ଆରମ୍ଭ ହେଲା ପପୁଙ୍କ କାଉଂଟଡାଉନ୍ : ୪୮ ଘଂଟା ମଧ୍ୟରେ ଧରିବ କମିଶନରେଟ୍ ପୁଲିସ୍
ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : ୪୮ ଘଂଟା ମଧ୍ୟରେ ପପୁଙ୍କୁ ଗିରଫ କରିବ ପୁଲିସ୍ । ଏହି ସୂଚନା ଦେଇଛନ୍ତି ଆଡିସନାଲ ଡିସିପି ବିଏନ୍ ଦଣ୍ଡପାଟ । ପପୁଙ୍କ ଗତିବିଧି ଉପରେ ପୁଲିସ ନଜର ରଖିଥିବା ସେ କହିଛନ୍ତି । ପପୁଙ୍କୁ ଗିରଫ କରିବାକୁ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଛି । ସେହିପରି କମେଡି କିଙ୍ଗ ପପୁ ପମପମଙ୍କ ବାସଭବନ ଆଗରେ ନୋସିଟ୍ ଲଗାଇଛି କମିଶନରେଟ୍ ପୁଲିସ୍ । ଜୁଲାଇ ୭ ତାରିଖ ସୁଦ୍ଧା ପପୁଙ୍କୁ ହାଜର ହେବାକୁ କମିଶନରେଟ୍ ପୁଲିସ କଡା ତାଗିଦ କରିଛି । ମହିଳା ଥାନାରେ ହାଜର ହୋଇ ପପୁଙ୍କୁ ତଦନ୍ତରେ ସାହାଯ୍ୟ କରିବାକୁ ନୋଟିସରେ ଉଲ୍ଲେଖ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ତଦନ୍ତ ଶେଷ ହେବା ନପର୍ଯ୍ୟନ୍ତ ପ୍ରତି ୧୫ ଦିନରେ ଥାନାରେ ହାଜର ହୋଇ ତଦନ୍ତକାରୀଙ୍କୁ ସାକ୍ଷାତ କରିବେ ପପୁ । ଆବଶ୍ୟକ ପଡିଲେ ଯେତେବେଳେ ତଦନ୍ତକାରୀ ଚାହିଁବେ ସେହି ସମୟରେ ପପୁ ପମପମ ଆସି ତଦନ୍ତକାରୀଙ୍କୁ ସାକ୍ଷାତ କରିବେ ବୋଲି ନୋଟିସରେ ଉଲ୍ଲେଖ ରହିଛି । ତଦନ୍ତ ଶେଷ ନହେବା ପର୍ଯ୍ୟନ୍ତ ରାଜ୍ୟ ବାହାରକୁ ନଯିବାକୁ କଟକଣା ଲଗାଯାଇଛି । ସେହିପରି ପପୁଙ୍କ ସହଯୋଗୀ ପ୍ରଦୀପ ସାଇଁଙ୍କ ବାସଭବନରେ ମଧ୍ୟ ନୋଟିସ ଲଗାଯାଇଛି । ନାବାଳିକା କାଷ୍ଟିଂ କାଉଚ ଅଭିଯୋଗ ମାମଲାରେ ପପୁ ପମପମ ଫେରାର ଅଛନ୍ତି । ତେବେ ଶୁଣନ୍ତୁ କଣ କହିଛନ୍ତି ଆଡିସନାଲ ଡିସିପି ବିଏନ୍ ଦଣ୍ଡପାଟ ।