ଭାରତୀୟ ଜୀବନ ବୀମା ନିଗମ(ଏଲଆଇସି) ନିଜ ଗ୍ରାହକଙ୍କୁ ଏକ ଖାସ୍ ସୁବିଧା ଦେଇଛି । ଯଦି ଆପଣ ମଧ୍ୟ ଏଲଆଇସିରେ ପଲିସି କରିଛନ୍ତି ଏବଂ ବିଭିନ୍ନ ସମସ୍ୟାରେ ବ୍ୟସ୍ତ ଅଛନ୍ତି ତେବେ ବିଳମ୍ବ ନକରି ଶୀଘ୍ର ହିଁ ଏହି ସୁବିଧାର ଲାଭ ଉଠାନ୍ତୁ । କୌଣସି କାରଣରୁ ବନ୍ଦ ପଡିଥିବା ବୀମା ପଲିସିକୁ ଗ୍ରାହକ ଦ୍ୱିତୀୟବାର ପାଇଁ ଆରମ୍ଭ କରିପାରିବେ । ୩୧ ଅକ୍ଟୋବର ପର୍ଯ୍ୟନ୍ତ ପଲିସି ଦ୍ୱିତୀୟବାର ଆରମ୍ଭ କଲେ ଗ୍ରାହକଙ୍କୁ ୩୦ ପ୍ରତିଶତ ରିହାତିର ଲାଭ ମଧ୍ୟ ମିଳିବ । ଏଲଆଇସିର ୬୨ ତମ ସ୍ଥାପନ ଦିବସରେ କମ୍ପାନୀ ତରଫରୁ ନିଜର ସବୁ ଗ୍ରାହକଙ୍କୁ ଏହି ସୁବିଧା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ନିଜ ପଲିସିର ପୁରା ଷ୍ଟାଟସ୍ ଜାଣିବାକୁ ଚାହାନ୍ତି ତେବେ ଆପଣ ମେସେଜ୍ ଦ୍ୱାରା ଏହାକୁ ଚେକ୍ କରିପାରିବେ । ମେସେଜରୁ ଜାଣିବା ପାଇଁ ଆପଣ ନିଜ ରେଜିଷ୍ଟର ମୋବାଇଲ୍ ନମ୍ବରରୁ ୫୬୬୭୭ କୁ ମେସେଜ୍ ଦିଅନ୍ତୁ । ଏହାପରେ ଆପଣଙ୍କ ମୋବାଇଲକୁ ଏହାର ସମ୍ପୁର୍ଣ୍ଣ ବିବରଣୀ ମିଳିଯିବ । ଏହାକୁ ଜାଣିବା ପାଇଁ ଆପଣ ପ୍ରଥମେ ଏଲଆଇସିର ସାଇଟ୍ https://www.licindia.in/ କୁ ଯାଆନ୍ତୁ । ସେଠାରେ ନିଜ ନାଁ ରେଜିଷ୍ଟର କରନ୍ତୁ । ଫର୍ମରେ ନିଜ ନାଁ,ପଲିସି ନମ୍ବର,ଜନ୍ମ ତାରିଖ ଆଦି ଲେଖି ସବମିଟ୍ କରନ୍ତୁ । ଏହାପରେ ଆପଣ ଏଲଆଇସିର ସମ୍ପୁର୍ଣ୍ଣ ବିବରଣୀ ଜାଣିପାରିବେ ।