କନକ ବ୍ୟୁରୋ: ଦିଲ୍ଲୀରେ ବିଜେଡି ସମାବେଶ କରୁଥିବା ବେଳେ ଏପଟେ ସମାବେଶକୁ ସମାଲୋଚନା କରିଛନ୍ତି ରାଜ୍ୟ କଂଗ୍ରେସର ସଭାପତି ନିରଂଜନ ପଟ୍ଟନାୟକ । ନିରଂଜନ କହିଛନ୍ତି କି, ଦିଲ୍ଲୀରେ ଚାଷୀ ମାନେ ନୁହଁନ୍ତି ବରଂ ବିଜେଡିର ମନ୍ତ୍ରୀ , ବିଧାୟକ ଏବଂ କର୍ମକର୍ତ୍ତାମାନେ ବିକ୍ଷୋଭ କରୁଛନ୍ତି । ଏଥିରେ କୌଣସି ଜଣେ ହେଲେ ବି ଚାଷୀ ସାମିଲ ହୋଇନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
Today Naveen Patnaik and Co. are going on a picnic to Delhi which costs Rs 52 lakh. They are doing this in the name of the farmers. Had this money been given to farmers in debt, many precious lives of our annadatas could have been saved. (1/3)
— Niranjan Patnaik (@NPatnaikOdisha) January 8, 2019
ନବୀନ ଓ ତାଙ୍କ ଟିମ ୫୨ ଲକ୍ଷର ପ୍ୟାକେଜ ପିକନିକ କରିଛନ୍ତି କହି ବିଜେଡିର ଦିଲ୍ଲୀ ଗସ୍ତକୁ ବିରୋଧ କରିଛନ୍ତି ନିରଂଜନ। ଚାଷୀଙ୍କ ହକ୍ ପାଇଁ ଲଢିବା ଲାଗି ନୁହେଁ । ବିଜେଡି ସହ ଚାଷୀ ମାନେ ଆଉ ନାହାନ୍ତି । ରାଜ୍ୟ ସରକାର ନିଜ ଶାସନ କାଳ ମଧ୍ୟରେ ଚାଷୀଙ୍କ ପାଇଁ କୌଣସି ଗୋଟିଏ ବି କାମ କରିନାହଁନ୍ତି । ଏହା କେବଳ ଏକ ପ୍ରହସନ । ଚାଷୀଙ୍କ ପାଇଁ ଏମାନେ କୁମ୍ଭୀର କାନ୍ଦଣା କାନ୍ଦୁଛନ୍ତି । ଚଷା କୂଳ ପ୍ରତି ରାଜ୍ୟ ସରକାରଙ୍କର ତିଳେ ମାତ୍ର ଦରଦ ନାହିଁ । କେବଳ କଂଗ୍ରେସ ହିଁ ଚାଷୀଙ୍କ କଥା ଚିନ୍ତା କରୁଛି ବୋଲି କହି ବିଜେଡିକୁ ଟର୍ଗେଟ୍ କରିଛନ୍ତି ନିରଂଜନ ପଟ୍ଟନାୟକ । ଅନ୍ୟ ପଟେ ଧାନମଣ୍ଡିରେ ଅବ୍ୟବସ୍ଥା ପ୍ରସଙ୍ଗରେ କାଉଁଟର ରଣନୀତି କରିଛି ବିଜେପି । ଧାନମଣ୍ଡିରେ ଅବ୍ୟବସ୍ଥାକୁ ନେଇ ସଚିବାଳୟ ଘେରିବାକୁ ଉଦ୍ୟମ କରିଥିଲା ବିଜେପି କୃଷକ ମୋର୍ଚ୍ଚା
ଉଲ୍ଲେଖ ଥାଉ କି, ଧାନର ସର୍ବନିମ୍ନ ସହାୟକ ମୂଲ୍ୟ ବା ଏମଏସପି ବୃଦ୍ଧିରେ କେନ୍ଦ୍ର ସରକାରଙ୍କ ଟାଳଟୁଳ ନୀତି ପ୍ରତିବାଦରେ ଦିଲ୍ଲୀ ଦରବାରରେ ବିଜେଡ଼ିର ବିଶାଳ ସମାବେଶ । ସମାବେଶରେ ବିଜେଡି ସୁପ୍ରିମୋ ତାଙ୍କର ସମସ୍ତ ବିଧାୟକ ଓ ସାଂସଦ ସାମିଲ ହୋଇଛନ୍ତି । ସମାବେଶରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଛନ୍ତି, ଏମଏସପି ବୃଦ୍ଧି ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କରାଯାଇଥିଲା । କିନ୍ତୁ କେନ୍ଦ୍ର ସରକାର ଆଜି ପର୍ଯ୍ୟନ୍ତ ଚାଷୀଙ୍କ ପାଇଁ କିଛି କଲେନି । ଚାଷୀଙ୍କ ପାଇଁ ରାଜ୍ୟ ସରକାର କାମ କରିଚାଲିଛନ୍ତି । ଚାଷୀଙ୍କ ହକ ପାଇଁ ଲଢେଇ ଜାରି ରହିବ ।
ନିର୍ବାଚନ ଜିତିବା ପରେ ବିଜେଡି ପ୍ରତିଶ୍ରୁତି ପୂରଣ କରିଛିି । କିନ୍ତୁ ବିଜେପି ଦେଇଥିବା ପ୍ରତିଶ୍ରୁତି ପୂରଣ କଲାନି । ନିର୍ବାଚନୀ ଇସ୍ତାହାର ଦେଇଥିବା ପ୍ରତିଶ୍ରୁତି ପାଳନ କଲେନି କି ସ୍ୱାମୀନାଥନ କମିଟି ରିପୋର୍ଟକୁ କାର୍ଯ୍ୟକାରୀ କରିନଥିବା ନବୀନ କହିଛନ୍ତି ।