ଉଭୟ ସରକାରୀ ଓ ପ୍ରାଇଭେଟ ହସ୍ପିଟାଲରେ ମିଳିବ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସୁବିଧା ! ଜାଣନ୍ତୁ ଚିକିତ୍ସା ସୁବିଧା ମିଳୁଥିବା ୨୦୮ଟି ପ୍ରାଇଭେଟ ହସ୍ପିଟାଲର ପୂରା ତାଲିକା
କନକ ବ୍ୟୁରୋ : ଆୟୁଷ୍ମାନ ଯୋଜନାର ଗୋଟିଏ ମାସ ପୂର୍ବରୁ ଓଡିଶାରେ ଆରମ୍ଭ ହୋଇଛି ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା । ରାଜ୍ୟରେ ଲୋକମାନଙ୍କୁ ଉନ୍ନତମାନର ସ୍ୱାସ୍ଥ୍ୟସେବା ଯୋଗାଇ ଦେବା ପାଇଁ ସ୍ୱାଧୀନତା ଦିବସରୁ ଆରମ୍ଭ ହୋଇଥିଲା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା । ସ୍ୱାସ୍ଥ୍ୟ କ୍ଷେତ୍ରରେ ରାଜ୍ୟବାସୀଙ୍କ ସ୍ୱାଧୀନତା ଦେବାକୁ ଏହି ମହତ୍ୱାକାଂକ୍ଷୀ ଯୋଜନାର ଶୁଭାରମ୍ଭ କରିଥଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଯୋଜନାର ମୂଲ ଲକ୍ଷ୍ୟ ଥିଲା, ରାଜ୍ୟର କୌଣସି ବ୍ୟକ୍ତି ଯେପରି ସ୍ୱାସ୍ଥ୍ୟ ସେବାରୁ ବଞ୍ଚିତ ନ ହ୍ରୁଅନ୍ତି । ଏହି ଯୋଜନା ମାଧ୍ୟମରେ ରାଜ୍ୟର ସମସ୍ତ ସରକାରୀ ଓ ୨୦୮ ସ୍ୱୀକୃତିପ୍ରାପ୍ତ ବେସରକାରୀ ଚିକିତ୍ସାଳୟରେ ବିନା ଦେୟରେ ସ୍ୱାସ୍ଥ୍ୟ ସେବା ପାଇପାରିବେ ୭୦ ଲକ୍ଷ ପରିବାର ।
୨୦୮ଟି ବେସରକାରୀ ହସ୍ପିଟାଲରେ ମିଳିବ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସୁବିଧା । କେବଳ ରାଜ୍ୟ ନୁହେଁ ରାଜ୍ୟ ବାହାରେ ମଧ୍ୟ ଚିକିତ୍ସା ସୁବିଧା ପାଇବେ
Kanak News is now on WhatsApp
Join and get latest news updates delivered to you via WhatsApp
୨୦୮ଟି ବେସରକାରୀ ହସ୍ପିଟାଲରେ ମିଳିବ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସୁବିଧା । କେବଳ ରାଜ୍ୟ ନୁହେଁ ରାଜ୍ୟ ବାହାରେ ମଧ୍ୟ ଚିକିତ୍ସା ସୁବିଧା ପାଇବେ ଲୋକେ pic.twitter.com/T22esuFZ2h
— Kanak News (@kanak_news) September 6, 2018
ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସରକାରୀ ହସ୍ପିଟାଲକୁ ଛାଡି ୨୦୮ଟି ବେସରକାରୀ ହସ୍ପିଟାଲରେ ମଧ୍ୟ ଚିକିତ୍ସା ସୁବିଧା ପାଇପାରିବେ ଲୋକେ । କେବଳ ରାଜ୍ୟର ପ୍ରମୁଖ ହସ୍ପିଟାଲ ନୁହେଁ ରାଜ୍ୟ ବାହାରେ ଥିବା ଅଥାର୍ତ ଅନ୍ୟ ରାଜ୍ୟର କିଛି ହସ୍ପିଟାଲରେ ମଧ୍ୟ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ସୁବିଧା