ଏହି ସବୁ ଜିଲ୍ଲାରେ ସୁଲଭ ଦରରେ ମିଳୁଛି ପିଆଜ: ଖାଦ୍ୟଯୋଗାଣ ମନ୍ତ୍ରୀ କହିଲେ, ଡିଲରଙ୍କ ଉପରେ ରହିଛି ନଜର

1,464

କନକ ବ୍ୟୁରୋ: ୧୬ ଜିଲ୍ଲାରେ ସୁଲଭ ଦରରେ ମିଳୁଛି ପିଆଜ । ଯେତିକି ଟଙ୍କାରେ ପିଆଜ କିଣାଯାଇଛି ଠିକ୍ ସେହି ଅନୁପାତରେ ଗ୍ରାହକଙ୍କୁ ମିଳୁଛି ପିଆଜ ବୋଲି କହିଛନ୍ତି ଖାଦ୍ୟଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । ସେହି ଜିଲ୍ଲାଗୁଡ଼ିକ ମଧ୍ୟରେ ରହିଛି ଅନୁଗୁଳ, କଟକ, ସମ୍ବଲପୁର, ବଲାଙ୍ଗୀର, ଝାରସୁଗୁଡ଼ା, ଖୋର୍ଦ୍ଧା, ମୟୂରଭଞ୍ଜ, ଢେଙ୍କାନାଳ, ଭଦ୍ରକ, ନୂଆପଡ଼ା, କୋରାପୁଟ, ବ୍ରହ୍ମପୁର, କେନ୍ଦୁଝର, ଭବାନୀପାଟଣା, ବାଲେଶ୍ୱର ଓ କେନ୍ଦ୍ରାପଡ଼ା।

ସବୁଠାରୁ ବଡ଼କଥା ହେଲା, ଯେତିକି ଟଙ୍କାରେ ପିଆଜ କିଣାଯାଛି ସେତିକି ଟଙ୍କାରେ ଗ୍ରାହକଙ୍କୁ ବିକ୍ରି କରାହେଉଛି। ଏହି ପିଆଜ ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ ବିକ୍ରି କରାଯାଉଛି। ଆଉ ଯେଉଁମାନେ ପିଆଜ ବଜାରକୁ ନଛାଡ଼ି ଜମା କରି ରଖୁଛନ୍ତି ସେମାନଙ୍କ ଉପରେ ଚଢ଼ଉ କରାଯାଉଛି ବୋଲି ଖାଦ୍ୟ ଓ ଯୋଗାଣ ମନ୍ତ୍ରୀ କହିଛନ୍ତି ।

ଅନ୍ୟପଟେ ସମ୍ଭାବ୍ୟ ବାତ୍ୟା ‘ବୁଲବୁଲ୍’ ପାଇଁ ମଧ୍ୟ ଅନେକ ସ୍ଥାନରେ ପରିବା ଦର ବୃଦ୍ଧି ପାଉଥିବା ଅଭିଯୋଗ ହେଉଛି । ଏହାକୁ କିଭଳି ନିୟନ୍ତ୍ରଣ କରାଯାଇପାରିବ ସେନେଇ ସରକାରୀ ସ୍ଥରରେ ବିଭିନ୍ନ ଗୋଦାମ ଘରେ ବା ପିଆଜ ଜମାଖୋରଙ୍କ ଉପରେ ଚଢ଼ାଉ କରାଯାଉଛି ବୋଲି ସୂଚନା ମିଳିଛି ।