ଗୁଗୁଲ ଆପରେ ଯୋଡିହେଲା ନୂଆ ଫିଚର୍ସ ! ପବ୍ଲିକ୍ ଟ୍ରାନ୍ସପୋର୍ଟ ସହ ମିଳିବ ଏହି ସବୁ ସୂଚନା ।
ଗୁଗୁଲ୍ ଆପରେ ଏଣିକି ଯୋଡି ହୋଇଯାଇଛି କିଛି ନୂଆ ଫିଚର୍ସ । ନୂଆ ଫିଚର୍ସର ଘୋଷଣା ଗୁଗୁଲ୍ ଫର ଇଣ୍ଡିଆ ୨୦୧୮ର ୪ର୍ଥ ସଂସ୍କରଣରେ କରାଯାଇଛି । ଗୁଗୁଲ ଆପର ନୂଆ ଫିଚର୍ସ ସହ କୋଲକାତାର ୨୫ ହଜାର ଘରେ ପ୍ଲସ କୋଡ ଜାରି କରାଯାଇଛି । ଯାହା ସାହାଯ୍ୟରେ ଗୁଗୁଲ ମ୍ୟାପରେ ଏହି ଘର ଗୁଡିକୁ ଚିହ୍ନଟ କରାଯାଇପାରିବ । ତେବେ ଆସନ୍ତୁ ଜାଣିବା ଏହି ନୂଆ ଫିଚର୍ସରେ ଆପଣଙ୍କୁ କେଉଁ କେଉଁ ସୁବିଧା ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଗୁଗୁଲ୍ ଆପ୍ସ ଜରିଆରେ ଏଣିକି ବ୍ୟବହାରକାରୀ ଇଣ୍ଟରସିଟି ବସର ଆଗମନ ଏବଂ ପ୍ରସ୍ତାନ ସମ୍ବନ୍ଧୀୟ ସମସ୍ତ ସୂଚନା ପାଇପାରିବେ । ଏଥିପାଇଁ ଅନଲାଇନ୍ ବସ ବୁକିଂ ପ୍ଲାଟଫର୍ମ ରେଡ୍ ବସ ସହ ଗୁଗୁଲର ବୁଝାମଣା ହୋଇଛି । ଗୁଗୁଲ ଆପ୍ ଜରିଆରେ ବ୍ୟବହାରକାରୀ ବୁକ୍ କରିଥିବା ବସ୍ ସମ୍ପର୍କରେ ମଧ୍ୟ ସମସ୍ତ ସୂଚନା ପାଇପାରିବେ । ଗୁଗୁଲ ଆପ୍ସ ଗୋରେ ମଧ୍ୟ ପବ୍ଲିକ୍ ଟ୍ରାନ୍ସପୋର୍ଟ ସମ୍ବନ୍ଧରେ ମଧ୍ୟ ହିନ୍ଦି ଏବଂ ଇଂରାଜୀରେ ସୂଚନା ଉପଲବ୍ଧ ହେବ ।
ଗୁଗୁଲ୍ ଆପ୍ସ ଜରିଆରେ ଆପଣ ଏହା ମଧ୍ୟ ଜାଣିପାରିବେ ଯେ, ଆପଣ କେତେ ବାଟ ଅତିକ୍ରମ କଲେ ଏବଂ ଆଉ କେତେ ବାଟ ବାକି ଅଛି । ତେବେ ଏହି ଗୁଗୁଲ୍ ଆପ୍ସ ଗୋକୁ ୩ଜି ଏବଂ ୨ଜି ନେଟୱାର୍କରେ ମଧ୍ୟ ବ୍ୟବହାର କରାଯାଇପାରିବ । ଯଦି ଆପଣ ୱେବ ପେଜ୍ ପଢିବା ପରିବର୍ତ୍ତେ ସୂଚନାକୁ ପସନ୍ଦ କରିଥାନ୍ତି, ତେବେ ଏଣିକି ଏହା ଆପଣଙ୍କ ପାଇଁ ସହଜ ହୋଇଯିବ । ଅଡିଓ ପ୍ଲେବ୍ୟାକ ଜରିଆରେ ଗୁଗୁଲ୍ ଗୋ ବ୍ୟବହାରକାରୀ ୱେବପେଜକୁ ଶୁଣିପାରିବେ ।