ମୁଖ୍ୟମନ୍ତ୍ରୀଙ୍କୁ ଭେଟିଲେ ଆରବିଆଇ ଗଭର୍ଣ୍ଣର । ବିଭିନ୍ନ ବ୍ୟାଙ୍କିଙ୍ଗ ସେବା ନେଇ ନବୀନଙ୍କ ସହ ଆଲୋଚନା କଲେ ଶକ୍ତିକାନ୍ତ ।
କନକ ବ୍ୟୁରୋ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସ । ୭ ବର୍ଷ ପରେ ରିଜର୍ଭ ବ୍ୟାଙ୍କର ସେଣ୍ଟ୍ରାଲ ବୋର୍ଡ ମିଟିଂ ଭୁବନେଶ୍ୱରରେ ହେଉଛି । ଆସନ୍ତାକାଲି ହେବାକୁ ଥିବା ଏହି ମିଟିଂରେ ଯୋଗ ଦେବାକୁ ଆସିଛନ୍ତି ଶକ୍ତିକାନ୍ତ ଦାସ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀଙ୍କୁ ସୌଜନ୍ୟମୂଳକ ସାକ୍ଷାତ କରିବା ପରେ ଆରବିଆଇ ଗଭର୍ନର କହିଛନ୍ତି, ଆର୍ଥିକ ଅନ୍ତର୍ଭୁକ୍ତିକରଣ, ଡିଟିଜାଲ୍ ପେମେଂଟ, କୃଷି କ୍ଷେତ୍ରରେ ବ୍ୟାଙ୍କ ଋଣ, ରାଜ୍ୟ ସରକାରଙ୍କ ଇ କୁବେର ପ୍ଲାଟଫର୍ମରେ ଡିବିଟି ପେମେଣ୍ଟ, ବ୍ୟାଙ୍କ ବ୍ରାଞ୍ଚର ପ୍ରେଜେନ୍ସ ଆଦି ବିଭିନ୍ନ ବ୍ୟାଙ୍କିଙ୍ଗ ସେବା ନେଇ ସେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି । ଓଡ଼ିଶାରେ ଅଧିକ ବ୍ୟାଙ୍କ ଶାଖା ଖୋଲିବା ନେଇ ମଧ୍ୟ ଆଲୋଚନା ହୋଇଥିବା କହିଛନ୍ତି ଆରବିଆଇ ଗଭର୍ଣ୍ଣର । ସେ କହିଛନ୍ତି, ବ୍ୟାଙ୍କିଙ୍ଗ ଫିଲ୍ଡରେ ସବୁବେଳେ ନୂଆ ଚ୍ୟାଲେଞ୍ଜ ଆସେ । ଏହା ଏବେର ସମସ୍ୟା ନୁହେଁ, ବିଗତ ୨୦, ୩୦ ବର୍ଷର ସମସ୍ୟା । ବ୍ୟାଙ୍କ ଗୁଡିକୁ ଏହି ସବୁ ସମସ୍ୟା ସହ ଡିଲ୍ କରିବାକୁ ପଡିବ ।