଙ୍କେତ ଆରବିଆଇ ୨୦୧୬ର ବାର୍ଷିକ ରିପୋର୍ଟରେ ହିଁ କରିଦେଇଥିଲା । ୨୦ ଟଙ୍କାର ଏହି ନୂଆ ନୋଟରେ ସିକ୍ୟୁରିଟି ଫିଚର ସହ ପ୍ରମୁଖ ପରିବର୍ତ୍ତନ ରଙ୍ଗ ଏବଂ ସ୍ମାରକ ଅଟେ । ତେବେ ବର୍ତ୍ତମାନ ପ୍ରଚଳିତ ହେଉଥିବା ୨୦ ଟଙ୍କାର ନୋଟ୍ ଗୋଲାପୀ, ଲାଲ୍ ଏବଂ ବାସନ୍ତିର ମିଶ୍ରିତ ଲାଲ୍ ରଙ୍ଗର ଅଟେ । ଏବଂ ନୋଟର ଅପର ପାଶ୍ୱର୍ରେ ପ୍ରାକୃତିକ ଦୃଶ୍ୟ ରହିଛି । ସେହିପରି ନୂଆ ୨୦ ଟଙ୍କିଆ ନୋଟଟି ଗାଢ ଲାଲ୍ ରଙ୍ଗ ଉପରେ ପ୍ରସ୍ତାବିତ ଅଟେ ।