କନକ ବ୍ୟୁରୋ : ମହାରାଷ୍ଟ୍ରରେ ଶିବସେନା ଏନସିପି ଓ କଂଗ୍ରେସ ସହାୟତାରେ ସରକାର ଗଠନ କରିବାକୁ ଉଦ୍ୟମ କରୁଥିବାବେଳେ ଏହି ମେଣ୍ଟ ବିରୁଦ୍ଧରେ ସୁପ୍ରିମକୋର୍ଟରେ ଏକ ମାମଲା ଦାଏର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ମେଣ୍ଟ ଲୋକଙ୍କ ଇଚ୍ଛାର ବିରୁଦ୍ଧାଚରଣ କରୁଛି ବୋଲି ଅଭିଯୋଗ କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ମହାରାଷ୍ଟ୍ରର ଦିନଦୋସି ବିଧାନସଭା ମଣ୍ଡଳୀର ଜଣେ ବ୍ୟକ୍ତି ସୁରେନ୍ଦ୍ର ଇନ୍ଦ୍ରବାହାଦୂର ସିଂ । ନିଜର ପିଟିସନରେ ସେ ଅଭିଯୋଗ କରିଛନ୍ତି ଯେ ଏସବୁ ଦଳମାନେ ପରସ୍ପର ବିରୋଧରେ ପ୍ରଚାର କରି ନିର୍ବାଚନ ଲଢିଥିଲେ । କିନ୍ତୁ ଜିତିବା ପରେ ସେମାନେ ଏକାଠି ହୋଇ ଲୋକଙ୍କ ଜନାଦେଶ ବିରୋଧରେ ଯାଉଛନ୍ତି ।
ସେ କହିଛନ୍ତି ଯେ ନିର୍ବାଚନ ପୂର୍ବରୁ ବିଜେପି -ଶିବସେନା ମହାଯୁତି ମେଣ୍ଟ ଓ କଂଗ୍ରେସ–ଏନସିପି ମହା ଅଗାଧି ମେଣ୍ଟ ଗଢି ଲୋକଙ୍କୁ ଭୋଟ ମାଗିଥିଲେ । ଲୋକମାନେ ଏହି ଦୁଇ ମେଣ୍ଟକୁ ଦେଖି ଭୋଟ ଦେଇଥିଲେ । ନିର୍ବାଚନ ଫଳାଫଳରେ ବିଜେପି-ଶିବସେନା ମେଣ୍ଟକୁ ସ୍ପଷ୍ଟ ଜମାଦେଶ ମିଳିଥିଲା । କିନ୍ତୁ ମୁଖ୍ୟମନ୍ତ୍ରୀ ପଦ ଦାବି କରି ଶିବସେନା ଏନସିପି-କଂଗ୍ରେସ ସହ ହାତ ମିଳାଉଛି । ଏହା ଭୋଟରମାନଙ୍କୁ ଠକିବା ସଦୃଶ ହୋଇଛି । ଏହି ଯେଉଁ ମେଣ୍ଟ ଗଢାଯାଉଛି, ଲୋକମାନେ ତା ବିରୁଦ୍ଧରେ ଭୋଟ ଦେଇଥିଲେ ।