ବିଜେଡି ସାଂସଦ ପ୍ରସନ୍ନ ଆଚାର୍ଯ୍ୟ ରାଜ୍ୟସଭା ଉପାଧ୍ୟକ୍ଷ ହେବା ନେଇ ଚର୍ଚ୍ଚା : ଏନଡିଏକୁ ଚେକ୍ ଦେବା ପାଇଁ କଂଗ୍ରେସ କରିପାରେ ସମର୍ଥନ
କନକ ବ୍ୟୁରୋ: ରାଜ୍ୟସଭାର ଉପାଧ୍ୟକ୍ଷ ପଦ ପାଇଁ ବିଜେଡି ସାଂସଦ ପ୍ରସନ୍ନ ଆଚାର୍ଯ୍ୟଙ୍କ ନାଁକୁ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା । ରାଜ୍ୟସଭାର ଉପାଧ୍ୟକ୍ଷ ପି.ଜେ.କୁରିଏନଙ୍କ କାର୍ଯ୍ୟକାଳ ଚଳିତ ମାସରେ ଶେଷ ହେଉଛି । ଆସନ୍ତା ମୌସୁମୀ ଅଧିବେଶନରେ ଏହି ନିର୍ବାଚନ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଜାତୀୟ ଗଣମାଧ୍ୟମ ହିନ୍ଦୁସ୍ତାନ ଟାଇମ୍ସ ପ୍ରକାଶ କରିଥିବା ଏକ ରିପୋର୍ଟ ଅନୁସାରେ, ଏନଡିଏକୁ ଚେକ୍ ଦେବା ପାଇଁ ବିଜେଡି ପ୍ରାର୍ଥୀଙ୍କୁ କଂଗ୍ରେସ ସମର୍ଥନ କରିପାରେ । ରାଜ୍ୟସଭାରେ ବିଜେଡିର ପଲ୍ଲା ଭାରିଥିବାରୁ ଏହି ଚର୍ଚ୍ଚା ଜୋର ଧରିଛି ।
ସେପଟେ ଏଭଳି ଚର୍ଚ୍ଚା ନେଇ ପ୍ରସନ୍ନ ଆଚାର୍ଯ୍ୟ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି, ଏହି ବିଷୟରେ ମୁଁ କିଛି ଜାଣିନାହିଁ । ଆମେ କଂଗ୍ରେସ-ବିଜେପିଠାରୁ ସମଦୂରତ୍ୱ ବଜାୟ ରଖିଛୁ ।
ରାଜ୍ୟସଭାର ଗଣିତ
ରାଜ୍ୟସଭାରେ ନୂଆ ଉପାଧ୍ୟକ୍ଷ ହେବା ପାଇଁ ଆବଶ୍ୟକ ୧୨୨ ଜଣ ସଦସ୍ୟଙ୍କ ସମର୍ଥନ ଆବଶ୍ୟକ । ରାଜ୍ୟସଭାରେ ଏନଡିଏର ସଦସ୍ୟଙ୍କ ସଂଖ୍ୟା ହେଉଛି ୧୦୫ । ଏନଡିଏକୁ ୬ ଜଣ ସ୍ୱାଧୀନ ଓ ଅନ୍ୟ ସଦସ୍ୟ ସମର୍ଥନ କରିପାରନ୍ତି । ଟିଆରଏସ ଓ ୱାଇଏସଆର କଂଗ୍ରେସ ଏନଡିଏକୁ ସମର୍ଥନ କଲେ ବି ବିଜେଡି ସମର୍ଥନ ବେଶ ଜରୁରୀ । ଏଭଳି କ୍ଷେତ୍ରରେ ବିଜେଡି ବିରୋଧୀଙ୍କୁ ସମର୍ଥନ କଲେ ପଲ୍ଲା ଭାରି ରହିବ । ୟୁପିଏ ପାଖରେ ରହିଛି ୫୮ ଆସନ । ତେବେ ମିଳିତ ବିରୋଧୀ ଦଳ ଯଦି ଜଣକୁ ପ୍ରାର୍ଥୀ କରନ୍ତି ତାହାହେଲେ ବିରୋଧୀ ଶିବରର ପଲ୍ଲା ଭାରି ରହିବ । ୟୁପିଏକୁ ତୃଣମୂଳ କଂଗ୍ରେସ, ଟିଡିପି, ବାମଦଳ ଓ ଅନ୍ୟ ଛୋଟ ଦଳ ସମର୍ଥନ କରିପାରନ୍ତି ।