ପାକିସ୍ତାନ ଆଡୁ ବଢୁଛି ପରମାଣୁ ଯୁଦ୍ଧର ବିପଦ ! ଆଶଙ୍କା ପ୍ରକାଶ କଲା ଆମେରିକୀୟ ଥିଙ୍କ ଟ୍ୟାଙ୍କ
କନକ ବ୍ୟୁରୋ : ପାକିସ୍ତାନ ଆଡୁ ବଢୁଛି ପରମାଣୁ ଯୁଦ୍ଧର ବିପଦ । ଏପରି ଚମକାଇବା ଭଳି ଖୁଲାସା କରିଛି ଆମେରିକୀୟ ଥିଙ୍କ ଟ୍ୟାଙ୍କ । ‘ଏସିଆ ଇନ ସେକେଣ୍ଡ ନ୍ୟୁକ୍ଲିୟର ଏଜ’ ରିପୋର୍ଟରେ ଏହା ପ୍ରକାଶ କରିଛି ଆମେରିକୀୟ ଥିଙ୍କ ଟ୍ୟାଙ୍କ ଆଟଲାଂଟିକ କାଉନସିଲ । ପାକିସ୍ତାନ ଏପର୍ଯ୍ୟନ୍ତ ନିଜ ପରମାଣୁ ଯୁଦ୍ଧ ଯୋଜନା ସଂପର୍କରେ ସାରା ବିଶ୍ୱକୁ ଜଣାଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ପରମାଣୁ ପ୍ରସ୍ତୁତି କେବଳ ଆଂଚଳିକ କ୍ଷେତ୍ର ପାଇଁ ବିପଦ ସୃଷ୍ଟି କରୁନି ବରଂ ଯେ କୌଣସି ପାରମ୍ପରିକ ଯୁଦ୍ଧ ପାଇଁ ମଧ୍ୟ ବିପଦ ପାଲଟିଛି । ସାଧାରଣ ଯୁଦ୍ଧରେ ବି ଏହି ଦେଶ ପରମାଣୁ ଶକ୍ତିକୁ ବ୍ୟବହାର କରିବାର ଆଶଙ୍କା ରହିଛି । କାରଣ ପାକିସ୍ତାନର ଆଣବିକ ଅସ୍ତ୍ରଗୁଡିକୁ ସୁରକ୍ଷା ଦେଉଥିବା ସଂସ୍ଥାର ସ୍ଥିରତା ଉପରେ ଭରସା ନାହିଁ । ଗତ ୪ ଦଶନ୍ଧି ଧରି ଆତଙ୍କବାଦକୁ ଅସ୍ତ୍ର କରି ଭାରତ ଓ ଆଫଗାନିସ୍ତାନରେ ଅଶାନ୍ତି ସୃଷ୍ଟି କରୁଥିବା ପାକିସ୍ତାନ ନିଜେ ମଧ୍ୟ ଏହାର ଶିକାର ହୋଇଛି ।
ପାକିସ୍ତାନର ସେନା ଆଡ୍ଡା ସହ ବିଭିନ୍ନ ସମ୍ବେଦନଶୀଳ ସ୍ଥାନରେ ବି ଆତଙ୍କବାଦୀ ଆକ୍ରମଣ ହୋଇଛି । ପରମାଣୁ ଅସ୍ତ୍ର ଉପରେ ପାକିସ୍ତାନ ସରକାର କିମ୍ବା ସେନାର ମଜବୁତ ନିୟନ୍ତ୍ରଣ ନାହିଁ । ତେଣୁ କୌଣସି ସମୟରେ ଏହା ଆତଙ୍କବାଦୀଙ୍କ ହାତରେ ପଡିପାରେ ନଚେତ୍ ସେନା ଭିତରେ ଆଭ୍ୟନ୍ତରୀଣ ମତଭେଦରୁ ମଧ୍ୟ ଏହାର ଅପବ୍ୟବହାର ହୋଇପାରେ ବୋଲି ଏହି ରିପୋର୍ଟରେ ପ୍ରକାଶିତ ହୋଇଛି ।