ଆସନ୍ତା ୯ରେ ରାଜ୍ୟସଭା ଉପସଭାପତି ପଦ ଲାଗି ହେବ ନିର୍ବାଚନ : ଏ ନେଇ ଆଜି ଗୃହରେ ବିଧିବଦ୍ଧ ଭାବରେ ଘୋଷଣା କଲେ ରାଜ୍ୟସଭା ସଭାପତି
କନକ ବ୍ୟୁରୋ : ଆସନ୍ତା ୯ ତାରିଖରେ ରାଜ୍ୟସଭା ଉପସଭାପତି ପଦ ପାଇଁ ନିର୍ବାଚନ କରାଯିବ ବୋଲି ଆଜି ବିଧିବଦ୍ଧ ଭାବେ ଘୋଷଣା କରାଯାଇଛି । ରାଜ୍ୟସଭାର ସଭାପତି ଭେଙ୍କେୟା ନାଇଡୁ ଏନେଇ ସୂଚନା ଦେଇଛନ୍ତି । ୯ ତାରିଖ ସକାଳ ୧୧ଟା ଠାରୁ ଭୋଟ ଗ୍ରହଣ କରାଯିବ । ତେବେ ଚଳିତ ବର୍ଷ ମୈାସୁମୀ ଅଧୀବେଶନ ସରବାର ଠିକ ଗୋଟିଏ ଦିନ ପୂର୍ବରୁ ଏହା ପଦ ପାଇଁ ନିର୍ବାଚନ ହେବ ବୋଲି ଜଣାପଡିଛି । ପୂର୍ବରୁ ରାଜ୍ୟସଭାର ଉପସଭାପତିଙ୍କ କାର୍ଯ୍ୟାଳୟ ଜୁନ ମାସ ପ୍ରଥମ ସପ୍ତାହରେ ସରଥିଲା । ତେବେ ସେବେଠାରୁ ଏହି ଆସନ ଖାଲିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଗୃହରେ ଏନେଇ ଘୋଷଣା କରିବା ସହ ମୈାସୁମୀ ଅଧୀବେଶନରେ ହିଁ ରାଜ୍ୟସଭା ପଦ ଲାଗି ନିର୍ବାଚନ ଅନୁଷ୍ଠିତ ହେବ ବୋଲି ସଭାପତି ଘୋଷଣା କରିଛନ୍ତି । ଗୃହରେ ବିଜେପି ପାଖରେ ବଦୁମତ ଥିବା ସତ୍ତେ୍ୱ ସିଟକୁ ନେଇ ବିରୋଧୀମାନେ ମଧ୍ୟ ରଣନୀତି ପ୍ରସ୍ତୁତ କରୁଥିବା ଜଣାପଡିଛି । ତେବେ ବିଜେପି କେଉଁ ନେତାଙ୍କୁ ଏହି ପଦପାଇଁ ଟିକେଟ ଦେବ ସେନେଇ ଏ ପର୍ଯ୍ୟନ୍ତ କୈାଣସି ଖବର ମିଳିନଥିବା ବେଳେ ବିରୋଧୀମାନେ ଏହି ଆସନ ହାତେଇବା ଲାଗି ସମସ୍ତ ପ୍ରକାର ଚେଶ୍ଟା୪ କରୁଥିବା ମିଳିଛି । ବର୍ତ୍ତମାନ ସମୟରେ ରାଜ୍ୟସଭାରେ ୨୪୫ଟି ଆସନ ରହିଛି ତେବେ ଉପସଭାପତି ପଦରେ ବସିବାକୁ ହେଲେ ସର୍ବନିମ୍ନ ୧୨୨ ଜଣ ସାସଂଦଙ୍କ ସମର୍ଥନର ଆବଶ୍ୟକତା ରହିଛି । ଏ ପଟେ ବିଜେଡି କେଉଁ ଦଳର ନେତାଙ୍କୁ ସମର୍ଥନ ଦେବ ସେନେଇ କୈାଣସି ସୂଚନୀ ମିଳିପାରିନାହିଁ ।