ବ୍ୟକ୍ତିଜଣକ ଆପଣାଇଲେ ଏଭଳି ଏକ ଟେକନିକ୍ , ଗୋଟିଏ ଗଛରେ ଫଳିଲା ୫୧ ପ୍ରକାରର ଆମ୍ବ ।
ଖବରଟି ପଢି ଆପଣ ମଧ୍ୟ ଚମକି ପଡିଥିବେ ଯେ ଏ କେମିତି ସମ୍ଭବ । ଗୋଟିଏ ଗଛରେ ୫୧ ପ୍ରକାରର ଆମ୍ବ କେମିତି ଫଳିବ । କିନ୍ତୁ ଅସମ୍ଭବ ଭଳି ଲାଗୁଥିଲେ ବି କଥାଟି ସତ ଆଜ୍ଞା । ଓମାନରେ ୧୦ ବର୍ଷ ଧରି ସିଭିଲ୍ ଇଜିଂନିୟର ପୋଷ୍ଟରେ ଥିବା ରବି ମାରସେଟବାର ଏପରି ଚମତ୍କାର କରି ଦେଖାଇଛନ୍ତି । ମହାରାଷ୍ଟ୍ରର ବିଦର୍ଭରେ ରହୁଥିବା ରବି ଗାଁରେ କୃଷିକ୍ଷେତ୍ରରେ ହେଉଥିବା କ୍ଷତିକୁ ପୂରଣ କରିବାକୁ ଯାଇ ଚାକିରୀ ଛାଡି ନିଜେ କୃଷକ ପାଲଟିଗଲେ । ଏହାପରେ ଏଭଳି ସ୍ମାର୍ଟ ଟେକ୍ନିକ୍ ବ୍ୟବହାର କରି ଗୋଟିଏ ଆମ୍ବଗଛରେ ୫୧ ପ୍ରକାରର ଆମ୍ବ ଫଳାଇବାରେ ସଫଳ ହୋଇଗଲେ ।
Kanak News is now on WhatsApp
Join and get latest news updates delivered to you via WhatsApp
ଖରାପ ଫସଲ ପରେ କ୍ଷତିକୁ ସହିନପାରି କୃଷକ ଯେଉଁଠି ଆତ୍ମହତ୍ୟା କରୁଛନ୍ତି ସେଠାରେ ରବିଙ୍କ କ୍ଷେତରେ ନା କେବଳ ଭଲଫସଲ ଫଳୁଛି ବରଂ ଏହି ଫସଲ ସମଗ୍ର ଦେଶରେ ରବିଙ୍କୁ ଲୋକପ୍ରିୟ କରାଇ ଦେଇଛି । ତେବେ ସେ ଏଭଳି କେଉଁ ଯାଦୁ କଲେ ଯେ ୫୦ ବର୍ଷର ଏହି ଆମ୍ବଗଛରେ ୫୧ ପ୍ରକାରର ଆମ୍ବ ଫଳିଉଠିଲା? ପ୍ରକୃତ କଥା ହେଉଛି ରବି ଗ୍ରାଫ୍ଟିଙ୍ଗ୍ ଟେକ୍ନିକ୍ ମାଧ୍ୟମରେ ଏଭଳି ଏକ ଅସମ୍ଭବକୁ ସମ୍ଭବ କରିଦେଖାଇଛନ୍ତି । ତେବେ ଏଥିପାଇଁ ରବିଙ୍କୁ ୧୩୫୦ ବାର ଏହି ଗଛ ଉପରେ ପରୀକ୍ଷା କରିବାକୁ ପଡିଛି । ଚାକିରୀ ଛାଡି ଗାଁକୁ ଫେରିବା ପରେ ସେ ଚାଷ କରିବା ପାଇଁ ୫୦୦ ଟି ଜାଗାର ଚିହ୍ନଟ କରିଥିଲେ । ଏହି ସମୟରେ ସେ ଜଣେ ଖାସ୍ ଲୋକ ଦେବରୀକରଙ୍କ ସହ ଭେଟିଥିଲେ । ଦେବରୀକର ଜଣେ ବିଜ୍ଞ କୃଷକ ଥିଲେ । ସେ ମଧ୍ୟ ଏହି ଟେକ୍ନିକ୍ ବ୍ୟବହାର କରି ଗୋଟିଏ ଆମ୍ବଗଛରୁ ୧୫ ପ୍ରକାରର ଆମ୍ବ ଫଳାଇପାରିଥିଲେ । ଏହି ଟେକ୍ନିକ୍ କୁ ରବି ମଧ୍ୟ ଶିଖିଥିଲେ ଏବଂ ବହୁବର୍ଷ ପରେ ସେ ଦୁର୍ଲଭ ଏବଂ ବିଲୁପ୍ତପ୍ରାୟ ଆମ୍ବକୁ ଚିହ୍ନଟ କରି ଗୋଟିଏ ଗଛରେ ୫୧ ପ୍ରକାରର ଆମ୍ବ ଫଳାଇବାରେ ସଫଳ ହୋଇପାରିଥିଲେ । ବର୍ତ୍ତମାନ ରବି ଗ୍ରାମର କୃଷକଙ୍କୁ ଏହି ଟେକ୍ନିକ୍ ବିଷୟରେ ଶିକ୍ଷା ଦେଉଛନ୍ତି ।