ସପ୍ତମ ବେତନ କମିଶନ ! ଝୁଲିଲା ଓଡ଼ିଶା ସରକାରୀ କର୍ମଚାରୀଙ୍କ ଭାଗ୍ୟ
କନକ ବ୍ୟୁରୋ : ଝୁଲି ରହିଲା ଓଡ଼ିଶା ସରକାରୀ କର୍ମଚାରୀଙ୍କ ଭାଗ୍ୟ । କେଉଁ ଆଧାରରେ ଲାଗୁ ହେବ ସପ୍ତମ ବେତନ କମିଶନଙ୍କ ସୁପାରିଶ, ଏଥିପାଇଁ ଗଠିତ ରାଜ୍ୟସରକାରଙ୍କ ଫିଟମେଂଟ କମିଟିର ବଢିଲା ଅବଧୀ । ଏହି ୬ ଜଣିଆ କମିଟି ତାର ରିପୋର୍ଟ ଦେବାର ଅବଧି ଆଜି ଶେଷ ହେଉଥିଲା । ହେଲେ କମିଟି ଏଥିପାଇଁ ଅଧିକ ୪୫ ଦିନ ସମୟ ମାଗିଛିି ।
Kanak News is now on WhatsApp
Join and get latest news updates delivered to you via WhatsApp
ଦରମାରେ ତାରତମ୍ୟ ଦୂର କରିବା ପାଇଁ ଅଧିକ ତର୍ଜମା ଆବଶ୍ୟକ ଥିବା ସୂଚନା ଦେଇଛନ୍ତି କମିଟି ଅଧ୍ୟକ୍ଷ ତଥା ଉନ୍ନୟନ କମିଶନର ଆର. ବାଲକ୍ରିଷ୍ଣନ । ଗତବର୍ଷ ଜୁନ ମାସରେ ସପ୍ତମ ବେତନ କମିସନଙ୍କ ସୁପାରିଶକୁ ଅନୁମୋଦନ କରିଥିଲେ କେନ୍ଦ୍ର ସରକାର । ଏହାର ୫ ମାସ ପରେ ଅର୍ଥାତ ଅକ୍ଟୋବର ମାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସପ୍ତମ ବେତନ କମିସନଙ୍କ ସୁପାରିଶ ଲାଗୁ କରିବା ପାଇଁ ଫିଟମେଂଟ କମିଟି ଗଠନ ନେଇ ଘୋଷଣା କରିଥିଲେ ।
୪ ମାସ ମଧ୍ୟରେ ଏହି କମିଟି ତର୍ଜମା କରି ରିପୋର୍ଟ ଦେବାକୁ କୁହାଯାଇଥିଲା । ତେବେ ନିର୍ଦ୍ଧାରିତ ସମୟରେ କମିଟି ରିପୋର୍ଟ ଦେଇନପାରିବାରୁ ଆଉ ୨ ମାସ ଅବଧି ବୃଦ୍ଧି କରାଯାଇଥିଲା । ଆଜି ଏହି ଅବଧି ଶେଷ ହେଉଥିଲେ ମଧ୍ୟ ପୁଣି ଥରେ ରିପୋର୍ଟ ଦେବା ନେଇ ମହଲତ ମାଗିଛି ଫିଟମେଂଟ କମିଟି ।