ପ୍ରଧାନମନ୍ତ୍ରୀଙ୍କ ‘ସୌଭାଗ୍ୟ’ ଯୋଜନା ! ଏଣିକି ଅନ୍ଧାରରେ ରହିବେନି ଦେଶବାସୀ, ୨୫ ସେପ୍ଟେମ୍ବରରେ ଲଂଚ୍ ହେବ ‘ପାୱାର୍ ଫର୍ ଅଲ୍’ ସ୍କିମ୍
କନକ ବ୍ୟୁରୋ : ପ୍ରଧାନମନ୍ତ୍ରୀଙ୍କ ପୂଜା ଉପହାର । ଆଉ ଅନ୍ଧାରରେ ରହିବେନି ଦେଶବାସୀ । ସମସ୍ତଙ୍କୁ ମିଳିବ ୨୪ ଘଂଟିଆ ବିଜୁଳି । ଖୁବ୍ ଶୀଘ୍ର ମୋଦି ଆରମ୍ଭ କରିବାକୁ ଯାଉଛନ୍ତି ନୂଆ ଯୋଜନା । ୨୫ ସେପ୍ଟେମ୍ବରକୁ ‘ପାୱାର୍ ଫର୍ ଅଲ୍’ ନାମରେ ଏହି ନୂଆ ସ୍କିମ୍ ଲଂଚ୍ କରିପାରନ୍ତି ମୋଦି । ଏନେଇ କେନ୍ଦ୍ରୀୟ ମନ୍ତ୍ରୀ ଆର୍ କେ ସିଂହ ସୂଚନା ଦେଇ କହିଛନ୍ତି ୨୫ ସେପ୍ଟେମ୍ବରରେ ଆରଏସଏସ୍ ବିଚାରକ ଦୀନଦୟାଲ୍ ଉପାଧ୍ୟୟଙ୍କ ଜୟନ୍ତୀ । ତେଣୁ ଏହି ମୋଦି ଏହି ‘ପାୱାର୍ ଫର୍ ଅଲ୍’ ସ୍କିମ୍ ଲଂଚ୍ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ଘରୋଇ ଚ୍ୟାନେଲକୁ ଦେଉଥିବା ସାକ୍ଷାତକାରରେ ଆରକେ ସିଂହ କହିଛନ୍ତି ୨୫ ସେପ୍ଟେମ୍ବରକୁ ନୂଆ ଚ୍ୟାଲେଂଜ୍ ଆରମ୍ଭ ହେବାକୁ ଯାଉଛି । ଏହି ଦିନ ମୋଦି ଦେଶବାସୀଙ୍କୁ ୨୪ ଘଂଟିଆ ବିଦ୍ୟୁତ୍ ସେବା ଦେବା ପାଇଁ ‘ପାୱାର୍ ଫର୍ ଅଲ୍’ ସ୍କିମ୍ ଲଂଚ୍ କରିବେ । ତେବେ ସୂଚନା ଅନୁସାରେ ଚଳିତ ବର୍ଷ ଡିସେମ୍ବର ସୁଦ୍ଧା ଦେଶର ସମସ୍ତ ଗାଁକୁ ବିଜୁଳି ଯୋଗାଇଦେବା ପାଇଁ ସରକାର ଲକ୍ଷ ରଖିଛନ୍ତି ।
ଏହି ଯୋଜନାରେ ସମସ୍ତ ରାଜ୍ୟ ସରକାରଙ୍କୁ ପ୍ରୋଜେକ୍ଟ ତିଆରି କରିବା ପାଇଁ କହିଛନ୍ତି କେନ୍ଦ୍ର ସରକାର । ଏହା ପରେ ସମସ୍ତ ରାଜ୍ୟକୁ ଫଣ୍ଡ ଜାରି ହେବ । ମିଳିଥିବା ସୂଚନା ଅନୁଯାୟୀ, ଏହି ଯୋଜନାର ନାଁ ରହିବ ‘ସୌଭାଗ୍ୟ’ । କେନ୍ଦ୍ର ସରକାର ଦେଶର ସମସ୍ତ ଗାଁ ବିଜୁଳି ଯୋଗାଇଦେବା ପାଇଁ ଯୁଦ୍ଧକାଳୀନ ଭିତ୍ତିରେ କାମ କରୁଛି । ଆଉ ଏଥିପାଇଁ ଟାର୍ଗେଟ୍ ରହିଛି ୨୦୧୯ । ଅର୍ଥାତ୍ ନିର୍ବାଚନ ପୂର୍ବରୁ ମାଷ୍ଟରଷ୍ଟ୍ରୋକ୍ ମାରିବାକୁ ଲକ୍ଷ ରଖିଛନ୍ତି ମୋଦି ସରକାର ।
କେନ୍ଦ୍ର ସରକାର ଆଣିଛି ଅନେକ ସ୍କିମ୍ । ଯାହା ଦ୍ୱାରା ଜଣେ ସାଧାରଣ ଲୋକ ନା କେବଳ ଦେଶ ଚଳାଇବାରେ ସାହାଯ୍ୟ କରିପାରିବ ବରଂ ନିଜେ ମଧ୍ୟ ରୋଜଗାରକ୍ଷମ ହୋଇପାରିବ । ଏହି ସବୁ ସ୍କିମ୍ ପାଳନ କଲେ ଆପଣ ମାସକୁ ୨୫ହଜାର ପର୍ଯ୍ୟନ୍ତ ଟଙ୍କା ରୋଜଗାର କରିପାରିବେ । ଏବେ ଜାଣନ୍ତୁ ସରକାରଙ୍କ ଏହି ସ୍କିମ୍ ବିଷୟରେ ।
