ରାଜ୍ୟରେ ୮୫ ଟପିଲା ପେଟ୍ରୋଲ ! ତୈଳ ଦର ବୃଦ୍ଧିର କାରଣ କହିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
କନକ ବ୍ୟୁରୋ : ପେଟ୍ରୋଲ ଓ ଡିଜେଲ ଦର ବୃଦ୍ଧି ଏବେ ରେକର୍ଡ ସ୍ତରରେ ପହଞ୍ଚିଛି । ଆଜି ରାଜ୍ୟରେ ପେଟ୍ରୋଲ ଦର ସର୍ବାଧିକ ୮୫ ଟଙ୍କା ୬ ପଇସା ରହିଛି । ମାଲକାନିଗିର ଜିଲ୍ଲା ଉପାନ୍ତ ଅଂଚଳ କାଲିମେଳାରେ ସର୍ବାଧିକ ଦର ରହିଛି । ପେଟ୍ରୋଲ ଲିଟର ପିଛା ୮୫ ଟଙ୍କା ୦୬ ପଇସା ଓ ଡିଜେଲ ୮୩ ଟଙ୍କା ୪୧ ପଇସା ରହିଛି । ମାଲକାନଗିରିରେ ୮୪ ଟଙ୍କା ୫୭ ପଇସା ଥିବା ବେଳେ ଡିଜେଲ ଦର ରହିଛି ୮୨ ଟଙ୍କା ୯୩ ପଇସା ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ନବରଙ୍ଗପୁରରେ ପେଟ୍ରୋଲ ଦର ୮୪ ଟଙ୍କା ୧୬ ପଇସାରେ ପହଚିଂଥିବା ବେଳେ ଡିଜେଲ ଦର ୮୨ ଟଙ୍କା ୫୨ ପଇସା ରହିଛି । ଜୟପୁରରେ ପେଟ୍ରୋଲ ଲିଟର ୮୩ ଟଙ୍କା ୯୨ ପଇସା ଓ ଡିଜେଲ ୮୨ ଟଙ୍କା ୨୮ ପଇସାରେ ବିକ୍ରି ହେଉଛି । ସେହିପରି ପୁରୀରେ ପେଟ୍ରୋଲ ଦର ୮୦ ଟଙ୍କା ୯୨ ପଇସା ଥିବା ବେଳେ ଢିଜେଲ ୭୯ ଟଙ୍କା ୩୨ ପଇସାରେ ପହଂଚିଛି । ସମ୍ବଲପୁରରେ ମଧ୍ୟ ପେଟ୍ରୋଲ ଦର ୮୧ ଟଙ୍କା ୩୭ ପଇସା ଓ ଡିଜେଲ ୭୯ ଟଙ୍କା ୭୪ ପଇସା ରହିଛି ।
ତେବେ ଏସବୁ ଭିତରେ ପେଟ୍ରୋଲ ଓ ଡିଜେଲ ଦର କାହିଁକି ବୃଦ୍ଧି ହେଉଛି ତାହାର କାରଣ ବଖାଣିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅନ୍ତରାଷ୍ଟ୍ରୀୟ ବଜାର ଯୋଗୁଁ ତୈଳ ଦର ବୃଦ୍ଧି ହେଉଛି । ଏହାସହ ତୈଳଦର ବୃଦ୍ଧିକୁ ନେଇ ରାଜ୍ୟ ସରକାରଙ୍କୁ ବଲ ଫିଙ୍ଗିଛନ୍ତି ଧର୍ମେନ୍ଦ୍ର । ଅନ୍ୟ ରାଜ୍ୟ ଭାଟ୍ କମ୍ କଲେଣି, ଓଡିଶା ସରକାର ଭାଟ୍ କମାନ୍ତୁ ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି । ଅକ୍ଟୋବରରେ କେନ୍ଦ୍ର ସରକାର ଉତ୍ପାଦ ଶୁଳ୍କ କମାଇଛନ୍ତି । ପୂର୍ବରୁ ୩ ହଜାର କୋଟି ଏବେ ୭ ହଜାର କୋଟି ରାଜସ୍ୱ ପାଇଲେଣି ରାଜ୍ୟ ସରକାର । ଭାଟ୍ କମାଇବା ରାଜ୍ୟର ବଡ ଦାୟିତ୍ୱ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି ।