ଅପରାଧ ସେମାନେ କଲେ ଆଉ ଦଣ୍ଡ ମୁଁ ପାଉଛି । ଆଇନ ବୋଧୁଏ ଏଠି ଅପରାଧୀଙ୍କୁ ସମର୍ଥନ କରୁଛି, ୭ ବର୍ଷ ହେଲାଣି ନ୍ୟାୟକୁ ଅପେକ୍ଷା କରି ବଂଚିଛି : ନିର୍ଭୟାଙ୍କ ମା’
କନକ ବ୍ୟୁରୋ : ନିର୍ଭୟାର ଦୋଷୀଙ୍କୁ କେବେ ଦଣ୍ଡ ମିଳିବ? କେବେ ସେମାନେ ଫାଶୀରେ ଝୁଲିବେ । ଦୀର୍ଘ ୭ ବର୍ଷ ହେବ ଅପେକ୍ଷା କରି ରହିଛି । ଏ କୋର୍ଟରୁ ସେ କୋର୍ଟ ଦୌଡି ଦୌଡି ମତେ ବି ଭାରି କଷ୍ଟ ଲାଗିଲାଣି । ବାରମ୍ବାର ଶୁଣାଣୀ କରି କେବଳ ତାରିଖ ଆଉ ତାରିଖ ଘୁଂଚାଯାଉଛି । ଆଇନ କଣ ସତରେ ଅନ୍ଧ ହୋଇଗଲାଣି? ଆଉ କେତେ ଦିନ କଷ୍ଟ ପାଇବି? ମତେ ଲାଗୁଛି ସେମାନେ ଅପରାଧୀ ନୁହନ୍ତି ବରଂ ମୁଁ ଅପରାଧୀ । ଏମିତି କିଛି କହିଛନ୍ତି ନିର୍ଭୟାଙ୍କ ମା’ । ଗତକାଲି ଫାଶୀ ତାରିଖ ଘୁଂଚିବା କଥା ସାମ୍ନାକୁ ଆସିବା ପରେ ଏମିତି କୋହଭରା କଣ୍ଠରେ କହିଛନ୍ତି ନିର୍ଭୟାଙ୍କ ମା’ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସେ ସରକାରଙ୍କୁ ବି ପ୍ରଶ୍ନ କରିଛନ୍ତି ଯେ, ଦୋଷୀଙ୍କ ଲାଗି ଏତେ ବିଚଳିତ କାହିଁକି? ମୋ ଝିଅକୁ ଯେଉଁ ପରି ଭାବରେ ଏମାନେ ଅତ୍ୟାଚାର ଓ ବର୍ବର ଭାବେ ମାରିଛନ୍ତି ଏମାନଙ୍କୁ କୌଣସି ପ୍ରକାରର ବି ସହାୟତା କରିବା ଆବଶ୍ୟକ ନାହିଁ । ଏମିତି ଦୋଷୀକୁ କେବଳ ମୃତ୍ୟୁଦଣ୍ଡ ଦେବାର ଆବଶ୍ୟକ ରହିଛି । ମତେ କଣ ସରକାର ମୋ ଝିଅକୁ ଫେରାଇ ଦେବେ କି ବୋଲି କାନ୍ଦି କାନ୍ଦି ପ୍ରଶ୍ନ ବି କରିଛନ୍ତି । ସେ ଆହୁରି ମଧ୍ୟ କହିଛନ୍ତି ମତେ ଏମିତି ଲାଗୁଛି କି ସେମାନେ କିଛି ଦୋଷ କରିନାହାନ୍ତି ।
ସର୍ବୋଚ୍ଚ ନ୍ୟାୟାଳୟ ଫାଶୀ ଦଣ୍ଡାଦେଶ ଦେବା ଲାଗି ରାୟ ଶୁଣାଇବା ପରେ ଏତେ ଡେରି କାହିଁକି କରାଯାଉଛି ତାହା ବୁଝାପଡୁନାହିଁ । ଯେମିତି କର୍ମ ସେମାନେ କରିଛନ୍ତି ତାଙ୍କୁ କେବଳ ଫାଶୀ ହିଁ ସାସ୍ଥୀ । ଯେଉଁ ଦିନ ସେହି ନରରାକ୍ଷସ ଫାଶୀ ଖୁଂଟରେ ଝୁଲିବେ ତାହା ପରେ ହିଁ ନିର୍ଭୟାର ଆତ୍ମାଶାନ୍ତି ପାଇବ ଓ ମୋତେ ନ୍ୟାୟ ମିଳିବ ବୋଲି କହିଛନ୍ତି ନିର୍ଭୟାଙ୍କ ମା’ ।