ଗଣତନ୍ତ୍ର ଦିବସରେ ଗର୍ଜିବ ରାଫେଲ । ଦିଲ୍ଲୀରେ ଆକାଶରେ ଦମ ଦେଖାଇବ ଭାରତୀୟ ବାୟୁସେନାର ବିମାନ । ‘ଚିନୁକ’, ‘ଆପାଚେ’ର ପରାକ୍ରମ ଦେଖି ଛାନିଆ ହୋଇଯିବ ପାକିସ୍ତାନ ?
କନକ ବ୍ୟୁରୋ: ସାଧାରଣତନ୍ତ୍ର ଦିବସରେ ଦେଖିବାକୁ ମିଳିବ ଭାରତୀୟ ବାସୁସେନାର ପରାକ୍ରମ । ଆସନ୍ତା ଜାନୁୟାରୀ ୨୬ ତାରିଖ ଗଣତନ୍ତ୍ର ଦିବସ ପରେଡରେ ଶକ୍ତିପ୍ରଦର୍ଶନ କରିବେ ବାୟୁସେନାର ଲଢୁଆ ବିମାନ । ପରେଡ ପାଇଁ ବାୟୁସେନାର ପ୍ରସ୍ତୁତି ଜୋରସୋର ଚାଲିଥିବା ବେଳେ ଏଥର ଦିଲ୍ଲୀ ଆକାଶରେ ଦମ ଦେଖାଇବେ ବାୟୁସେନାର ଲଢୁଆ ବିମାନ ରାଫେଲ ଠାରୁ ଆରମ୍ଭ କରି ଯୁଦ୍ଧ ବିମାନ ‘ଚିନୁକ’ ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସରେ ନିର୍ମିତ ରାଫେଲ ଆଉ ଆମେରିକାରେ ନିର୍ମିତ ଭାରତର ଯୁଦ୍ଧ ବିମାନ ଚିନୁକ ସହ ‘ତେଜସ’ ବି ରାଜପଥ ଉପରେ ଶକ୍ତି, ସୌର୍ଯ୍ୟ ପ୍ରଦର୍ଶନ କରିବେ । ଏହା ବ୍ୟତିତ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଲଢୁଆ ବିମାନ ଓ ହେଲିକପ୍ଟରକୁ ବି ପ୍ରଦର୍ଶନରେ ସାମିଲ କରାଯିବ । ତେବେ ମାଟିରୁ ଉଠି ମଝି ଆକାଶରେ ଶତ୍ରୁ ପକ୍ଷକୁ ଗୋଡେଇ ଗୋଡେଇ ଆକ୍ରମଣ କରିପାରୁଥିବା ମିଶାଇଲ ‘ଆକାଶ’ ଓ ‘ଅସ୍ତ୍ର’ ବି ପରେଡରେ ନିଜ ଆଖି ଝଲସା ପ୍ରଦର୍ଶନ ଦେଖାଇବ ।
Indian Air Force: IAF Tableau to showcase scaled down models of 5 systems namely Rafale aircraft, indigenous Light Combat Aircraft and Light Combat Helicopter, Surface to Air Guided Weapon Aakash Missile system and Astra Missiles. #Republicday2020 pic.twitter.com/3GV3wq9Qid
— ANI (@ANI) January 13, 2020
ସେପଟେ ଅତ୍ୟାଧୁନିକ ଜ୍ଞାନ କୌଶଳରେ ନିର୍ମିତ ଡବଲ ଇଞ୍ଜିନ ବାଲା ବିମାନ ରାଫେଲ ବାୟୁସେନାରେ ସାମିଲ ହେବାକୁ ଥିବାରୁ ଏହାର ଉଡାଣ ପାଇଁ ଫ୍ରାନ୍ସ ଯାଇ ଟ୍ରେନିଂ ନେଇ ସାରିଛନ୍ତି ଭାରତୀୟ ପାଇଲଟ । ଖାଲି ରାଫେଲ ଭଳି ଲଢୁଆ ବିମାନ ନୁହେଁ ହାଲରେ ନିର୍ମିତ ତେଜସ ହେଲିକପ୍ଟର ବି ପରେଡରେ ନିଜ ଶକ୍ତିର ପ୍ରଦର୍ଶନ କରିବ । ତେବେ ୨୧ ହଜାର ଫୁଟ ଉଚ୍ଚ ପର୍ଯ୍ୟନ୍ତ ଉଡି ପାରୁଥିବା ତେଜସ ହେଲକପ୍ଟର ଆକାଶ ଉପରୁ ମିଜାଇଲ ମାଡ କରିପାରିବାର କ୍ଷମତା ରଖିଛି ।
ସେହିପରି ଅନ୍ୟତମ ଲଢୁଆ ଯୁଦ୍ଧ ହେଲିକପ୍ଟର ଆପାଚେକୁ ବାୟୁସେନାରେ ସାମି କରାଯାଇ ଥିବା ବେଳେ ପ୍ରଥମ ପର୍ଯ୍ୟାୟରେ ୮ଟି ବିମାନ ବାୟୁସେନାରେ ମିଶିଛନ୍ତି ତେବେ ଆଗାମୀ ଦିନରେ ୨୨ଟି ହେଲକପ୍ଟର ବାୟୁସେନାରେ ମିଶିବାକୁ ଯାଉଛି । ପଠାନକୋଟ ଏୟାରବେସରେ ଏସବୁ ଆପାଚେକୁ ମୁତୟନ କରାଯିବାକୁ ଥିବାବେଳେ ଗଣତନ୍ତ୍ର ଦିବସ ପରେଡରେ ଏହାର ଝଲକ ଦେଖିବେ ଭାରତବାସୀ ।
ତେବ ସାଧାରଣତନ୍ତ୍ର ଦିବସ ଉପଲକ୍ଷେ ଭାରତ ତାର ବାୟୁସେନାର ଶକ୍ତି ଦିଲ୍ଲୀ ଆକାଶରେ ପ୍ରଦର୍ଶନ କରିବାକୁ ଯାଉଛି । ରାଫେଲ ଠାରୁ ଆରମ୍ଭ କରି ଚିନୁକ ଯାଏଁ । ତେଜସ ଠାରୁ ଆରମ୍ଭ କରି ଆପାଚେ ଯାଏଁ ଭାରତୀୟ ବାୟୁସେନାର ଅଦମ୍ୟ ଶକ୍ତି ପ୍ରଦର୍ଶନ ପାକିସ୍ତାନ ଛାତିରେ ଛନକା ପଶାଇବ ନିଶ୍ଚିତ । କାରଣ ପାକିସ୍ତାନକୁ ପାନେ ଦେବାକୁ ଆଉ ଆତଙ୍କବାଦୀଙ୍କ ମୂଳପୋଛ କରିବାକୁ ବାୟୁସେନା ତାର ଶକ୍ତିକୁ ଯେମିତି ପ୍ରସ୍ତୁତ କରି ରଖିଛି ତାହା ପାକ୍ ଛାଡିରେ ଡର ଭରିଦେବ ନିଶ୍ଚିତ ।