ଅନଲାଇନରେ ଖାଦ୍ୟ ଅର୍ଡର କ୍ୟାନସଲ କରିବାକୁ ଯାଇ ଫସିଲେ ଯୁବକ । ଠକାମିର ଶିକାର ହେଲେ, କ୍ଷଣିକ ସମୟ ମଧ୍ୟରେ ଆକାଉଣ୍ଟରୁ ଉଭାନ୍ ହେଲା ୪ ଲକ୍ଷ ଟଙ୍କା ।
କନକ ବ୍ୟୁରୋ : ଅନଲାଇନ୍ ଠକେଇର ଏକ ବଡ ଘଟଣା ସାମ୍ନାକୁ ଆସିଛି । ଏହା ଏଭଳି ଏକ ଘଟଣା, ଯାହା ଏବେ ସବୁଆଡେ ଚର୍ଚ୍ଚାର ବିଷୟ ପାଲଟିଛି । ବୁଧବାର ଦିନ ଗୋମତି ନଗର ଅଞ୍ଚଳର ବିରାଟ ଖଣ୍ଡରେ ଖାଦ୍ୟ ଡେଲିଭରି ଆପ୍ ଯୋଗେ ଦିଆଯାଇଥିବା ବରାଦକୁ କ୍ୟାନ୍ସେଲ୍ କରିବାକୁ ଟୋଲ୍ ଫ୍ରି ନମ୍ବର ବ୍ୟବହାର କରିଥିବା ଜଣେ ବ୍ୟକ୍ତି ଠକାମିର ସରବ୍ୟ ହୋଇ ୪ ଲକ୍ଷ ଟଙ୍କା ହରାଇଛନ୍ତି । ଜଣାପଡ଼ିଲା ଯେ ସେ ଟୋଲ୍ ଫ୍ରି ନମ୍ବରଟି ଜାଲ୍।
Kanak News is now on WhatsApp
Join and get latest news updates delivered to you via WhatsApp
ସେ ତାଙ୍କର ବ୍ୟାଙ୍କ୍ ବିବରଣୀ ଆପ୍ରେ ଏଣ୍ଟ୍ରି କରିବା କ୍ଷଣି ତାଙ୍କୁ ଗୋଟାଏ ଓ୍ଵାନ୍-ଟାଇମ୍ ପାସ୍ଓ୍ଵାର୍ଡ ମିଳିଲା । ଅର୍ଥ ଫେରସ୍ତ ପାଇବାକୁ ଓଟିପି ଏଣ୍ଟ୍ରି କରିବାକୁ ସେ ବ୍ୟକ୍ତିଟି ତାଙ୍କୁ କହିଲେ । ତାହାକୁ ଏଣ୍ଟ୍ରି କରିବା ମାତ୍ରେ ତାଙ୍କ ବ୍ୟାଙ୍କ୍ ଆକାଉଣ୍ଟରୁ ୪ ଲକ୍ଷ ଟଙ୍କା ଡେବିଟ୍ ହୋଇଗଲା । ଗୋମତିନଗର ପୁଲିସ ସାଇବର୍ ସେଲ୍ ସହାୟତାରେ ଅପରାଧୀକୁ ଠାବ କରିବାକୁ ଉଦ୍ୟମ ଚଳାଇଛି ।