ଲଣ୍ଡନରୁ ଗିରଫ ହେଲେ ୧୩ ହଜାର କୋଟି ଟଙ୍କା ମହାଠକେଇର ମହାଠକ ନିରବ ମୋଦି । ଭାରତରୁ ଫେରାର ହେବାର ଦୀର୍ଘ ୧୩ ମାସ ପରେ ଗିରଫ ହେଲେ ଫ୍ରଡମାଷ୍ଟର
କନକ ବ୍ୟୁରୋ : ଗିରଫ ହେଲେ ପିଏନବି ମହାଠକେଇର ମହାଠକ ନିରବ ମୋଦି । ଲଣ୍ଡନରେ ନିରବଙ୍କୁ ଗିରଫ କରାଯାଇଛି । ୧୩ ହଜାର କୋଟି ଟଙ୍କା ଠକେଇ କରି ଭାରତରୁ ଫେରାର ହୋଇଯାଇଥିବା ମହାଧୂର୍ତ୍ତ ନିରବଙ୍କୁ ଦୀର୍ଘ ୧୩ ମାସ ପରେ ଗିରଫ କରାଯାଇଛି । ଏନେଇ ଇଡି ପକ୍ଷରୁ ସ୍ପଷ୍ଟ କରାଯାଇଛି । ଗିରଫ ପରେ ତାଙ୍କୁ ୱେଷ୍ଟମିନିଷ୍ଟର କୋର୍ଟରେ ହାଜର କରାଯିବ । ନିରବଙ୍କୁ ଗିରଫ କରିବା ପାଇଁ ଗତ ସୋମବାର ଦିନ ୱାରେଣ୍ଟ ଇସ୍ୟୁ କରାଯାଇଥିଲା । ଆଉ ବୁଧବାର ଦିନ ନିରବଙ୍କୁ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ପୂର୍ବେ ମହାଠକ ନିରବ ମୋଦିଙ୍କୁ ଲଣ୍ଡନ ରାସ୍ତାରେ ବେଶ ବଦଳାଇ ବୁଲୁଥିବାର ଦେଖିବାକୁ ମିଳିଥିଲା । ଏହାପୂର୍ବରୁ ନିରବ ମୋଦିଙ୍କ ବିରୋଧରେ ରେଡ କର୍ଣ୍ଣର ନୋଟିସ ଜାରି କରାଯାଇଥିଲା । ରେଡ କର୍ଣ୍ଣର ନୋଟିସ ଜାରି କରାଯିବା ପରେ ୱେଷ୍ଟମିନିଷ୍ଟର କୋର୍ଟ ଏହି ମାମଲାକୁ ଗମ୍ଭୀରତାର ସହ ନେଇ ତାଙ୍କୁ ଗିରଫ କରିବାକୁ ୱାରେଣ୍ଟ ଜାରି କରିଥିଲେ । ନିରବ ମୋଦିଙ୍କ ଗିରଫ ହେବା ମୋଦି ସରକାରଙ୍କ ସବୁଠୁ ବଡ କୂଟନୈତିକ ସଫଳତା ବୋଲି କୁହାଯାଉଛି ।