ପ୍ରମୋଶନ ସତ୍ତ୍ୱେ କେମିତି ପାଇଲେ ସଚିବ ପାହ୍ୟା ! ପୂର୍ତ୍ତ ସଚିବଙ୍କ ବିରୋଧରେ ଅଭିଯୋଗ ଆଣି ପ୍ରେସ ମିଟ୍ କଲା ଠିକାଦାର ସଂଘ
କନକ ବ୍ୟୁରୋ : ପୂର୍ତ୍ତ ସଚିବ ନଳିନୀ କାନ୍ତ ପ୍ରଧାନ । ବମିଖାଲ ବ୍ରିଜ୍ ଭୁଶୁଡିବା ପରେ ୧୯୮୨ ବ୍ୟାଚର ଏହି ଇଂଜିନିୟର ଏବେ ବିବାଦ ଘେରରେ । ୨୦୧୩ରେ ପୂର୍ତ୍ତ ସଚିବ ବନିଥିବା ଏହି ଅଫିସର ନିଜ ବ୍ୟାଚ ତଥା ସିନିୟର ବ୍ୟାଚର ୨୨ ଜଣ ଇଂଜିନିୟରଙ୍କୁ ପଛରେ ପକାଇ ହାତେଇଥିଲେ ଏହି ପଦ । ଏପରିକି ତତ୍କାଳୀନ ସଚିବ ଶୁଭେନ୍ଦୁ ରାୟଙ୍କୁ ଅନ୍ୟ ବିଭାଗକୁ ପଠାଇ ଦିଆଯାଇଥିଲା । ତେଣୁ ପ୍ରଶ୍ନ ଉଠୁଛି ନଳିନୀଙ୍କ ଏହି ପ୍ରମୋଶନ ପଛରେ ଥିଲା ତାଙ୍କ ଦକ୍ଷତା ନା କାମ କରିଥିଲା କିଛି ଅଦୃଶ୍ୟ ନେକ୍ସସ ? କାହିଁକି ସରକାର ହଠାତ ଏହି ଅଫିସରଙ୍କୁ ଦେଖାଇଥିଲେ ଅହେତୁକ ଅନୁକମ୍ପା ? ପ୍ରମୋଶନ ତାଲିକାରେ ଥିବା ୨୨ ଇଂଜିନିୟର କଣ ସଚିବ ପଦ ପାଇଁ ଅଯୋଗ୍ୟ ?
Kanak News is now on WhatsApp
Join and get latest news updates delivered to you via WhatsApp
ନିଖିଳ ଓଡିଶା ଠିକାଦାର ମହାସଂଘର ଅଭିଯୋଗ ଅନୁସାରେ ୨୦୦୦ ରୁ ୨୦୦୪ ମସିହା ମଧ୍ୟରେ ନିଜର ଅପକର୍ମ ପାଇଁ ନଳିନୀଙ୍କୁ ପଦଅବୋନ୍ନତି ପାଇଁ ସୁପାରିଶ କରିଥିଲେ ତତ୍କାଳୀନ ଉନ୍ନୟନ କମିଶନର ଶ୍ରୀନିବାସ ରଥ । କିନ୍ତୁ ସେତେବେଳର ପୂର୍ତ୍ତମନ୍ତ୍ରୀ ଅନଙ୍ଗ ଉଦୟ ସିଂହଦେଓଙ୍କୁ ହାତ କରି ଏହି ଫାଇଲକୁ ଚାପି ଦେଇଥିଲେ ଏହି ଦକ୍ଷ ଇଂଜିନିୟର ।
ସବୁଠାରୁ ବଡ କଥା ହେଉଛି ଯେ ପୂର୍ତ୍ତ ସଚିବ ନଳିନୀ ପ୍ରଧାନଙ୍କ କାର୍ଯ୍ୟକାଳ ମଧ୍ୟରେ ରାଜ୍ୟରେ ଭୁଶୁଡି ପଡିଛି ୮ ଟି ନିର୍ମାଣଧୀନ ପୋଲ । ତଦନ୍ତ ନିର୍ଦ୍ଦେଶ ଦିଆଯାଇଛି କିନ୍ତୁ ରିପୋର୍ଟ କଣ ଆସିଲା ତାହା କାହାକୁ ଜଣା ନାହିଁ ।