ମହାନଦୀ ପାଇଁ ଆଶା ବଢାଇଲା ଛତିଶଗଡର କଂଗ୍ରେସ ସରକାର । ନିରଂଜନ କହିଲେ, ବାତାବରଣ ସକରାତ୍ମକ ଅଛି
କନକ ବ୍ୟୁରୋ: ଛତିଶଗଡ ସରକାର ବଦଳିବା ପରେ ପୁଣି ଉଠିଲା ମହାନଦୀ ପ୍ରସଙ୍ଗ । ମହାନଦୀକୁ ମୁଖ୍ୟ ମୁଦ୍ଦା ବନାଇ ସବୁବେଳେ ଉଭୟ ରାଜ୍ୟ ଏବଂ କେନ୍ଦ୍ର ସରକାରଙ୍କୁ କଡା ସମାଲୋଚନା କରୁଥିବା କଂଗ୍ରେସ ପାଇଁ ଆଜି ପରୀକ୍ଷାର ବେଳ ପହଂଚିଛି । ତେବେ ରମଣଙ୍କ ରାଜ୍ କୁ ହଟାଇ ଛତିଶଗଡରେ ଶାସନର ମଙ୍ଗୁଆଲ ସାଜିଛି କଂଗ୍ରେସ । ଆଉ ଏହି ପରିପ୍ରେକ୍ଷୀରେ କଂଗ୍ରେସ କ୍ଷମତାକୁ ଆସିବା ପରେ ମହାନଦୀ ଜଳ ବିବାଦର ସମାଧାନ କରିପାରନ୍ତି ବୋଲି ଓଡିଶାବାସୀଙ୍କ ଆଶା ସଂଚାର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଛତିଶଗଡର ନୂଆ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ଏନେଇ ଆଲୋଚନା କରିଛନ୍ତି ରାଜ୍ୟ କଂଗ୍ରେସ ସଭାପତି ତଥା ପିସିସି ସଭାପତି ନିରଂଜନ ପଟ୍ଟନାୟକ । ଆଉ ମହାନଦୀକୁ ନେଇ ନୂଆ ସରକାର ବେଶ୍ ଆଶାବାଦୀ ଅଛନ୍ତି ବୋଲି ଓଡିଶା ଫେରି ନିରଂଜନ ପଟ୍ଟନାୟକ କହିଛନ୍ତି ।
ଭୂପେଶ ବଘେଲଙ୍କ ଶପଥ ପାଠରେ କାର୍ଯ୍ୟକ୍ରମ ସାମିଲ ହେବା ପାଇଂ ଗତକାଲି ଛତିଶଗଡ ଯାଇଥିଲେ ପିସିସି ସଭାପତି ନିରଂଜନ ପଟ୍ଟନାୟକ । ସେଠାରେ ତାଙ୍କୁ ଶୁଭେଚ୍ଛା ଜଣାଇବା ସହ ମହାନଦୀ ପ୍ରସଙ୍ଗରେ ଆଲୋଚନା କରିଥିଲେ । ତେବେ କୌଣସି ଏକ ଭୁଲ ବୁଝାମଣା କାରଣରୁ ଏଭଳି ପରିସ୍ଥିତି ଉପୁଜିଛି ଏବଂ ଏହାକୁ ଖୁବ୍ ଶୀଘ୍ର ସମାଧାନ କରାଯିବ ବୋଲି ବଘେଲ ତାଙ୍କୁ ଆଶ୍ୱସନା ଦେଇଥିବା ନିରଂଜନ କହିଛନ୍ତି । ଏହି ପରିପ୍ରେକ୍ଷୀରେ ନିରଂଜନ ଉଭୟ ରାଜ୍ୟ ସରକାର ଏବଂ କେନ୍ଦ୍ର ସରକାର ଉପରେ ବି ଦୋଷ ଲଦିବାକୁ ପଛାଇନାହାଁନ୍ତି । ଏହି ଦୁଇ ଦଳ ବିବାଦରେ ଆହୁରି ଦ୍ୱନ୍ଦ ସୃଷ୍ଟି କରୁଛନ୍ତି । ଆମେ ଯାହା ପ୍ରତିଶ୍ରୁତି ଦେଉ ତାହାକୁ ପୂରଣ କରୁ ମିଳିବ ବୋଲି ପିସିସି ସଭାପତି କହିଛନ୍ତି ।
ସେପଟେ, ନିରଂଜନର ଏଭଳି ମନ୍ତବ୍ୟ ଉପରେ ପ୍ରତିକ୍ରିୟା ରଖିଛନ୍ତି ସସ୍ମିତ ପାତ୍ର । ସେ କହିଛନ୍ତି ନିରଂଜନ ଯେଉଁ କଥା କହୁଛନ୍ତି ତାହା ନିଶ୍ଚୟ ସ୍ୱାଗତ ଯୋଗ୍ୟ । କଥାରେ ନୁହେଁ, କାମରେ କରି ଦେଖାନ୍ତୁ । ଏନେଇ ରାଜ୍ୟ ସରକାରଙ୍କର ସହ ଆଲୋଚନା କରନ୍ତୁ ଏବଂ ସମସ୍ୟାର ସମାଧାନ କରନ୍ତୁ । କେବଳ ମନ୍ତବ୍ୟ ନରଖନ୍ତୁ ବୋଲି ସସ୍ମିତ ପାତ୍ର ନିଜ ପ୍ରତିକ୍ରିୟାରେ କହିଛନ୍ତି ।