ପୁଣି ସୋସିଆଲ୍ ମିଡିଆରେ ଘୁରିବୁଲିଲା ଆଉ ଜଣେ ଭଣ୍ଡବାବାଙ୍କ କେଳେଙ୍କାରୀ ! ଆଶ୍ରମକୁ ଆସୁଥିବା ମହିଳା ଶ୍ରଦ୍ଧାଳୁ ଏବଂ ନାବାଳିକାଙ୍କ ସହ ରଖୁଥିଲେ ଯୌନ ସଂବନ୍ଧ ।
ବାବା ରାମ ରହିମ୍ ଏବଂ ଆଶାରାମ୍ ବାପୁଙ୍କ ପରେ ହରିୟାଣାର ଆଉ ଜଣେ ବାବା ଏବେ ଚର୍ଚ୍ଚାରେ । ଏହି ବାବାଙ୍କ ନାଁରେ ମହିଳାଙ୍କ ସାଙ୍ଗରେ ଯୌନ ଶୋଷଣ ଏବଂ ନାବାଳିକାଙ୍କ ସହ ଦୁଷ୍କର୍ମ କରିବା ଭଳି ଅଭିଯୋଗ ଲାଗିଛି । ହରିୟାଣାର ଗୁରୁଗ୍ରାମ୍ ର ବହେଡା କଲା ଗାଁର ବାବା ଜ୍ୟୋତିଗୀରି ମହାରାଜ୍ ଏକାଧିକ ମହିଳାଙ୍କ ସହ ଯୌନ ଶୋଷଣରେ ଲିପ୍ତ ଥିବା ଦେଖିବାକୁ ମିଳିଥିଲେ ଏବଂ ତାଙ୍କ ବିପକ୍ଷରେ ଅଭିଯୋଗ ମଧ୍ୟ କରାଯାଇଛି । ଅସଲ କଥା ହେଉଛି ବାବା ଜ୍ୟୋତିଗୀରି ମହାରାଜଙ୍କ ଏକାଧିକ ଅଶ୍ଲୀଳ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ପୋଲିସ୍ ଏନେଇ ଏତଲା ଦାୟର୍ କରିଥିଲା । ଏବେ ଗୁରୁଗ୍ରାମ୍ ପୋଲିସ୍ ର ସାଇବର୍ ସେଲ୍ ଏହି ଭିଡିଓ ସବୁର ଜାଞ୍ଚ୍ କରୁଛି । ଏଭଳି ଭିଡିଓକୁ ପ୍ରସାରିତ କରିଥିବା ଲୋକଙ୍କ ବିରୁଦ୍ଧରେ ଏବେ ଏଫଆଇଆର୍ ଦିଆଯାଇଛି । ଏହି ସବୁ ଭିଡିଓ ଭାଇରାଲ୍ ହେବା ପରେ ତଥାକଥିତ ବାବା ଆଶ୍ରମରୁ କୁଆଡେ ଗାଏବ୍ ହୋଇଯାଇଛନ୍ତି । ବାବାଙ୍କ ଉପରେ ଗମ୍ଭୀର ଅଭିଯୋଗ ଲାଗିଛି ଯେ ଆଶ୍ରମକୁ ଆସୁଥିବା ପ୍ରତ୍ୟେକଟି ମହିଳା ଏବଂ ନାବାଳିକାଙ୍କୁ ଏହି ରଙ୍ଗିଲା ବାବା ଦୁଷ୍କର୍ମ କରୁଥିଲେ ଏବଂ ଏପର୍ଯ୍ୟନ୍ତ ୧୨ ରୁ ଅଧିକ ପିଲାଙ୍କ ସହ ସଂବନ୍ଧ ରଖିସାରିଲେଣି । ଏହି ମାମଲାରେ ଏତଲା ଦେଇଥିବା ମହିଳା ଜଣକ ମଧ୍ୟ ଜଣେ ପୀଡିତା । ମାମଲା ସାମ୍ନାକୁ ଆସିବା ପରେ ଏହାର ଏକ କପି ରାଷ୍ଟ୍ରୀୟ ମହିଳା ଆୟୋଗ , ହରିୟାଣା ମହିଳା ଆୟୋଗ ଏବଂ ଅଧିକାରୀମାନଙ୍କୁ ମଧ୍ୟ ପଠାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ଜଡିତ ଥିବା ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ଭାଇରାଲ୍ କରିଥିବା ଲୋକଙ୍କ ବିରୁଦ୍ଧରେ ଏଥିପାଇଁ ଏତଲା ଦିଆଯାଇଛି କାରଣ , ଏତଲା ଦେଇଥିବା ମହିଳା ଜଣଙ୍କର ଭିଡିଓ ମଧ୍ୟ ଭିଡିଓ ଲିଷ୍ଟରେ ସାମିଲ୍ ଯାହା ଏବେ ଇଣ୍ଟରନେଟ୍ ରେ ଘୁରିବୁଲୁଛି । ଏହି ରଙ୍ଗିଲା ବାବାଙ୍କ ବିଷୟରେ ଅନେକ କଥା ଶୁଣିବାକୁ ମିଳୁଛି । ଏହି ବାବା ପ୍ରଥମେ ଆଇଏଏସ୍ ଥିଲେ ପରେ ସଂସାର ମୋହମାୟା ତ୍ୟାଗ କରି ବୈରାଗୀ ହୋଇଗଲେ । ବାବାଙ୍କ ଅନେକ ଆଶ୍ରମ ରହିଛି । ଶୁଣିବାକୁ ମିଳୁଛି ଯେ ଅନେକ ସରକାରୀ ମନ୍ତ୍ରୀ ଏବଂ ରାଜନେତା ଏହି ବାବାଙ୍କର ପାଖଲୋକ ।