ଶୈଳଜା ମର୍ଡର ମିଷ୍ଟରୁ ହଟିଲା ପରଦା ! ପ୍ରେମ ପାଇଁ ବନ୍ଧୁପତ୍ନୀଙ୍କୁ ହତ୍ୟା କରିଥିଲେ ମେଜର, ଜାଣନ୍ତୁ କେମିତି ରଚିଥିଲେ ହତ୍ୟାକାଣ୍ଡ ।
କନକ ବ୍ୟୁରୋ : ପରକୀୟା ପ୍ରିତିରୁ ହତ୍ୟାକାଣ୍ଡ । ଦିଲ୍ଲୀରେ ମେଜରଙ୍କ ପତ୍ନୀଙ୍କୁ ହତ୍ୟା ମାମଲାର ପର୍ଦ୍ଦାଫାଶ ହୋଇଛି । ଦିଲ୍ଲୀ କ୍ୟାଣ୍ଟନମେଂଟ୍ ଅଞ୍ଚଳରେ ମେଜର ଅମିତ ଦ୍ୱିବେଦୀଙ୍କ ପତ୍ନୀ ଶୈଳଜା ଦ୍ୱିବେଦୀ ପରକୀୟା ପ୍ରୀତି ସମ୍ପର୍କ ଜାରି ରଖିବାକୁ ମନା କରିବାରୁ ହତ୍ୟା କରିଥିବା ସ୍ୱୀକାର କରିଛନ୍ତି ହତ୍ୟାକାରୀ ମେଜର ହାଣ୍ଡା । ଆଜି ତାଙ୍କୁ କୋର୍ଟରେ ହାଜର କରାଯିବା ପରେ ୪ଦିନିଆ ରିମାଣ୍ଡରେ ନେଇଛି ଦିଲ୍ଲୀ ପୁଲିସ । ଶେଷ ଫୋନ୍ କଲ ଆଧାରରେ ସନ୍ଦିଗ୍ଧ ବନିଥିବା ହାଣ୍ଡାଙ୍କୁ ମିରଟରୁ ଗିରଫ କରିବା ପରେ ସବୁ ଘଟଣା ପଦାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନାଗାଲାଣ୍ଡରେ ପୋଷ୍ଟିଂ ବେଳେ ମେଜର ଦ୍ୱିବେଦୀଙ୍କ ପତ୍ନୀ ଶୈଳଜାଙ୍କ ସହ ମେଜର ହାଣ୍ଡାଙ୍କ ଅନୈତିକ ପ୍ରେମ ସମ୍ପର୍କ ରହିଥିଲା । ପରେ ଅମିତଙ୍କ ଦିଲ୍ଲୀ ବଦଳି ହେବା ପରେ ଶୈଳଜା ମଧ୍ୟ ଦିଲ୍ଲୀ ଚାଲିଆସିଥିଲେ ଏବଂ ମେଜର ହାଣ୍ଡାଙ୍କ ସହ ପ୍ରେମ ସମ୍ପର୍କ ରଖିବା ପାଇଁ ମନା କରିଥିଲେ । ଏଥିରେ କ୍ଷୁବ୍ଧ ହୋଇ ଶୈଳଜାଙ୍କୁ ମେଜର ହାଣ୍ଡା ହତ୍ୟା କରିଥିବା ସେ ସ୍ୱିକାର କରିଛନ୍ତି ।
ଶୈଳଜାଙ୍କ ପତି ଅମିତଙ୍କ ସହ ଦିଲ୍ଲି ଚାଲିଆସିବାପରେ ଚିକିତ୍ସା ଆଳ ଦେଖାଇ ମେଜର ହାଣ୍ଡା ବି ଦିଲ୍ଲୀ ଆସିଥିଲେ । ଦିଲ୍ଲୀରେ ପହଂଚି ନିଜ ଯୋଜନାକୁ ସଫଳ କରିବାକୁ ଅପେକ୍ଷା କରିଥିଲେ ସୁଯୋଗକୁ । ଶୈଳଜା ଫିଜିଓଥେରାପି ପାଇଁ ଦିଲ୍ଲୀ କ୍ୟାଂଟନମେଂଟ ସ୍ଥିତ ସେନା ହସ୍ପିଟାଲକୁ ଯାଇଥିବା ବେଳେ ତାଙ୍କୁ ବୁଲାଇବାକୁ କହି ନିଜ ଗାଡିରେ ନେଇଯାଇଥିଲେ ମେଜର ହାଣ୍ଡା । ବାଟରେ ଶୈଳଜାଙ୍କୁ ଗଳାକାଟି ହତ୍ୟା କରିବା ପରେ ରାସ୍ତାରେ ଫିଙ୍ଗି ଗାଡି ଚଢାଇ ଦେଇଥିଲେ ।
ହତ୍ୟାକାଣ୍ଡ ଭିଆଇ ମିରଟ ଫେରାର ହୋଇଯାଇଥିଲେ ମେଜର ହାଣ୍ଡା । ତେବେ ଶୈଳଜାଙ୍କୁ କରାଯାଇଥିବା ଶେଷ ଫୋନକଲ ଆଧାରରେ ପୁଲିସ ମେଜର ନିଖିଲ ହାଣ୍ଡାଙ୍କ ଉପରେ ସନ୍ଦେହ କରିଥିଲା । ହସ୍ପିଟାଲରେ ବି ଶୈଳଜାଙ୍କ ସହ ନଜର ଆସିଥିଲେ ହାଣ୍ଡା । ତେବେ ମିରଠରେ ଥିବା ସମୟରେ ରବିବାର ଦିନ ମାତ୍ର ୫୮ ସେକେଣ୍ଡ ପାଇଁ ଫୋନ୍ ଅନ୍ କରିଥିଲା ଅଭିଯୁକ୍ତ । ବାସ୍ ଏହାପରେ ତାଙ୍କୁ କବଜାକୁ ନେଇଥିଲା ପୁଲିସ । ତାଙ୍କୁ ଗିରଫ କରିବା ପରେ ସେ ଦୋଷ ସ୍ୱୀକାର କରିଥିବା ପୁଲିସ କହିଛି । ମେଜର ଅମିତ ଦ୍ୱିବେଦୀଙ୍କ ପତ୍ନୀ ଶୈଳଜା କୌଣସି ସେଲିବ୍ରିଟିଙ୍କ ଠାରୁ କମ୍ ନଥିଲେ । ସବୁବେଳେ ଖୁସି ରହୁଥିବା ଅମୃତସରର ମୂଳ ବାସିନ୍ଦା ଶୈଳଜା ମିର୍ସେସ ଇଣ୍ଡିଆ ଆର୍ଥର ଫାଇନାଲିଷ୍ଟ ଥିଲେ । ଯୋଗ କରିବାକୁ ଭଲ ପାଉଥିବା ଶୈଳଜା ସମାଜସେବାରେ ବି ସମୟ ଅତିବାହତି କରୁଥିଲେ ।