ପାଇପାରିବେ ରାଜ୍ୟବାସୀ । ଖାସକରି ଛତିଶଗଡର ୨ଟି ହସ୍ପିଟାଲ ଓ ଆନ୍ଧ୍ରପ୍ରଦେଶର ୪ଟି ହସ୍ପିଟାଲରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ଫାଇଦା ଉଠାଇପାରିବେ ଲୋକେ । ଆନ୍ଧ୍ରପ୍ରଦେଶରେ ଥିବା ଆପୋଲ ହସ୍ପିଟାଲ, କେୟାର ହସ୍ପିଟାଲ, ସେଭେନ ହିଲ ହସ୍ପିଟାଲ ଓ ମହାତ୍ମା ଗାନ୍ଧି କ୍ୟାନସର ଇନଷ୍ଟିଚ୍ୟୁଟରେ ଚିକିତ୍ସିତ ହୋଇପାରିବେ ଲୋକେ । ସେହିଭଳି ଛତିଶଗଡର ନାରାୟଣ ହୃଦୟାଳୟା ହସ୍ପିଟାଲ , ରାମକୃଷ୍ଣ କେୟାର ହସ୍ପିଟାଲରେ ମଧ୍ୟ ସ୍ୱାସ୍ଥ୍ୟସେବାର ଲାଭ ଉଠାଇପାରିବେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ ଥିବା ଲୋକେ ।
ରାଜ୍ୟ ବାହାରେ ମଧ୍ୟ କାମ କରିବ ନବୀନ କେୟାର ! କେଉଁ ହସ୍ପିଟାଲରେ ପାଇପାରିବେ ଚିକିତ୍ସା ସୁବିଧା, ଜାରି ହେଲା ତାଲିକା
ରାଜ୍ୟ ବାହାରେ ମଧ୍ୟ କାମ କରିବ ନବୀନ କେୟାର ! କେଉଁ ହସ୍ପିଟାଲରେ ପାଇପାରିବେ ଚିକିତ୍ସା ସୁବିଧା, ଜାରି ହେଲା ତାଲିକା pic.twitter.com/AapcFUrefM
— Kanak News (@kanak_news) September 6, 2018
ଅନ୍ୟପଟେ ରାଜ୍ୟରେ ଥିବା କିଛି ପ୍ରମୁଖ ହସ୍ପିଟାଲରେ ମଧ୍ୟ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ଚିକିତ୍ସା ସୁବିଧାର ଲାଭ ଉଠାଇ ପାରିବେ ସାଧାରଣ ଲୋକେ । କଟକ, ଭୁବନେଶ୍ୱରର କିଛି ପ୍ରମୁଖ ବେସରକାରୀ ହସ୍ପିଟାଲ ଯେପରିକି କଟକର ପଣ୍ଡା କ୍ୟୁରୀ କ୍ୟାନସର ହସ୍ପିଟାଲ,ସଦଗୁରୁ ହସ୍ପିଟାଲ ଓ ଭୁବନେଶ୍ୱରର ଆମ୍ରି , ଆପୋଲୋ, ଆଦିତ୍ୟ କେୟାର, ହାଇଟେକ , କିମ୍ସ ଭଳି ହସ୍ପିଟାଲରେ ମଧ୍ୟ ମାଗଣାରେ ନିଜର ଚିକିତ୍ସା କରିପାରିବେ ଲୋକେ ।
କ୍ୟାନସର, ହାର୍ଟ, ବ୍ରେନ ଓ କିଡନୀ ରୋଗରେ ଆକ୍ରାନ୍ତ ରୋଗୀ ମାନେ ମଧ୍ୟ ବିଜୁ ସ୍ୱାସ୍ଥ୍ୟ କଳ୍ୟାଣ ଯୋଜନା ମାଧ୍ୟମରେ ଚିକିତ୍ସିତ ହୋଇପାରିବେ । ଘୋଷଣା ଅନୁଯାୟୀ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ପ୍ରତ୍ୟେକ ପରିବାରକୁ ୫ ଲକ୍ଷ ଟଙ୍କା ଓ ମହିଳାଙ୍କ କ୍ଷେତ୍ରରେ ଅତିରିକ୍ତ ୨ ଲକ୍ଷ ଟଙ୍କାର ଚିକିତ୍ସା ସୁବିଧା ସରକାରଙ୍କ ପକ୍ଷରୁ ଉପଲବ୍ଧ କରାଯିବ ବୋଲି ବିଧାନସଭାରେ ଉତ୍ତର ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା । ତେବେ ରାଜ୍ୟ ବାହାରେ କାମ କରୁ୍ଥିବା ଲୋକମାନଙ୍କୁ ଏହି ଯୋଜନାରେ ସ୍ୱାସ୍ଥ୍ୟ ସେବାର ସୁବିଧା ମିଳିବ ନାହିଁ ।