ବ୍ୟାଟିଂରେ କୋହଲି ଶ୍ରେଷ୍ଠ, ହେଲେ ରିଭ୍ୟୁ ନେବାରେ ସବୁଠୁ ଖରାପ ! ଚର୍ଚ୍ଚାରେ ବିରାଟଙ୍କୁ ନେଇ ମାଇକେଲ ଭନଙ୍କ ଟ୍ୱିଟ୍ ।
କନକ ବ୍ୟୁରୋ : ବ୍ୟାଟିଂରେ ହିରୋ, ରିଭ୍ୟୁରେ ଜିରୋ । ଟିମ୍ ଇଣ୍ଡିଆର କ୍ୟାପଟେନ୍ ବିରାଟ କୋହଲିଙ୍କ ରିଭ୍ୟୁ ନେବା ନେଇ ଏକଥା କହିଛନ୍ତି ଇଂଲଣ୍ଡର ପୂର୍ବତନ କ୍ରିକେଟ୍ କ୍ୟାପଟେନ୍ ମାଇକେଲ୍ ଭନ୍ । ସେ ନିଜ ଟୁଇଟର ଜରିଆରେ ଏକଥା ଲେଖିଛନ୍ତି । ପଂଚମ ତଥା ଅନ୍ତିମ ଟେଷ୍ଟରେ କୋହଲିଂକ ୨ଟି ରିଭ୍ୟୁ ଅପିଲକୁ ତୃତୀୟ ଅମ୍ପାୟାର ଖାରଜ କରିବା ପରେ ଭନ୍ ଏକଥା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭନ୍ ଟୁଇଟରରେ ଲେଖିଛନ୍ତି କୋହଲି ବ୍ୟାଟିଂରେ ଏବେ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ୍, ହେଲେ ରିଭ୍ୟୁ ନେବାରେ ସବୁଠୁ ଖରାପ ବିଚାରକ । ଗୋଟିଏ ପଟେ ପ୍ରଶଂସା, ଅନ୍ୟପଟେ ସମାଲୋଚନା ଥିବା ତାଂକର ଏହି ଟୁଇଟ୍ ଏବେ ବେଶ୍ ଚର୍ଚ୍ଚାର କାରଣ ପାଲଟିଛି । ଏହା ସହ ଚଳିତ ଇଂଲଣ୍ଡ ଗସ୍ତରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲିଙ୍କ ଅନେକ ରିଭ୍ୟୁ ଅପିଲକୁ ଅମ୍ପାୟାର ଖାରଜ କରିଦେଇଥିବା ନଜିର ରହିଛି । ତେବେ ମାଇକେଲ୍ ଭନଙ୍କ ଏଭଳି ଟ୍ୱିଟ୍ ନେଇ ଏବେ ଚର୍ଚ୍ଚା ଜୋର ଧରିଛି ।