ନଭେମ୍ବର ୨୧ ସୁଦ୍ଧା ଆସିବ ଓଟିଇଟି ପରୀକ୍ଷା ଫଳ । ଗଣଶିକ୍ଷା ମନ୍ତ୍ରୀ ସମୀର ଦାଶଙ୍କ ସୂଚନା
ପ୍ରଶ୍ନପତ୍ର ତ୍ରୁଟି ଅନୁଧ୍ୟାନ ପାଇଁ ଗଠିତ ହେବ କଣ୍ଡକ୍ଟିଂ ବୋର୍ଡ; ପରୀକ୍ଷାର୍ଥୀଙ୍କୁ ଫେରାଇ ଦିଆଯିବ ପୁନଃ ଖାତା ମୂଲ୍ୟାୟନ ପାଇଁ ଦେଇଥିବା ଫି
କନକ ବ୍ୟୁରୋ: ନଭେମ୍ବର ୨୧ ସୁଦ୍ଧା ପ୍ରକାଶ ପାଇବ ଓଡିଶା ଟିଚର ଇଲିଜିବିଲିଟି ଟେଷ୍ଟ ବା ଓଟିଇଟି ପରୀକ୍ଷା ଫଳ । ଗତକାଲି ବସିଥିବା ବିଦ୍ୟାଳୟ ଓ ଗଣଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ବୈଠକ ପରେ ଏହି ସୂଚନା ଦେଇଛନ୍ତି ମନ୍ତ୍ରୀ ସମୀର ଦାଶ । ଏଥିସହ ଚଳିତ ବର୍ଷ ଅନଲାଇନ ପରୀକ୍ଷା ପ୍ରଶ୍ନପତ୍ରରେ ତ୍ରୁଟି ହୋଇଥିବା ସ୍ୱୀକାର କରିଛନ୍ତି ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ପରୀକ୍ଷାରେ କାହିଁକି ତ୍ରୁଟି ହେଲା, ଗ୍ରେସ ମାର୍କ ଦିଆଯିବ କି ନାହିଁ ସେହି ନିଷ୍ପତି ବୋର୍ଡର କଣ୍ଡକ୍ଟିଂ ବୋର୍ଡ ନେବ ବୋଲି ସୂଚନା ମିଳିଛି । ସେହିଭଳି ଖାତା ରିଚେକିଂ ପରୀକ୍ଷାର୍ଥୀମାନଙ୍କ ଟଙ୍କା ଫେରସ୍ତ କରାଯିବ ।
ବୈଠକରେ ବିଦ୍ୟାଳୟ ଓ ଗଣଶିକ୍ଷାମନ୍ତ୍ରୀ ଓଟିଇଟି ପରୀକ୍ଷା ତ୍ରୁଟି ସଂପର୍କରେ ଅନୁଧ୍ୟାନ କରି ସମସ୍ୟାର ସମାଧାନ କରିବା ପାଇଁ ମାଧ୍ୟମିକ ଶିକ୍ଷା ବୋର୍ଡକୁ ନିର୍ଦ୍ଦେଶ ଦେଇଛନ୍ତି । ତେବେ ଓଟିଇଟି ପରୀକ୍ଷା ପାଇଁ ପ୍ରଶ୍ନପତ୍ରରେ ତ୍ରୁଟି ଥିବା ନେଇ ଅଭିଯୋଗ ହେବା ପରେ ବିଦ୍ୟାଳୟ ଓ ଗଣଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ବୈଠକରେ ବିଭାଗୀୟ ମନ୍ତ୍ରୀ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।