ଆଜି କନକ ନ୍ୟୁଜର ଓଡିଶା ଏଜୁକେସନ କନକ୍ଲେଭ -୨୦୧୯ ଉତ୍କର୍ଷ । ଯୋଗଦେବେ ପଦ୍ମଶ୍ରୀ ଗୌରୀ ଇଶ୍ୱରନଙ୍କ ସମେତ ବହୁ ବିଶିଷ୍ଟ ଶିକ୍ଷାବିତ୍ ଓ ବୁଦ୍ଧିଜୀବୀ
କନକ ବ୍ୟୁରୋ: କନକ ନ୍ୟୁଜର ଅଭିନବ ପ୍ରୟାସ । ଆଜି ଆୟୋଜିତ ହେବ ଓଡିଶା ଏଜୁକେସନ କନକ୍ଲେଭ୍ ୨୦୧୯ ଉତ୍କର୍ଷ । ଏଥିରେ ବିଭିନ୍ନ ପର୍ଯ୍ୟାୟରେ ବିଭିନ୍ନ ପ୍ରସଙ୍ଗରେ ହେବ ଆଲୋଚନା । ପ୍ରତିଯୋଗିତାମୂଳକ ବ୍ୟବସ୍ଥା କିଭଳି ଆମର ସୃଜନଶୀଳତାକୁ ନଷ୍ଟ କରିଦେଉଛି , ଶିକ୍ଷା କ୍ଷେତ୍ରରେ କର୍ପୋରେଟଙ୍କ କଣ ସାମିଜକ ଦାୟିତ୍ୱ ରହିଛି ଓ ପିଲାମାନଙ୍କ ପ୍ରତି ଅଭିଭାବକମାନଙ୍କର କଣ କଣ ସବୁ ଦାୟିତ୍ୱ ରହିଛି ସେ ନେଇ ଆଲୋଚନା ହେବ । ସେହିପରି ଶିକ୍ଷା ଓ ପ୍ରଯୁକ୍ତି ବିଦ୍ୟା ନୂଆ ପିଢ଼ିର ପାଠ ନେଇ ହେବ ଆଲୋଚନା । ତେବେ ସଫଳତାରେ କିଏ ପହଂଚାଏ ମେଧା ନା ଅଧ୍ୟବସାୟ ସେ ନେଇ ପ୍ରଶାସନିକ ଅଧିକାରୀ ଓ ବୁଦ୍ଧିଜୀବି ରଖିବେ ମତ ।
Kanak News is now on WhatsApp
Join and get latest news updates delivered to you via WhatsApp
ତେବେ କନକ ନ୍ୟୁଜ ପକ୍ଷରୁ ଆଜି ଆୟୋଜିତ ହେଉଥିବା ଏହି ଏଜୁକେସନ କନକ୍ଲେଭ୍ ବା ଶିକ୍ଷା ସମ୍ମିଳନୀ, ଏଜୁକେସନାଲ କନକ୍ଲେଭର ଦ୍ୱିତୀୟ ସଂସ୍କରଣ ଅଟେ । ଏହି କାର୍ଯ୍ୟକ୍ରମରେ ପଦ୍ମଶ୍ରୀ ଗୌରୀ ଇଶ୍ୱରନ୍ ପ୍ରତିଷ୍ଠିତ ସୃଜନାତ୍ମକ ଶିକ୍ଷାବିତ୍ ଓ ପ୍ରତିଷ୍ଠାତା ଅଧ୍ୟକ୍ଷ, ଡ.ଅରୁଣ କୁମାର ସାହୁ, ଶ୍ରୀଯୁକ୍ତ ସମୀର ରଂଜନ ଦାଶ, ଡ. ବିଜୟ କୁମାର ସାହୁ ସମ୍ମାନିତ ଅତିଥି ଭାବେ ଯୋଗ ଦେବେ ।