ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : କେନ୍ଦ୍ରମନ୍ତ୍ରୀଙ୍କ ଚିଠିକୁ ନେଇ ଦ୍ୱନ୍ଦ୍ୱ । ଦୁଇଟି ଚିଠି ଭିନ୍ନ ଭିନ୍ନ ତଥ୍ୟ । ରାଜ୍ୟକୁ ମିଳିବ ୮୫ ପ୍ରତିଶତ ଚାଉଳ । ଚିଠି ଲେଖି ସ୍ପଷ୍ଟ କଲା କେନ୍ଦ୍ର । ହେଲେ ଏବେବି ତୁଟିନି ବିବାଦ । କେନ୍ଦ୍ରର ଚିଠି ନେଇ ପ୍ରଶ୍ନ ଉଠାଇଛି ରାଜ୍ୟ । ବୁଧବାର କୁହାଗଲା, ଓଡିଶାର ଦାବି ରଖିଲା କେନ୍ଦ୍ର । ଦାବି ମୁତାବକ ଓଡିଶାକୁ ୮୫ ଭାଗ ଚାଉଳ ଦିଆଯିବ । ରାଜ୍ୟ ସରକାରଙ୍କ ପାଖକୁ ଏନେଇ ଚିଠି ଦିଆଗଲା । ଚିଠିରେ ସ୍ପଷ୍ଟ ଭାବେ ଲେଖାଯାଇଛି, ଜାତୀୟ ଖାଦ୍ୟ ସୁରକ୍ଷା ଆଇନରେ ଓଡିଶାକୁ ଚଳିତ ଜୁନ୍ ମାସରୁ ଅଧିକ ଚାଉଳ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଏବେ ଆଉ ଏକ ଚିଠିକୁ ନେଇ ଚର୍ଚ୍ଚା। ଯାହା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଚିଠି ଲେଖିଛନ୍ତି କେନ୍ଦ୍ର ଖାଦ୍ୟ ଯୋଗାଣ ମନ୍ତ୍ରୀ ରାମବିଳାଶ ପାଶ୍ୱାନ । ସ୍ପଷ୍ଟ ଭାବେ ଲେଖିଛନ୍ତି, ରାଜ୍ୟ ସରକାର ଏବଂ ଆପଣଙ୍କ ଅନୁରୋଧ ରକ୍ଷାକରି ଏଣିକି ଓଡିଶାକୁ ଅଧିକ ଚାଉଳ ଦିଆଯିବ । ମେ ମାସରୁ ପିଛିଲା ଭାବେ ଲାଗୁ ହେବ ଚାଉଳ-ଗହମର ନୂଆ ହାର । ଗୋଟିଓ ଚିଠିରେ ରହିଛି ଜୁନ୍ ଏବଂ ଅନ୍ୟ ଚିଠିରେ ମେ ମାସ । ଖାଦ୍ୟ ଯୋଗାଣ ମନ୍ତ୍ରୀ ସଂଜୟ ଦାସବର୍ମା ପ୍ରଶ୍ନ କରିଛନ୍ତି, କେନ୍ଦ୍ରର କେଉଁ ଚିଠି ଠିକ୍ ।
ପ୍ରଧାନମନ୍ତ୍ରୀଙ୍କ ବାଲେଶ୍ୱର ଗସ୍ତର ଦିନକ ପୂର୍ବରୁ କେନ୍ଦ୍ର ମନ୍ତ୍ରୀ ଜାରି କରିଛନ୍ତି ଏହି ଚିଠି । କହିଛନ୍ତି, ଓଡିଶାର ଦାବି ପୂରଣ ହେଲା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବି କହିଲେ, ଓଡିଶା ପ୍ରତି ମୋଦି ସରକାର ସଚେତନ ଅଛନ୍ତି । ଏଣିକି କେନ୍ଦ୍ରକୁ ଦୋଷ ଦେବାର ବନ୍ଦ କରନ୍ତୁ ନବୀନ ସରକାର । ହେଲେ ଚାଉଳକୁ ନେଇ କେନ୍ଦ୍ରର ଏହି ଚିଠି ଏବେ ପୁଣି ପ୍ରଶ୍ନ ସୃଷ୍ଟି କରିଛି । ବାହାବା ନେବାକୁ ଧର୍ମେନ୍ଦ୍ର ଉଦ୍ୟମ କରୁଥିବା କହିଛି ବିଜେଡି ।
ରାଜ୍ୟକୁ ଅଧିକ ପରିମାଣର ଚାଉଳ ପ୍ରସଙ୍ଗରେ ଜୋର ଧରିଥିଲା ରାଜନୀତି । ରାଜ୍ୟପାଳଙ୍କୁ ଭେଟି ଦାବି ଜଣାଇଥିଲେ ବିଜେଡି ନେତା । ଖାଲି ସେତିକି ନୁହେଁ ସଂସଦ ଅଧିବେଶନରେ ବି ବିଜେଡି ଏମପି ଓଡିଶାର ଦାବି ରଖିଥିଲେ । ସେପଟେ କେନ୍ଦ୍ର ଖାଦ୍ୟ ଯୋଗାଣ ମନ୍ତ୍ରୀଙ୍କୁ ନିଜ ଆଡୁ ଚିଠି ଲେଖି ଓଡିଶାର ଦାବି ଜଣାଇଥିଲେ ଧର୍ମେନ୍ଦ୍ର ପ୍ରଧାନ । ଏହାପରେ ବି ରାଜ୍ୟ ବାରମ୍ବାର ଏହି ପ୍ରସଙ୍ଗ ଉଠାଉଥିଲା ।