ନେତାଜୀଙ୍କ ପୁଣ୍ୟ ତିଥିରେ ଶ୍ରଦ୍ଧାଞ୍ଜଳି ନେଇ ନୂଆ ବିବାଦ: ଅଗଷ୍ଟ ୧୮କୁ ସୁବାଷ ବୋଷଙ୍କ ପୁଣ୍ୟତିଥି ବୋଲି ଦାବି କଲେ ବିଜେପି ନେତା
କନକ ବ୍ୟୁରୋ: ନେତାଜୀଙ୍କୁ ପୁଣ୍ୟ ତିଥିରେ ଶ୍ରଦ୍ଧାଞ୍ଜଳି ନେଇ ନୂଆ ବିବାଦ । ଅଗଷ୍ଟ ୧୮ତାରିଖକୁ ନେତାଜୀ ସୁବାଷ ଚନ୍ଦ୍ର ବୋଷଙ୍କ ପୂଣ୍ୟ ତିଥି ଦାବି କରି ଶ୍ରଦ୍ଧାଞ୍ଜଳି ଦେବା ପରେ ଏହି ବିିବାଦ ସୃଷ୍ଟି ହୋଇଛି । ଅନେକ ବିଜେପି ନେତା ନେତାଜୀଙ୍କୁ ଶ୍ରଦ୍ଧାଞ୍ଜଳି ଦେବା ପରେ ଏହି ବିବାଦ ଆରମ୍ଭ ହୋଇଛି । କିଛି ନେତା ଓ ବ୍ୟକ୍ତି ବିଶେଷ ଏହାକୁ ବିରୋଧ କରିଛନ୍ତି । ସେମାନେ ଅଭିଯୋଗ କରି କହିଛନ୍ତି, ସରକାରୀ ଭାବେ ଏପର୍ଯ୍ୟନ୍ତ ନେତାଜୀଙ୍କର ମୃତ୍ୟୁର କାରଣ ଉନ୍ମୋଚିତ ହୋଇନାହିଁ କି ମୃତ୍ୟୁ ତାରିଖ ବି ବିଧିବଦ୍ଧ ଭାବେ ଘୋଷଣା ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏପରି ସ୍ଥଳେ କେନ୍ଦ୍ର ଶାସନ କ୍ଷମତାରେ ଥିବା ଦଳର ନେତାମାନେ କିପରି ୧୮ଅଗଷ୍ଟକୁ ନେତାଜୀଙ୍କ ପୁଣ୍ୟତିଥି ବୋଲି ଘୋଷଣା କରି ଶ୍ରଦ୍ଧାଞ୍ଜଳି ଦେଇଛନ୍ତି । ତେବେ କିଛି ପାଶ୍ଚାତ୍ୟ ଗଣମାଧ୍ୟମର ରିପୋର୍ଟ ଅନୁସାରେ ୧୪୫ ମସିହା ଅଗଷ୍ଟ ୧୮ ତାରିଖରେ ଏକ ବିମାନ ଦୁର୍ଘଟଣାରେ ନେତାଜୀଙ୍କର ମୃତ୍ୟୁ ଘଟିଥିଲା । ମାତ୍ର ଏହାକୁ ଅନେକ ଅବିଶ୍ୱାସ କରୁଛନ୍ତି । ନିଜେ ଗାନ୍ଧିଜୀ ମଧ୍ୟ ନେତାଜୀ ଜୀବିତ ଥିଲେ ବୋଲି ବିଶ୍ୱାସ କରୁଥିଲେ । ଏନେଇ ଦୀର୍ଘ ବର୍ଷ ହେଲାଣି ବିବାଦ ଲାଗି ରହିଛି । ଏହି କାରଣରୁ ନେତାଜୀଙ୍କ ପୁଣ୍ୟତିଥି ସରକାରୀ ଭାବେ ପାଳନ କରାଯାଉନାହିଁ ।