‘କିଙ୍ଗ ଅଫ ପପ୍’ ମାଇକେଲ ଜ୍ୟାକ୍ସନଙ୍କ ଉପରେ ନିର୍ମିତ ହେବ ବାୟୋପିକ୍ ! ଓସ୍କାର ପୁରସ୍କାର ପ୍ରାପ୍ତ ପ୍ରଯୋଜକ ଗ୍ରାହମ୍ କିଙ୍ଗ୍ ପ୍ରସ୍ତୁତ କରିବେ ସିନେମା ।
‘କିଙ୍ଗ ଅଫ ପପ୍’ ମାଇକେଲ ଜ୍ୟାକ୍ସନଙ୍କ ଉପରେ ନିର୍ମିତ ହେବ ବାୟୋପିକ୍ । ଏହି ଫିଲ୍ସରେ ତାଙ୍କ ପୁରା ଜୀବନରେ ଘଟିଥିବା ସମସ୍ତ ଘଟଣା ଦେଖିବାକୁ ପାଇବେ ଦର୍ଶକ । ସୂଚନାନୁସାରେ, ପ୍ରଯୋଜକ ଗ୍ରାହମ୍ କିଙ୍ଗ ଏହି ବାୟୋପିକ୍ ନିର୍ମାଣ କରିବାକୁ ଯାଉଛନ୍ତି । ଗ୍ରାହମ କିଙ୍ଗ ଏହା ପୂର୍ବରୁ ଫିଲ୍ମ ‘ବୋହେମିଆନ ରାପସୋଡି’ ତିଆରି କରିଥିଲେ । ଯାହା ଓସ୍କାର ପୁରସ୍କାର ପାଇଥିଲା । ଏହି ଫିଲ୍ମଟି ବିଗତ ଦିନର ମ୍ୟୁଜିକ ସୁପରଷ୍ଟାର ଫ୍ରେଡି ମର୍କରୀ (୧୯୪୬-୧୯୯୧)ଙ୍କ ଜୀବନ ଉପରେ ଆଧାରିତ । ମାଇକେଲ ଜ୍ୟାକ୍ସନଙ୍କ ବାୟୋପିକ ପାଇଁ କାହାଣୀ ଲେଖୁଛନ୍ତି ଜନ ଲୋଗନ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, କିଛି ମାସ ଆଗରୁ ମାଇକେଲ ଜ୍ୟାକ୍ସନଙ୍କ ଉପରେ ଏକ ବୃତ୍ତଚିତ୍ର ତିଆରି ହୋଇଥିଲା । ଏହା ରିଲିଜ ହେବା ପରେ ସେ ଜୀବନ ସାରା ଭୋଗିଥିବା ନାବାଳକ ଦୁଷ୍କର୍ମ ଅଭିଯୋଗ ପୁଣି ଥରେ ଚର୍ଚ୍ଚାକୁ ଆସିଥିଲା । ସେ ୨୫ ଜୁନ ୨୦୦୯ ରେ ସବୁଦିନ ପାଇଁ ଦୁନିଆ ଛାଡି ଚାଲିଯାଇଥିଲେ ।