• ବର୍ଷ ବର୍ଷ ଧରି ସରକାରୀ ବିଭାଗରେ ପଡିଥିବା ଫାଇଲକୁ କେନ୍ଦ୍ର ସରକାର ଡିଜିଟାଲ୍ ରୂପ ଦେବାକୁ ଆରମ୍ଭ କରିଛି । ଆଉ ଏହି କାମରେ ସାଧାରଣ ଲୋକଙ୍କ ସାହାଯ୍ୟ ନିଆଯାଉଛି । ଡାଟା ଏଂଟ୍ରିର ଏହି କାମ ପାଇଁ ଆପଣଙ୍କୁ ଡିଜିଟାଇଜ ଇଣ୍ଡିଆରେ ପଞ୍ଜୀକରଣ କରିବାକୁ ପଡିବ । ଏହାପରେ ଆରମ୍ଭ ହେବ କାମ । ଯଦି ଆପଣଙ୍କ ଟାଇପ୍ ସ୍ପିଡ୍ ଗୋଟିଏ ମିନିଟ୍ ଭିତରେ ୨୦ରୁ ୪୦ ଶବ୍ଦ ରହିଛି ତାହେଲେ ପ୍ରତିମାସରେ ୧୦ହଜାର ଟଙ୍କା ରୋଜଗାର କରିବାରିବେ । ଏହି ଡାଟା ଏଂଟ୍ରି ପାଇଁ ଆପଣଙ୍କୁ ରିୱାର୍ଡ ପଏଂଟ୍ ମଧ୍ୟ ମିଳିବ । ଗୋଟିଏ ରିୱାର୍ଡ ଦୁଇ ପଈସା ସହ ସମାନ ।
• 
ନ୍ୟାସନାଲ୍ ହାଇୱେ ଅଥରିଟି ଅଫ୍ ଇଣ୍ଡିଆ (ଏନଏଚଏଆଇ) ପ୍ରୋଜେକ୍ଟରେ ହେଉଥିବା ଦୁର୍ନୀତିକୁ ରୋକିବା ପାଇଁ ସରକାର ଏକ ନୂଆ ସ୍କିମ୍ ଆରମ୍ଭ କରିଛନ୍ତି । ଏହି ସ୍କିମ୍ ଅନୁସାରେ ଅଥରିଟି ୨୫ହଜାର ଟଙ୍କା ପୁରସ୍କାର ରାଶି ଦେଉଛନ୍ତି । ତେବେ ଏହି ରାଶି ସେହିମାନଙ୍କୁ ମିଳିବ ଯିଏ ରୋଡ୍ ପ୍ରୋଜେକ୍ଟରେ ହେଉଥିବା ଦୁର୍ନୀତି ବିଷୟରେ ଜଣାଇବ । ଯଦି ଅଭିଯୋଗ ସତ ପ୍ରମାଣିତ ହୁଏ ତେବେ ଆପଣଙ୍କୁ ରିୱାର୍ଡ ମିଳିବ । ଦୁର୍ନୀତି ମାମଲା ଯେତେ ଗମ୍ଭୀର ହୋଇଥିବ ଆପଣଙ୍କୁ ସେତେ ଅଧିକ ପୁରସ୍କାର ମିଳିବ ।
• ସେହିପରି ଜନଧନ ଖାତା ସହ ମିଳୁଥିବା ରୂପେ ଡେବିଟ୍ କାର୍ଡ ଜରିଆରେ ଯଦିଓ ଆପଣ ରୋଜଗାର କରିପାରିବେନି ହେଲେ ଟଙ୍କା ସଂଚୟ କରିପାରିବେ । ଅନ୍ୟ ଡେବିଟ୍ କାର୍ଡ ପରି ଏଥିରେ ମଧ୍ୟ ରିୱାର୍ଡ ପଏଂଟ୍ ସହ ଅନ୍ୟ ସୁବିଧା ମିଳେ । କିନ୍ତୁ ରୂପେ କାର୍ଡରେ ଯଦି ଆପଣ ବିଦ୍ୟୁତ୍ ବିଲ୍, ଟେଲିଫୋନ୍ ଏବଂ ଅନ୍ୟ ବିଲ୍ ଭରୁଛନ୍ତି ତେବେ ଆପଣଙ୍କୁ ପ୍ରତ୍ୟେକ ବିଲ୍ ଉପରେ ୫ ପ୍ରତିଶତ କ୍ୟାସବ୍ୟାକ୍ ମିଳିବ ।
• ନିକଟରେ ମୋଦି ‘ମନ୍ କି ବାତ୍’ ରେଡିଓ ପ୍ରୋଗ୍ରାମରେ ଭିମ୍ ଆପ୍ ଏବଂ ଆଧାର ପେ ରେଫରଲ୍ ବିଷୟରେ କହିଥିଲେ । ସେ କହିଥିଲେ ଜଣେ ଅନ୍ୟ ଜଣକୁ ଏହି ଆପ୍ ରେଫର୍ କଲେ ପ୍ରତିଦିନ ୨୦୦ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବ । ଯଦି ଆପଣଙ୍କ କହିବା ଦ୍ୱାରା କେହି ଆଧାର ପେ ବ୍ୟବହାର କରେ ତେବେ ଆପଣଙ୍କୁ ୧୦ଟଙ୍କା ଲେଖାଏଁ ମିଳିବ ।