ଖୁବଶୀଘ୍ର ବିଲୟ ହେବ ପିଏମସି ବ୍ୟାଙ୍କ । ଏନେଇ ଉଦ୍ଧବ ସରକାର ପ୍ରସ୍ତୁତି ଆରମ୍ଭ କରିଛନ୍ତି । ମହାରାଷ୍ଟ୍ର ରାଜ୍ୟ ସହକାରୀ ବ୍ୟାଙ୍କରେ ପିଏମସି ବ୍ୟାଙ୍କର ବିଲୟ କରିବାକୁ ଠାକରେ ସରକାର ଯୋଜନା ପ୍ରସ୍ତୁତ କରୁଥିବାର ଖବର ସାମ୍ନାକୁ ଆସିଛି । ଆଉ ଏହି ଖବର ସାମ୍ନାକୁ ଆସିବା ପରେ ପିଏମସି ଗ୍ରାହକଙ୍କ ମୁହଁରେ ହସ ଫୁଟିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ପିଏମସି ବ୍ୟାଙ୍କର ବିଲୟ ନେଇ ମହାରାଷ୍ଟ୍ର ସରକାର ଆରବିଆଇ ସହ ଆଲୋଚନା ଆରମ୍ଭ କରିଛନ୍ତି । କ୍ୟାବିନେଟ ମନ୍ତ୍ରୀ ଜୟନ୍ତ ପାଟିଲ କହିଛନ୍ତି, ପିଏମସି ବ୍ୟାଙ୍କର ବିଲୟ ନେଇ ଏମଏସସି ବ୍ୟାଙ୍କ ନିର୍ଦ୍ଦେଶକଙ୍କ ସହ କରିଛୁ । ଯଦି ଆବଶ୍ୟକତା ପଡେ ତେବେ ରାଜ୍ୟ ସରକାର ଏ ବାବଦରେ ଆରବିଆଇକୁ ଅବଗତ କରିବେ । କାରଣ ଏମଏସସି ବ୍ୟାଙ୍କର ଆର୍ଥିକ ସ୍ଥିତି ଭଲ ରହିଛି ।
ନିୟମର ଉଲ୍ଲଂଘନ ଓ ବଡ ଧରଣଣ ଗଡବଡ କାରଣରୁ ଆରବିଆଇ ୬ ମାସ ପର୍ଯ୍ୟନ୍ତ ପିଏମସି ବ୍ୟାଙ୍କ୍ ଉପରେ ପ୍ରତିବନ୍ଧକ ଲଗାଇଛି । ବ୍ୟାଙ୍କ ମ୍ୟାନେଜମେଣ୍ଟ ନିୟମର ଖୋଲାଖୋଲି ଉଲ୍ଲଂଘନ କରି ଏକ ନିଦ୍ଦିଷ୍ଟ କମ୍ପାନି ଏଚଡିଆଇଏଲକୁ କୋଟି କୋଟି ଟଙ୍କା ଋଣ ଦିଆଯାଇଛି । ଏହି ଋଣ ସେହି ସମୟରେ ଦିଆଯାଇଛି ଯେତେବେଳେ ଏଚଡିଆଇଏଲ କମ୍ପାନି ଦେବାଳିଆ ପ୍ରକ୍ରିୟା ମଧ୍ୟରେ ଗତି କରୁଥିଲା ।ଋଣ ଦେବା ମାମଲାରେ ଭୁଲ ତଥ୍ୟ ଦେଇଥିବାରୁ ୬ ମାସ ପର୍ଯ୍ୟନ୍ତ ପିଏମସି ବ୍ୟାଙ୍କ ଉପରେ ପ୍ରତିବନ୍ଧକ ଲଗାଇଛି ଆରବିଆଇ ।
ଏହାସହ ପ୍ରାଥମିକ ସ୍ତରରେ ପିଏମସି ବ୍ୟାଙ୍କ ଗ୍ରାହକଙ୍କ ଟଙ୍କା ଉଠାଣକୁ ୧ ହଜାର ଟଙ୍କା ମଧ୍ୟରେ ସୀମିତ ରଖିଥିଲା ଆରବିଆଇ । ପରେ ଏହାକୁ ବାରମ୍ବାର ପରିବର୍ତ୍ତନ କରାଯାଇଛି । ଆରବିଆଇର ନିର୍ଦ୍ଦେଶ ଅନୁଯାୟୀ, ବ୍ୟାଙ୍କ ଗ୍ରାହକଙ୍କୁ ୬ ମାସ ପର୍ଯ୍ୟନ୍ତ ଋଣ ମିଳିପାରିବ ନାହିଁ । ଯେଉଁଥିପାଇଁ ବ୍ୟାଙ୍କ ଗ୍ରାହକଙ୍କୁ ହଟହଟା ହେବାକୁ ପଡୁଛି । ଏପରିକି ଟଙ୍କା ଉଠାଇ ନ ପାରିବାରୁ କାହାର ବାହାଘର ହୋଇପାରୁନାହିଁ ତ ପୁଣି କାହାର ପୁଅଝିଅଙ୍କ ପାଠପଢାରେ ବ୍ରେକ ଲାଗିଛି । ଏପରିକି କିଛି ଲୋକ ଜମା ରଖିଥିବା ଟଙ୍କାରେ ସ୍ୱପ୍ନର ଘରଟିଏ କିଣିବାକୁ ମନ ସ୍ଥିର କରିଥିଲେ ମଧ୍ୟ ଏହି ସ୍ୱପ୍ନ ଅଧାରେ ଭାଙ୍ଗିଯାଇଛି ।