ଡ଼ିଜିଟାଲ୍ ଟ୍ରାଞ୍ଜାକସନ୍ ର ସମୟରେ ଆଜି ବି ଲୋକମାନେ ଟଙ୍କା ଲେଣ-ଦେଣ ଉପରେ ନିର୍ଭର କରୁଛନ୍ତି । ଏଥିପାଇଁ ମୁଖ୍ୟ କାରଣ ହେଉଛି ଲୋକମାନେ ଏଟିଏମ୍ ରୁ ଅଧିକ ଟଙ୍କା ବାହାର କରୁଛନ୍ତି । କିନ୍ତୁ କିଛି ସମୟ ହେଲା ଏହି ମେସିନ୍ ର ସଂଖ୍ୟା କମି କମି ଯାଉଛି । ଏହି କାରଣରୁ ଆସୁଥିବା ସମୟରେ କ୍ୟାସ୍ ଟ୍ରାଞ୍ଜାକ୍ସନ୍ କୁ ନେଇ ଅନେକ ଅସୁବିଧା ଉପୁଜିଛି । ବ୍ଲୁମବର୍ଗ ରିପୋର୍ଟ ମୁତାବକ, ଆରବିଆଇର କଠୋର ନିୟମ କାରଣରୁ ବ୍ୟାଙ୍କ୍ ଏବଂ ଏଟିଏମ୍ ମେସିନ୍ ରେ ଜରୁରୀ ପରିବର୍ତ୍ତନ କରାଯାଉଛି । ଏହି କାରଣରୁ ଏଟିଏମ୍ ଏବଂ ବ୍ୟାଙ୍କ୍ କୁ ଅଧିକ ଖର୍ଚ୍ଚ କରିବାକୁ ମଧ୍ୟ ପଡୁଛି । ଏଭଳି ସ୍ଥିତିରେ ଲଗାତାର ଏଟିଏମ୍ ମେସିନ୍ ର ସଂଖ୍ୟା କମୁଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ କଥା ହେଉଛି ଏଟିଏମ୍ ମେସିନର ସଂଖ୍ୟା କମ୍ ହେବା ପରେ ବି ଟ୍ରାଞ୍ଜାକସନର ସଂଖ୍ୟା ବଢି ଯାଉଛି । ଯଦି ଏଭଳି ଭାବରେ ଏଟିଏମ୍ ମେସିନର ସଂଖ୍ୟା କମି ଯାଏ ତେବେ ଏହାର ପ୍ରଭାବ ସଂପୂର୍ଣ୍ଣ ଦେଶ ଉପରେ ପଡିବ ଏବଂ ଲୋକଙ୍କୁ କ୍ୟାସ୍ ବାହାର କରିବା ପାଇଁ ଅସୁବିଧା ଉପୁଜିବ । ଆରବିଆଇ ରିପୋର୍ଟ ମୁତାବକ , ଦେଶରେ ଏଟିଏମ୍ ଟ୍ରାଞ୍ଜାକସନ୍ ବୃଦ୍ଧିର ଦୁଇବର୍ଷ ମଧ୍ୟରେ ଏଟିଏମ୍ ମେସିନ୍ ର ସଂଖ୍ୟା କମିଗଲା । ଅନ୍ତରାଷ୍ଟ୍ରୀୟ ମୁଦ୍ରା କୋଷ ମୁତାବକ,ବ୍ରିକ୍ସ ଦେଶରେ ଭାରତ ହେଉଛି ଏଭଳି ଏକ ଦେଶ ଯେଉଁଠାରେ ପ୍ରତି ୧ ଲକ୍ଷ ଲୋକଙ୍କ ଭିତରେ ଖୁବ୍ କମ୍ ଏଟିଏମ୍ ହିଁ ରହିଛି ।
CATMi ପୂର୍ବବର୍ଷ ଚେତାବନୀ ଦେଇଥିଲା ଯେ ୨୦୧୯ ରେ ଭାରତର ଅର୍ଦ୍ଧେକରୁ ଅଧିକ ଏଟିଏମ୍ ମେସିନ୍ ବନ୍ଦ ହୋଇଯିବ । ଦେଶରେ ୨ ଲକ୍ଷ ୩୮ ହଜାର ଏଟିଏମ୍ ରହିଛି । ଯେଉଁଥିରେ ୧ ଲକ୍ଷ ୧୩ ହଜାର ଏଟିଏମ୍ ମାର୍ଚ୍ଚ ୨୦୧୯ ଭିତରେ ବନ୍ଦ ହେବାକୁ ଥିଲା । ଏଟିଏମ୍ ମେସିନ୍ ବନ୍ଦ ହେବା କାରଣରୁ ଆରବିଆଇ ଡେପୁଟି ଗଭର୍ଣ୍ଣର ଆର.ଗାନ୍ଧୀ କହିଛନ୍ତି ଏଟିଏମ୍ ଅପରେଟର ସେହି ବ୍ୟାଙ୍କରୁ ଇଣ୍ଟରଚେଞ୍ଜ ଫିସ୍ ନେଇଥାନ୍ତି । ଯାହାଙ୍କ କାର୍ଡ ବ୍ୟବହାର କରାଯାଏ । ଏହି ଫିସ୍ ନ ଦେବା କାରଣରୁ ଏଟିଏମ୍ ର ସଂଖ୍ୟା କମି କମି ଯାଉଛି ।