‘ଆତ୍ମ ନିର୍ଭର ଭାରତ ଅଭିଯାନ’ରେ ଗରିବ, ଶ୍ରମିକ ଓ କୃଷକ । ଆଗାମୀ ୨ ମାସ ପାଇଁ ସମସ୍ତ ପ୍ରବାସୀଙ୍କୁ ମାଗଣା ଖାଦ୍ୟଶସ୍ୟ, ୱାନ ନେସନ୍ ୱାନ ରାସନ କାର୍ଡ ଘୋଷଣା କଲେ କେନ୍ଦ୍ର ଅର୍ଥମନ୍ତ୍ରୀ ।
କନକ ବ୍ୟୁରୋ: ‘ଆତ୍ମ ନିର୍ଭର ଭାରତ ଅଭିଯାନ’ ପାଇଁ ମୋଦିଙ୍କ ୨୦ ଲକ୍ଷ କୋଟି ପ୍ୟାକେଜରେ ପ୍ରବାସୀ ଶ୍ରମିକଙ୍କୁ ଫୋକସ୍ । ଦେଶରେ ରାସନ କାର୍ଡର ନେସନାଲ ପୋର୍ଟିବିଲିଟି ଅର୍ଥାତ୍ ୱାନ ନେସନ ୱାନ କାର୍ଡ ଲାଗୁ ପାଇଁ ଘୋଷଣା କଲେ କେନ୍ଦ୍ର ଅର୍ଥମନ୍ତ୍ରୀ । ଚଳିତ ବର୍ଷ ଅଗଷ୍ଟ ମାସ ମଧ୍ୟରେ ୨୩ଟି ରାଜ୍ୟରେ ୬୭ କୋଟି ହିତାଧିକାରୀଙ୍କ ପାଇଁ ଗୋଟିଏ ଦେଶ-ଗୋଟିଏ ରାସନ କାର୍ଡ ଦେଶର ୮୩ ପ୍ରତିଶତ ବା ୬୭ କୋଟି ହିତାଧିକାରୀ ଏଥିରେ ଲାଭବାନ୍ ହୋଇପାରିବେ । ଏହାର ଅର୍ଥ ହେଉଛି ସେମାନେ ଦେଶର ଯେଉଁ ରାଜ୍ୟରେ ଥାଆନ୍ତୁ ନା କାହିଁକି ସେମାନେ ଖାଦ୍ୟଶସ୍ୟ ପାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା କି, ୨୦୨୧ ମାର୍ଚ୍ଚ ସୁଦ୍ଧା ଦେଶରେ ୱାନ ନେସନ୍ ୱାନ୍ ରାସନ କାର୍ଡ ଲକ୍ଷ୍ୟ ପୂରଣ ହେବ । ଏଠାରେ ଆମେ କହି ରଖୁଛି କି, ଗୋଟିଏ ରାସନ କାର୍ଡ ଦ୍ୱାରା ରାସନକାର୍ଡଧାରୀ ଦେଶର କୌଣସି ବି କୋଣରେ ରହିଲେ ବି ନିଜ ଭାଗ ରାସନ ପାଇପାରିବେ ହିତାଧିକାରୀ । ତେବେ ଦେଶରେ ପାଖାପାଖି ୮୦ କୋଟିରୁ ଅଧିକ ରାସନକାର୍ଡଧାରୀ ଅଛନ୍ତି ।
ତେବେ ଆସନ୍ତା ଦୁଇମାସ ପର୍ଯ୍ୟନ୍ତ ପ୍ରାୟ ୮ କୋଟି ପ୍ରବାସୀ ଶ୍ରମିକଙ୍କ ପାଇଁ ଖାଦ୍ୟ ସୁରକ୍ଷା ସ୍କିମ ଅଧିନରେ ୩୫୦୦ କୋଟି ଟଙ୍କାର ବ୍ୟୟବରାଦ ହୋଇଛି । ଏହି ସ୍କିମ ଅନୁସାରେ ପ୍ରବାସୀ ଶ୍ରମିକଙ୍କୁ ଆସନ୍ତା ୨ ମାସ ପର୍ଯ୍ୟନ୍ତ ମାଗଣା ଖାଦ୍ୟଶସ୍ୟ ମିଳିବ । ପ୍ରତିବ୍ୟକ୍ତି ମାସକୁ ୫ କିଲୋ ଚାଉଳ ବା ଗହମ ଓ ପ୍ରତି ଶ୍ରମିକ ପରିବାରକୁ ମାସକୁ ୧ କିଲୋ ଡାଲି ଆସନ୍ତା ୨ ମାସ ପର୍ଯ୍ୟନ୍ତ ମିଳିବ । ଏହି ସୁବିଧା ପାଇଁ ସେମାନଙ୍କୁ କୌଣସି ରାସନକାର୍ଡ ଦେଖାଇବାକୁ ପଡ଼ିବ ନାହିଁ । ଏହି ସ୍କିମ ବାବଦରେ ସରକାର ୩୫୦୦ କୋଟି ବ୍ୟୟ କରିବେ ଓ ଏହା ଦ୍ୱାରା ୮ କୋଟି ପ୍ରବାସୀ ଶ୍ରମିକ ଉପକୃତ ହେବେ ।