କନକ ବ୍ୟୁରୋ : ଗତକାଲି କେନ୍ଦ୍ର ପରିବହନମନ୍ତ୍ରୀ ନୀତିନ ଗଡକରୀ ଛତିଶଗଡ ଗସ୍ତରେ ଥିଲେ । ତେବେ ସେଠାରେ ଗଡକରି ସଡକ ବିକାଶ କାମରେ ଯୋଗ ଦେବା ପାଇଁ ଯାଇଥିଲେ । ତେବେ ସେଠାରେ ଗଡକରି ଭାରତରେ ବଢୁଥିବା ତୈଳଦର ବୃଦ୍ଧି କଥା କହିବା ସହ ଛତିଶଗଡ କିପରି ତାହାର ସଠିକ ମୁକାବିଲା କରୁଛି ତାହା କହିଥିଲେ । ଗଡକରୀ କହିଛନ୍ତି ଯେ, ପେଟ୍ରୋଲିୟମ ମନ୍ତ୍ରଣାଳୟ ଦେଶରେ ୫ଟି ଇଥେନାଲ ପ୍ଲାଣ୍ଟ ନିର୍ମାଣ କରିବାର ଯୋଜନା କରାଯାଇଛି । ଯାହାଦ୍ୱାରା କାଠ ଓ ଅଳିଆଆବର୍ଜନାରୁ ଇନ୍ଧନ ବାହାର କରାଯାଇପାରିବ । ଏହା ହେବା ପରେ ଦେଶରେ ପ୍ରାୟ ୫୫ଟଙ୍କାରେ ପେଟ୍ରୋଲ ଓ ୫୦ ଟଙ୍କାରେ ଡିଜେଲ ମିଳିପାରିବ ବୋଲି ଗଡକରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସେ କହିଛନ୍ତି ଯେ, ଦେଶର ଚାଷୀମାନଙ୍କୁ ବର୍ତ୍ତମାନ ସମୟରେ ବାୟୋ ଫୁଏଲ ଲାଗି ଆକର୍ଷିତ କରିବାର ଆବଶ୍ୟକତା ରହିଛି । ଚାଷୀମାନଙ୍କ ବିକାଶ ହେଲେ ଦେଶର ବିକାଶ ହେବ ବୋଲି ସେ କହିଛନ୍ତି । ଦେଶ ବର୍ତ୍ତମାନ ସମୟରେ ନୂତନ ଟେକ୍ନୋଲୋଜିରେ ବିକାଶ କରୁଛି । ତେବେ ଏପରି କହିବା ଦ୍ୱାରା ବିରୋଧୀମାନେ ମଧ୍ୟ ସମାଲୋଚନା କରିବା ସହ ତେଲ ନିଆଁରେ ଗଡକରୀ ଘିଅ ଢାଳୁଥିବା କହିଛନ୍ତି । ବର୍ତ୍ତମାନ ସାରା ଦେଶରେ ଲଗାତାର ଭାବରେ ତୈଳଦର ବୃଦ୍ଧି ହେଉଛି । ଦର ଆୟତ୍ତ କରିବା ପାଇଁ ଅନେକ ଆନ୍ଦୋଳନ ମଧ୍ୟ ହେଉଛି । ତେବେ ଏହି ସମୟରେ ଗଡକରୀ ତେଲଦର ୫୦ ହୋଇଯିବ କହିବାରୁ ରାଜନୀତି ଜୋର ଧରିଛି ।