ଆଜି ପବିତ୍ର ଶିବରାତ୍ରି । ଫାଲ୍ଗୁନ କୃଷ୍ଣ ଚତୁର୍ଦ୍ଦଶୀ । ମହାଶିବରାତ୍ରୀ ଉପଲକ୍ଷେ ଭୋଳାବାବାଙ୍କ ହର ହର ମହାଦେବ ଧ୍ୱନିରେ ଗୁଞ୍ଜରିତ ହେଉଛି ତ୍ରିଲୋକ । ଭାରତର ପ୍ରମୁଖ ଶୈବପୀଠ ଉଜ୍ଜେନର ମହାକାଳ ମନ୍ଦିରରେ ଗତକାଲି ରାତିଠାରୁ ହିଁ ଭକ୍ତଙ୍କ ନାହିନଥିବା ଗହଳି ଦେଖିବାକୁ ମିଳିଛି । ଦେଶବିଦେଶରୁ ଆସିଥିବା ଭକ୍ତ ନିଜ ଭଗବାନଙ୍କ ଗୋଟିଏ ଝଲକ ପାଇବା ପାଇଁ ବ୍ୟାକୁଳ ହୋଇଉଠୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଜ୍ଜେନର ବାବା ମହାକାଳ ମନ୍ଦିର ଦେଶର ଏକମାତ୍ର ଶିବଲିଙ୍ଗ ଅଟନ୍ତି ଯେ ଦକ୍ଷିଣମୁଖି ବିରାଜିତ, ଯାହାଙ୍କ ଭସ୍ମଆରତୀ ପୂର୍ବରୁ ବାବାଙ୍କ ହରିଓମ୍ ଜଳ ଅର୍ପଣ ହୋଇଥାଏ । ମାନ୍ୟତା ରହିଛି ବାବାଙ୍କ ଦର୍ଶନରେ ମୃତ୍ୟୁ ପଶ୍ଚାତ୍ ଯମରାଜଙ୍କ ଦ୍ୱାରା ଦିଆଯାଉଥିବା ନିର୍ଯାତନାରୁ ମୁକ୍ତି ମିଳିବ । ଧର୍ମଶାସ୍ତ୍ର ଅନୁସାରେ , ଦକ୍ଷିଣଦୀଶାର ସ୍ୱାମୀ ସ୍ୱୟଂ ଭଗବାନ ଯମରାଜ ତେଣୁ କୁହାଯାଏ ଯେ ଯେଉଁ ଭକ୍ତ ନିଷ୍କପଟ , ସତ ମନରେ ବାବାଙ୍କୁ ଦର୍ଶନ କରେ ତାକୁ ମୃତ୍ୟୁପଶ୍ଚାତ୍ ଯମରାଜଙ୍କ ଯାତନାରୁ ନିସ୍ତାର ମିଳେ ।
ମହାକାଳେଶ୍ୱର ମନ୍ଦିରରେ ମହାଶିବରାତ୍ରୀ : ପ୍ରାତଃରୁ ଉଜ୍ଜେନର ପ୍ରସିଦ୍ଧ ମହାକାଳେଶ୍ୱର ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼ , ଭୋଳାବାବାଙ୍କ ଭସ୍ମ ଆଳତୀକୁ ଦର୍ଶନ କଲେ ଭକ୍ତ #MahaShivRatri #ॐ_नमः_शिवाय pic.twitter.com/67R9hXgyhS
— Kanak News (@kanak_news) February 21, 2020
ସମ୍ପୁର୍ଣ୍ଣ ବିଶ୍ୱରେ ମହାକାଳେଶ୍ୱର ହିଁ ଏକମାତ୍ର ଜ୍ୟୋର୍ତିଲିଙ୍ଗ ଅଟନ୍ତି ଯେଉଁଠାରେ ମହାକାଳଙ୍କୁ ଭସ୍ମଆରତୀ ଦିଆଯାଏ । ଭସ୍ମଆରତୀକୁ ଦର୍ଶନ କରିବା ପାଇଁ ପୃଥିବୀରୁ କୋଣଅନୁକୋଣରୁ ଭକ୍ତ ଏଠାକୁ ଛୁଟି ଆସନ୍ତି । ସୂର୍ଯୋଦୟ ପୂର୍ବରୁ ପ୍ରାତଃ ୪ ଘଟିକା ସମୟରେ ଏହି ଆରତୀ ଦିଆଯାଏ । ମହାଦେବଙ୍କ ଦିବ୍ୟସ୍ନାନ ପରେ ଶ୍ମଶାନର ତାଜା ଭସ୍ମ ଅର୍ପଣ କରାଯାଏ ।
