ପୁଲୱାମା ଆକ୍ରମଣ ପରେ ବଢୁଛି କାଶ୍ମୀରୀଙ୍କ ଉପରେ ଆକ୍ରମଣ ଘଟଣା : କାଶ୍ମୀରୀ ଯୁବକଙ୍କୁ ମାଡ ମାରିଲେ ଗେରୁଆ ବସ୍ତ୍ରଧାରୀ ଯୁବକ
ଉତ୍ତର ପ୍ରଦେଶର ରାଜଧାନୀ ଲଖନଉର ଡାଲିଗଂଜ ପୋଲରେ ବୁଧବାର ଦିନ ଡ୍ରାଇ ଫ୍ରୁଟ୍ସ ବିକ୍ରି କରୁଥିବା ଦୁଇ ଜଣ କାଶ୍ମୀରୀ ଯୁବକଙ୍କୁ ମାଡ ମାରୁଥିବା ମାମଲା ସାମନାକୁ ଆସିଛି । ଜାମ୍ମୁ-କାଶ୍ମୀରର କୁଲଗାଁ ନିବାସୀ ଦୁଇ ଯୁବକ ଏଠି ଡ୍ରାଇ ଫ୍ରୁଟ୍ସ ବିକ୍ରି କରୁଥିଲେ । ଏମଧ୍ୟରେ ଗେରୁଆ ବସ୍ତ୍ରଧାରୀ କିଛି ଲୋକ ଆସି ସେଠି ପହଂଚିଥିଲେ ଓ ତାଙ୍କ ପରିଚୟ ପଚାରି ବାଡିରେ ପିଟିବା ଆରମ୍ଭ କଲେ ଏବଂ ଗାଳି ଦେଲେ । ସ୍ଥାନୀୟ ଲୋକମାନେ ବିରୋଧ କରିବା ପରେ ମାଡ ମାରୁଥିବା ଯୁବକ ସେଠାରୁ ଚାଲିଯାଇଥିଲେ । କିଛି ଲୋକ ଏହି ଘଟଣାର ଭିଡିଓ କରି ସୋସିଆଲ ମିଡିଆରେ ଭାଇରାଲ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ସମୟରେ ଯେତେବେଳେ ମାଡ ମାରୁଥିବା ଯୁବକଙ୍କୁ ପଚରାଗଲା କି, ସେମାନେ କାହିଁକି ମାଡ ମାରୁଛନ୍ତି, ତେବେ ଜବାବ ଆସିଲା କି, “ଏମାନେ କାଶ୍ମୀରର । ଏମାନେ ଆମ ସେନାର ଯବାନଙ୍କ ଉପରକୁ ପଥର ଫୋପାଡନ୍ତି ।” ଏହା ପୂର୍ବରୁ ମଧ୍ୟ ଏଠି ଡ୍ରାଇ ଫ୍ରୁଟସ୍ ବିକ୍ରିି କରୁଥିବା କାଶ୍ମୀରୀଙ୍କୁ ମାଡ ମାରିବା ମାମଲା ଆସି ସାରିଛି । ପୀଡିତ ଯୁବକଙ୍କ ଅଭିଯୋଗ କ୍ରମେ ପୁଲିସ ମାରପିଟ୍ ଓ ଧମକ ଦେବାର ଧାରାରେ ମାମଲା ରୁଜୁ କରିଛି ଏବଂ ଏହାର ଯାଂଚ କରାଯାଉଛି । ଲଖନଉ ପୁଲିସ ଟ୍ୱିଟ୍ କରି ଏହି ଘଟଣା ସ୍ପଷ୍ଟ କରି କହିଛି କି, ମାମଲା ରୁଜୁ କରାଯାଇଛି ଏବଂ ଆବଶ୍ୟକୀୟ କାର୍ଯ୍ୟାନୁଷ୍ଠାନ ନିଆଯାଉଛି ।
ଏହା ପୂର୍ବରୁ ଉତ୍ତର ପ୍ରଦେଶର ବରେଲୀ ଜିଳ୍ଲାରେ ମଧ୍ୟ ଏଭଳି ଘଟଣା ସାମନାକୁ ଆସିଛି । ସେହି ସମୟରେ ବିଶ୍ୱ ହିନ୍ଦୁ ପରିଷଦର କାର୍ଯ୍ୟକର୍ତ୍ତା ପୁଲିସର ଉପସ୍ଥିତିେରେ ଏକ ହସ୍ତଶିଳ୍ପ ପ୍ରଦର୍ଶନୀ ଷ୍ଟଲ ଗୁଡିକୁ ବଳପୂର୍ବକ ବନ୍ଦ କରାଇଦେଇଥିଲେ । ପୁଲୱାମା ଆତଙ୍କବାଦୀ ଆକ୍ରମଣ ପରେ ଦେଶର ଅନେକ ସ୍ଥାନରେ କାଶ୍ମୀରୀ ଯୁବକଙ୍କ ଉପରେ ଆକ୍ରମଣ ହୋଇଛି ।