ବଦଳିଲା ମେଡିକାଲ ବଣ୍ଡ ପଲିସି ନିୟମ: ରାଜ୍ୟ ସରକାରଙ୍କ ଅଧିନରେ ୨ ବର୍ଷ କାମ କରିବାକୁ ବାଧ୍ୟ ଛାତ୍ରଛାତ୍ରୀ; ପିଜି କିମ୍ବା ସୁପର ସ୍ପେଶାଲିଷ୍ଟ କୋର୍ସ ପାଇଁ ଦେବାକୁ ପଡିବ ଫାଇନ୍
କନକ ବ୍ୟୁରୋ: ବଦଳିଲା ମେଡିକାଲ ବଣ୍ଡ ପଲିସି ନିୟମ । ଏଣିକି ସରକାରୀ ମେଡିକାଲ କଲେଜରେ ଯେଉଁମାନେ ଏମବିବିଏସ ପରେ ପିଜି କିମ୍ବା ସୁପର ସ୍ପେଶାଲିଷ୍ଟ କୋର୍ସ କରିବେ ସେମାନେ ରାଜ୍ୟ ସରକାରଙ୍କ ଅଧୀନରେ କାମ କରିବାକୁ ବାଧ୍ୟ ହେବେ । ରାଜ୍ୟ ସରକାରଙ୍କ ଅଧୀନରେ ସେମାନେ ୨ ବର୍ଷ କାମ କରିବାକୁ ବାଧ୍ୟ ହେବେ । ଯଦି ଏଭଳି ନ କରିନ୍ତି ତାହାହେଲେ ସେମାନଙ୍କୁ ଏଥିପାଇଁ ମୋଟା ଅଙ୍କର ଟଙ୍କା ଜମା କରିବାକୁ ପଡିବ । ଅର୍ଥାତ୍ ପିଜି ପିଲା ଦେଢ କୋଟି ଟଙ୍କା ଓ ସୁପର ସ୍ପେଶାଲିଟି ପିଲାଙ୍କୁ ୨ କୋଟି ଟଙ୍କା ଦେବାକୁ ପଡିବ । ଚଳିତ ବର୍ଷରୁ ଏହା ଲାଗୁ କରାଯିବା ନେଇ ସୂଚନା ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ ।
Kanak News is now on WhatsApp
Join and get latest news updates delivered to you via WhatsApp
ବିଭାଗୀୟ ମନ୍ତ୍ରୀଙ୍କ କହିବା ଅନୁସାରେ, ଯେଉଁମାନେ ରାଜ୍ୟ ସରକାରଙ୍କ ଅଧିନରେ ଥିବା ମେଡିକାଲ କଲେଜମାନଙ୍କରେ ପାଠପଢି ବାହାରକୁ ପିଜି କରିବାକୁ ଯିବେ ସେମାନଙ୍କୁ ମେଡିକାଲ ବଣ୍ଡ ପଲିସି ବାବଦକୁ ସର୍ବନିମ୍ନ ଦେଢ କୋଟି ଟଙ୍କା ଜମା କରିବାକୁ ହେବ । ସେହିଭଳି ସୁପର ସ୍ପେଶାଲିଷ୍ଟ ଛାତ୍ରଛାତ୍ରୀଙ୍କୁ ୨ କୋଟି ଟଙ୍କା ଜମା କରିବାକୁ ପଡିବ । ତେବେ ପୂର୍ବରୁ ଏଥିପାଇଁ ୩୬ ଲକ୍ଷ ଟଙ୍କା ଛାତ୍ରଛାତ୍ରୀଙ୍କୁ ଦେବାକୁ ପଡୁଥିଲା । ଯେଉଁ କାରଣରୁ ଓଡିଶାରେ ଡାକ୍ତରଙ୍କନିଅଣ୍ଟ ପଡୁଥିଲେ । ତେଣୁ ବଣ୍ଡ ପଲିସି ଏହି ନୂଆ ନିୟମ ଅନୁସାରେ ଏଣିକି ଛାତ୍ରଛାତ୍ରୀଙ୍କୁ ୩୬ ଲକ୍ଷ ପରିବର୍ତ୍ତେ ଦେଢରୁ ୨ ଲକ୍ଷ ଟଙ୍କା ଜମା କରିବାକୁ ପଡିବ । ଖାଲି ଏତିକି ନୁହେଁ ଯେଉଁମାନେ ଓଡିଶାକୁ ପାଠପଢିବାକୁ ଆସିବେ ସେମାନଙ୍କୁ ଓଡିଶାରେ ସର୍ବନିମ୍ନ ୨ ବର୍ଷ ରହି କାମ କରିବାକୁ ବାଧ୍ୟ ଅଟନ୍ତି ନଚେତ ଏତିକି ଟଙ୍କା ଦେଲେ ଯାଇ ସେମାନେ ଯାଇପାରିବେ ।
ତେବେ ଓଡିଶାବାସୀଙ୍କ ସୁବିଧାକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ଏଭଳି ନିଷ୍ପତି ନିଆଯାଇଛି । ଯେଉଁମାନେ ଓଡିଶାର ମେଡିକାଲ କଲେଜ ମାନଙ୍କରେ ପାଠପଢୁଛନ୍ତି ସେମାନେ ଅନ୍ତତଃ ଓଡିଶାବାସୀଙ୍କ ସେବା କରିବା ଦରକାର । ତେଣୁ ଏହି ବଣ୍ଡର ପଇସା ବଢାଇଦେବା ଫଳରେ ବହୁତ ଡାକ୍ତର ଓଡିଶାରେ ରହିବେ ଏବଂ ଲୋକଙ୍କର ସେବା କରିବେ ବୋଲି କହିଛନ୍ତି ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ।