ରାଫେଲ ବିମାନ ଚୁକ୍ତିକୁ ନେଇ ମୋଦିଙ୍କୁ ଘେରିଲେ ରାହୁଲ ! କଂଗ୍ରେସ ଉପାଧ୍ୟକ୍ଷଙ୍କ ଶାଣିତ ପ୍ରଶ୍ନ, ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ୍ ବଦଳରେ କେଉଁ ଆଧାରରେ ଉଦ୍ୟୋଗପତିଙ୍କୁ ଦିଆଗଲା କଂଟ୍ରାକ୍ଟ
କନକ ବ୍ୟୁରୋ: ରାଫେଲ ବିମାନ ଚୁକ୍ତିକୁ ନେଇ କେନ୍ଦ୍ର ସରକାରଙ୍କୁ ତିନିଟି ପ୍ରଶ୍ନ ପଚାରିଛନ୍ତି କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି । ରାଫେଲ ବିମାନର ମୂଲ୍ୟ କେତେ । ଏବଂ ଏହା ୟୁପିଏ ସରକାରଠାରୁ କମ୍ ନା ଅଧିକ ବୋଲି ପ୍ରଶ୍ନ କରିଛନ୍ତି ରାହୁଲ । ବିମାନ ନିର୍ମାଣରେ ଅଭିଜ୍ଞତା ଥିବା ହିନ୍ଦୁସ୍ତାନ ଏରୋନଟିକ୍ସ ଲିମିଟେଡକୁ କଂଟ୍ରାକ୍ଟ ନଦେଇ କେଉଁ ଆଧାରରେ ଜଣେ ଉଦ୍ୟୋଗପତିଙ୍କୁ କଂଟ୍ରାକ୍ଟ ଦିଆଯାଇଛି ବୋଲି ସରକାରଙ୍କୁ ପ୍ରଶ୍ନ କରିଛନ୍ତି ରାହୁଲ ଗାନ୍ଧି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦି ଯେତେବେଳେ ଏହି ଘୋଷଣା କଲେ ସେ କ୍ୟାବିନେଟ୍ କମିଟି ଅନ୍ ସିକ୍ୟୁରିଟିର ଅନୁମତି ନେଇଥିଲେ କି ବୋଲି ମଧ୍ୟ ପ୍ରଶ୍ନ କରିଛନ୍ତି କଂଗ୍ରେସ ଉପାଧ୍ୟକ୍ଷ । ଏହା ସହ ରାହୁଲ କହିଛନ୍ତି ଯେ ତକ୍ରାଳୀନ ପ୍ରତିରକ୍ଷା ମନ୍ତ୍ରୀ ନିଜେ ଗଣମାଧ୍ୟମକୁ କହିଥିଲେ ଯେ ମୋତେ ଏହି ନୂଆ ଚୁକ୍ତି ବିଷୟରେ କିଛି ଜଣାନାହିଁ । ତେଣୁ ବିନା ପ୍ରୋସିଜ୍ୟୋରରେ ଏହି ଚୁକ୍ତି ହୋଇଛି କି ବୋଲି ପ୍ରଶ୍ନ କରିଛନ୍ତି ରାହୁଲ ।