କର୍ଣ୍ଣାଟକ : ମହାଶିବରାତ୍ରୀ ଉପଲକ୍ଷେ କାଲବୁର୍ଗୀ ବ୍ରହ୍ମାକୁମାରୀଙ୍କ ପକ୍ଷରୁ ୨୫ ଫୁଟ ଲମ୍ବା ଶିବଲିଙ୍ଗରେ ୩୦୦ କିଲୋ ହରଡ଼ ଏବଂ ପୁଷ୍ପମାଳରେ ସଜ୍ଜିତ ହୋଇଛି ଲିଙ୍ଗ #Karnataka #MahaShivRatri2020 #ॐ_नमः_शिवाय pic.twitter.com/S3FRQW7N9b
— Kanak News (@kanak_news) February 21, 2020
ମହାଶିବରାତ୍ରି ଅବସରରେ ମଧ୍ୟପ୍ରଦେଶର ରାଜଧାନୀ ଭୋପାଳର ବୈରାଗଢରେ ଏକ ଶିବ ମନ୍ଦିରର ନାମ ଥାନେଶ୍ୱର ମହାଦେବ ମନ୍ଦିର ରଖାଯାଇଛି । ସେହିପରି କର୍ଣ୍ଣାଟକରେ କଲବୁରଗୀର ବ୍ରହ୍ମାକୁମାରୀରେ ୨୫ଫୁଟ ଉଚ୍ଚତା ବିଶିଷ୍ଟ ଶିବଲିଙ୍ଗରେ ୩୦୦କିଲୋ ହରଡ ଓ ପୁଷ୍ପମାଳରେ ସଜ୍ଜିତ କରାଯାଇଛି । ମହାରାଷ୍ଟ୍ରର ବାବୁଲପନାଥ ମନ୍ଦିରରେ ଭଗବାନ ଶିବଙ୍କ ଜଳାଭିଷେକ ପାଇଁ ଦର୍ଶକଙ୍କ ସମାଗମ ଦେଖିବାକୁ ମିଳିଛି । ହର ହର ମହାଦେବ ଓ ଜୟ ଜୟ ଶିବ ଶଙ୍କର ଧ୍ୱନୀରେ ପ୍ରକମ୍ପିତ ହେଉଛି ଏହି ମନ୍ଦିର ।
ଦିଲ୍ଲୀର ଶ୍ରୀ ଗୌରୀଶଙ୍କର ମନ୍ଦିରରେ ପାଳନ ହେଉଛି ମହାଶିବରାତ୍ରୀ : ମନ୍ଦିରରେ ବାବାଙ୍କୁ ଦର୍ଶନ କରୁଛନ୍ତି ଭକ୍ତ #kanaknews #Delhi #MahaShivRatri2020 #ॐ_नमः_शिवाय pic.twitter.com/KTEr6M73Bj
— Kanak News (@kanak_news) February 21, 2020
ଶିବଲିଙ୍ଗଙ୍କ ଉପରେ ଫୁଲ , ବେଲପତ୍ର ଚଢାଇ ଜଳାଭିଷେକ କରୁଛନ୍ତି ଭକ୍ତଗଣ । ଦେଶର ରାଜଧାନୀ ଦିଲ୍ଲୀରେ ମଧ୍ୟ ଭୋଳାବାବାଙ୍କ ଭକ୍ତଙ୍କ ମଧ୍ୟରେ ଶିବରାତ୍ରିକୁ ନେଇ ଉତ୍ସାହ ଉଦ୍ଦିପନା ଦେଖିବାକୁ ମିଳିଛି । ଚାନ୍ଦିନୀଚୌକ ସ୍ଥିତ ଶ୍ରୀ ଗୌରୀ ଶଙ୍କର ମନ୍ଦିରରେ ଶିବଙ୍କ ପୂଜା ଅର୍ଚ୍ଚନା ପାଇଁ ସକାଳୁ ଭକ୍ତଙ୍କ ଭିଡ ଜମିଛି । ମଧ୍ୟପ୍ରଦେଶର ମହାକାଳେଶ୍ୱର ମନ୍ଦିରରେ ମନ୍ଦିରରେ ମଧ୍ୟ ଭକ୍ତଙ୍କ ସମାଗମ ।