ନବଜାତ ପାଇଁ ଦେବଦୂତ ପାଲଟିଲା ପୋଲିସ । ପ୍ଲାଟଫର୍ମରେ ପ୍ରସବ କଲେ ମହିଳା, ଚାରିଖଣ୍ଡ ଲୁଗା ଧରି ଅସ୍ଥାୟୀ ଘର ତିଆରି କଲା ପୋଲିସ
ପୋଲିସ ହେବ ତ ଏମିତି । ଗୋଟିଏ ପଟେ ଏବେ ପୋଲିସ ଉପରେ ସାଧାରଣ ଲୋକଙ୍କ ଭରସା ତୁଟି ଯାଉଥିବା ବେଳେ ମୁମ୍ବାଇ ପୋଲିସ ଏମିତି ଏକ କାମ କରିଛି ଯେଉଁଥିପାଇଁ ଚାରିଆଡୁ ମିଳୁଛି ପ୍ରଂଶସା । ମୁମ୍ବାଇର ବ୍ୟସ୍ତ ବହୁଳ ଦାଦର ରେଳୱେ ଷ୍ଟେସନରେ ଏମିତି ଏକ ଦୃଶ୍ୟ ଏବେ ସାମ୍ନାକୁ ଆସିଛି । ଯେତେବେଳେ ଜଣେ ଗର୍ଭବତୀ ମହିଳା ପ୍ରସବ ଯନ୍ତ୍ରଣାରେ ଛଟପଟ ହେଉଥିଲେ ସେତେବେଳେ ତାଙ୍କ ଦେବଦୂତ ଭାବେ ଉଭା ହୋଇଛନ୍ତି ମୁମ୍ବାଇର ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ପୂରା ମୁମ୍ବାଇ ସହର ଖ୍ରୀଷ୍ଟମାସ ଉତ୍ସବରେ ମସଗୁଲ ଥିବା ବେଳେ ମୁମ୍ବାଇ ଦାଦର ରେଳ ଷ୍ଟେସନରେ ପ୍ରସବ ବେଦନାରେ ଛଟପଟ ହେଉଥିଲେ ଗୀତା ଦୀପକ ୱାଗରେ ନାମକ ଏକ ମହିଳା । ରାତି ୧ଟା ୫୦ ମିନିଟ ସମୟରେ ପ୍ଲାଟଫର୍ମରେ ପଡି ରହିଥିଲେ ଗୀତା । ସାଙ୍ଗରେ ସ୍ୱାମୀ ଥିଲେ ମଧ୍ୟ ସମ୍ପୂର୍ଣ୍ଣ ଭାବେ ନିରୁପାୟ ହୋଇସାରିଥିଲେ । କାରଣ ପ୍ରସବ ବେଦନା ଏତେ ବଢି ଯାଇଥିଲା ଯେ, ସ୍ତ୍ରୀକୁ ଆମ୍ବୁଲାନ୍ସରେ ବସାଇ ନେବା ମଧ୍ୟ ସମ୍ଭବପର ନଥିଲା । ଆଉ ଏଭଳି ସମୟରେ ମୁମ୍ବାଇ ପୋଲିସ ସାଜିଥିଲା ଦେବଦୂତ ।
When cops created a makeshift labour room on a busy railway station so a pregnant woman could have privacy for delivery@maharailways @smart_mumbaikar@RidlrMUM @RailMinIndia@PiyushGoyalOffc @mumbairailusers@Central_Railway @grpmumbai @RailwaySevahttps://t.co/7dfajHYrCQ
— Nitasha Natu (@nnatuTOI) December 26, 2018
ମହିଳା ଜଣଙ୍କୁ ପ୍ରସବ ଯନ୍ତ୍ରଣାରେ କଷ୍ଟ ପାଉଥିବା ଖବର ମିଳିବା ପରେ ସେଠାରେ ପହଞ୍ଚିଥିଲେ ମୁମ୍ବାଇ ପୋଲିସର ୩ ଜଣ କର୍ମଚାରୀ । ଦୁଇ ଜଣ ମହିଳା ଓ ଜଣେ ପୋଲିସ ଅଫିସର ଘଟଣାସ୍ଥଳରେ ପହଞ୍ଚିବା ପରେ ଦେଖିବାକୁ ମିଳିଥିଲା ଏକ ନିଆରା ଦୃଶ୍ୟ । ସଙ୍ଗେ ସଙ୍ଗେ ବେଡସିଟ୍ ଆଣି ପ୍ଲାଟଫର୍ମରେ ହିଁ ମହିଳାଙ୍କ ପାଇଁ ଛୋଟିଆ କୋଠରୀ ବନାଇଥିଲେ ।ଏପରିକି ସେଠାରେ ଉପସ୍ଥିତ ଥିବା ଆଉ କିଛି ମହିଳା ମଧ୍ୟ ପୋଲିସକୁ ଏହି କାମରେ ସହାୟତା କରିଥିଲେ ।
ଆଉ ଏହାଭିତରେ ନିକଟସ୍ଥ ହସ୍ପିଟାଲକୁ ସୂଚନା ଦେଇଥିଲେ ପୋଲିସ । ପରେ ଘଟଣାସ୍ଥଳରେ ସଙ୍ଗେ ସଙ୍ଗେ ଜଣେ ନର୍ସ ପହଞ୍ଚି ଗୀତାଙ୍କର ପ୍ରସବ କରାଇଥିଲେ । ପରେ ତାଙ୍କୁ ତତକ୍ଷଣାତ ହସ୍ପିଟାଲକୁ ନିଆଯାଇଥିଲା । ଉଭୟ ମା ଓ ଶିଶୁ ଏବେ ସୁସ୍ଥ ଥିବା ଜଣାପଡିଛି । ତେବେ ପୋଲିସର ଏଭଳି କାର୍ଯ୍ୟକୁ ଏବେ ଚାରିଆଡୁ ପ୍ରଂଶସା କରାଯାଉଛି ।