ସାବାସ୍ ନିରଞ୍ଜନ । ସେ ବୁଝିଛନ୍ତି ଦିବ୍ୟାଙ୍ଗ ହେବାର ଦୁଃଖ, ଦିବ୍ୟାଙ୍ଗଙ୍କ ଅଧିକାର ପାଇଁ ୨୦ ବର୍ଷ ହେଲା ଜାରି ରଖିଛନ୍ତି ସଂଘର୍ଷ । ଆସନ୍ତା ୩ରେ ସମ୍ବର୍ଦ୍ଧିତ କରିବେ କେନ୍ଦ୍ର ସରକାର ।
କନକ ବ୍ୟୁରୋ : ଦୀର୍ଘ ୨୦ ବର୍ଷ ହେଲା ଦିବ୍ୟାଙ୍ଗଙ୍କ ପାଇଁ ସେ ଲଢେଇ କରୁଛନ୍ତି । ସେମାନଙ୍କର ଅଧିକାର ହାସଲ ପାଇଁ ସେ ଅଭିଯାନ ଚଲାଇଛନ୍ତି । କିନ୍ତୁ ଏହା ଜାଣିଲେ ଆପଣ ସ୍ତବ୍ଧ ହୋଇଯିବେ ଯେ, ସେ ନିଜେ ହେଉଛନ୍ତି ଜଣେ ଦିବ୍ୟାଙ୍ଗ । ସେ ଦୃଷ୍ଟିଶକ୍ତି ହୀନ । ତଥାପି ଜୀବନ ଯୁଦ୍ଧରେ ସେ ହାରିଯାଇନାହାନ୍ତି । ଏଭଳି ମହତ ଉଦ୍ଦେଶ୍ୟ ରଖି ନିଜ ଲକ୍ଷ୍ୟ ପଥରେ ସେ ଅଟଳ ରହିଛନ୍ତି । ସେ ହେଉଛନ୍ତି ପାରଳାଖେମୁଣ୍ଡିର ନିରଞ୍ଜନ ବେହେରା ।
Kanak News is now on WhatsApp
Join and get latest news updates delivered to you via WhatsApp
ଦିବ୍ୟାଙ୍ଗ ହୋଇ ମଧ୍ୟ ଅନ୍ୟ ଦିବ୍ୟାଙ୍ଗ ମାନଙ୍କ ସହାୟତା ତଥା ଅଧିକାର ନିମନ୍ତେ ଦୀର୍ଘ ବର୍ଷ ହେଲା ସେ ସଂଘର୍ଷ କରି ଆସୁଛନ୍ତି । ପୁର୍ବରୁ ରାଜ୍ୟ ସରକାରଙ୍କ ଦ୍ୱାରା ପ୍ରଶଂସିତ ହୋଇଥିବା ବେଳେ ଆସନ୍ତା ୩ ତାରିଖରେ କେନ୍ଦ୍ର ସରକାରଙ୍କ ସାମାଜିକ ନାୟ ଓ ସଶକ୍ତିକରଣ ବିଭିଗ ନିରଞ୍ଜନଙ୍କୁ ସମ୍ବର୍ଦ୍ଧିତ କରିବ । ଆଉ ସେଥି ପାଇଁ ତାଙ୍କ ପରିବାର ଗର୍ବିତ ଅନୁଭବ କରୁଥିବା ବେଳେ ନିଜେ ଭିନ୍ନକ୍ଷମ ହୋଇ ମଧ୍ୟ ଅକ୍ଷମ ନମଣି ଅନ୍ୟ ମାନଙ୍କ ପାଇଁ ଉଦାହରଣ ସାଜିଛନ୍ତି ନିରଞ୍ଜନ।
ନିରଞ୍ଜନ ବେହେରା । ସେ ନିଜେ ଜଣେ ଦିବ୍ୟାଙ୍ଗ । ସେ ବୁଝିଛନ୍ତି ଦିବ୍ୟାଙ୍କ ହେବାର ଦୁଃଖ । ଆଉ ବୁଝିଛନ୍ତି ସକ୍ଷମଙ୍କ ସମାଜରେ ଦିବ୍ୟାଙ୍ଗଟିଏ କିଭଳି ସମସ୍ୟାର ହୁଏ ସମ୍ମୁଖୀନ । କିଭଳି ଅଧିକାର ହାସଲ କରିବା ପାଇଁ ଦିବ୍ୟାଙ୍ଗଟିଏ କରେ ସଂଘର୍ଷ । ଆଉ ସେଇଥିପାଇଁ ଦୀର୍ଘ ୨୦ ବର୍ଷ ହେଲା ଦିବ୍ୟାଙ୍ଗଙ୍କ ଆଶାର ଆଲୋକ ସାଜିଛନ୍ତି ନିରଞ୍ଜନ । ନିଜ ଲକ୍ଷ୍ୟ ପଥରେ ଅଟଳ ରହି ଦିବ୍ୟାଙ୍ଗଙ୍କ ଅଧିକାର ହାସଲ କରିବା ପାଇଁ ସେ ଅନବରତ ଅଭିଯାନ ଜାରି ରଖିଛନ୍ତି ।