ମହାରାଷ୍ଟ୍ର ପରେ ଉତ୍ତରପ୍ରଦେଶରେ ପ୍ଲାଷ୍ଟିକ ବ୍ୟବହାର ଉପରେ ଲାଗିଲା ରୋକ ! ଓଡିଶାରେ କେବେ ?
ଉତ୍ତରପ୍ରଦେଶରେ ପ୍ଲାଷ୍ଟିକ ଏବଂ ପଲିଥିନ ବ୍ୟବହାର ଉପରେ ରୋକ ଲଗାଇଲେ ରାଜ୍ୟ ସରକାର । ଗତ ଶୁକ୍ରବାର ଦିନ ରାଜ୍ୟରେ ପ୍ଲାଷ୍ଟିକ ବ୍ୟବହାରକୁ ନିଷେଦ୍ଧ କରିବାର ପାଇଁ ନିର୍ଦେଶ ଦେଇଛନ୍ତି ରାଜ୍ୟ ସରକାର । ଏହି ନିେର୍ଦ୍ଦେଶ ଅନୁସାରେ ଜୁଲାଇ ୧୫ ତାରିଖ ଠାରୁ ଶହରର ପ୍ରତ୍ୟକଟି ଅଞ୍ଚଳରେ ପଲଥିନ ବ୍ୟବହାର ନକରିବା ପାଇଁ ଆଦେଶ ଜାରି କରାଯାଇଛି । ଶହିଦ ପଥ ସ୍ଥିତ ଏକ ସ୍ଥାନୀୟ ଅଞ୍ଚଳରେ ନିର୍ଦ୍ଦେଶାଳୟ ତରଫରୁ ଆୟୋଜିତ କରାଯାଇଥିବା ସମାରୋହରେ ସୋମବାର ଦିନ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଥିଲେ ଏବେ ରାଜ୍ୟର ପ୍ରତ୍ୟକଟି ଅଞ୍ଚଳରେ ପ୍ଲାଷ୍ଟିକକୁ ବ୍ୟାନ କରାଯିବା କଥା । କିନ୍ତୁ ଏହାକୁ ପ୍ରଥମ ଚରଣରେ ଶହର ଅଞ୍ଚଳରେ ନିଷେଧ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ସିଏମ ଯୋଗୀ ଅନେକ ଥର ପ୍ଲାଷ୍ଟିକ ବ୍ୟବହାର ଉପରେ ପ୍ରତିବନ୍ଧକ ଲଗାଇବା କଥା କହିଥିଲେ କିନ୍ତୁ ଶହରି ଅଞ୍ଚଳ ଗୁଡିକରେ ପଲଥିନକୁ ନିଷେଧ କରିବାର କୌଣସି ନିୟମ ନଥିବାରୁ ଏହା ସମ୍ଭବ ହୋଇପାରୁନଥିଲା । କିନ୍ତୁ ଏବେ କ୍ୟାବିନେଟ ପ୍ଲାଷ୍ଟିକ ବ୍ୟାନ କରିବାର ପଲିସିକୁ ମଞ୍ଜୁରୀ ଦେବା ପରେ ରାଜ୍ୟ ସରକାର ଦ୍ୱାରା ଶହରାଞ୍ଚଳରେ ପଲଥିନ ଉପରେ ରୋକ ଲଗାଗଲା । କ୍ୟାବିନେଟ ଦ୍ୱାରା ପାସ କରାଯାଇଥିବା ପଲିସିର ନିୟମ ଅନୁସାରେ, ଯଦି କୌଣସି ବ୍ୟକ୍ତି ରାଜ୍ୟସରକାରଙ୍କ ଦ୍ୱାରା ପ୍ରଣୟନ କରାଯାଇଥିବା ଆଇନକୁ ଉଲଙ୍ଘନ କରି ପଲଥିନ ବ୍ୟବହା କରେ ତେବେ ତାଙ୍କ ଉପରେ ୫୦ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ଲଗାଯିବ ।
ଉଲ୍ଲେଖଯୋଗ୍ୟ, ପୂର୍ବରୁ ମଧ୍ୟ ମହାରାଷ୍ଟ୍ରରେ ପ୍ଲାଷ୍ଟିକୁ ବ୍ୟାନ କରାଯାଇଛି । ଏବେ ଉତ୍ତରପ୍ରଦେଶରେ ପ୍ଲାଷ୍ଟିକ ଉପରେ ପ୍ରତିବନ୍ଧକ ଲଗାଇ ଦିଆଗଲା । କିନ୍ତୁ ପ୍ରଶ୍ନ ଉଠୁଛି ଓଡିଶା କଣ ପ୍ଲାଷ୍ଟିକ ଦ୍ୱାରା ପ୍ରଭାବିତ ହେଉନାହିଁ ? ପ୍ରତି ବର୍ଷ କୁଢ କୁଢ ପ୍ଲାଷ୍ଟିକ ଓଡିଶାରେ ଗଦା ହେଉଛି । ପ୍ରତିଟି ଅଞ୍ଚଳରେ ପଲଥିନ ଏବଂ ପ୍ଲାଷ୍ଟିକ ଜାତୀୟ ଅନ୍ୟାନ୍ୟ ପଦାର୍ଥ ବ୍ୟବାହାର ବିପୁଳ ପରିମାଣରେ ହେଉଛି । ପ୍ଲାଷ୍ଟିକ କାରଣରୁ ରାସ୍ତା କଡରେ ଥିବା ଡ୍ରେନ ଜାମ ହୋଇଯାଉଛି । ଯାହା ଫଳରେ ବର୍ଷାଦିନେ ପାଣି ଡ୍ରେନରେ ପାସ ନକରି ରାସ୍ତା ଉପରେ ଯମା ହୋଇ ରହୁଛି । ଅନେକ କ୍ଷୟକ୍ଷତି କେବଳ ପ୍ଲାଷ୍ଟିକ କାରଣରୁ ହେଉଛି । କିନ୍ତୁ ଏଯାଏ ପ୍ରସାସନ ପ୍ଲାଷ୍ଟିକ ବ୍ୟବାହାର ଉପରେ କୌଣସି ପଦକ୍ଷପ ଗ୍ରହଣ କରିନାହାଁନ୍ତି । ଯଦି ୟୁପି ଏବଂ ମହାରାଷ୍ଟ୍ର ଭଳି ଓଡିଶାରେ ପ୍ଲାଷ୍ଟିକ ଉପରେ ପ୍ରତିବନ୍ଧକ ଲଗାଯାଏ ତେବେ ରାଜ୍ୟର ପରିସ୍ଥିତି ସୁଦୁରି ପାରିବ ବୋଲି ଆଶା କରାଯାଉଛି ।