ଭାରତର ବିଭିନ୍ନ ରାଜ୍ୟରେ ବର୍ଷୁଛି ନିଆଁ । ନାସାର ଫଟୋରେ ଭୟଙ୍କର ଅଗ୍ନିବର୍ଷାର ଚିତ୍ର । ଜଙ୍ଗଲରେ ନିଆଁ ଲାଗି ଅଗ୍ନିବଳୟ ସୃଷ୍ଟି ହୋଇଥିବା ବୈଜ୍ଞାନିକଙ୍କ ଅନୁମାନ
କନକ ବ୍ୟୁରୋ: ଭାରତର ବିଭିନ୍ନ ରାଜ୍ୟରେ ଅଗ୍ନି ବର୍ଷୁଛି । ନାସାର ଫଟୋରେ ବିଭିନ୍ନ ରାଜ୍ୟରେ ଭୟଙ୍କର ଅଗ୍ନିବର୍ଷାର ଚିତ୍ର । ଗତ ୧୦ ଦିନ ତଳୁ ନାସା ପକ୍ଷରୁ ସଂଗ୍ରହ କରାଯାଇଥିବା ଫଟୋରେ ନାଲି ବିନ୍ଦୁ ସବୁ ନଜର ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଯାହା ସୂଚାଉଛି କି, ମଧ୍ୟ ଭାରତ ସହ ଉତ୍ତର ଭାରତର ଅନେକ ଅଂଚଳ ଏବେ ଅଗ୍ନିବଳୟ ଭିତରେ ରହିଛି । ଜଙ୍ଗଲରେ ନିଆଁ ଲାଗି କିମ୍ବା ବିଭିନ୍ନ ଶସ୍ୟ କ୍ଷେତରେ ଅଗ୍ନିକାଣ୍ଡ ଯୋଗୁ ପ୍ରବଳ ଧୂମ୍ରକୁଣ୍ଡଳୀ ସୃଷ୍ଟି ହୋଇଥିବା ଅନୁମାନ କରିଛନ୍ତି ନାସାର ବୈଜ୍ଞାନିକ ।
ତେବେ ନାସା ଉଠାଇଥିବା ଏହି ଫଟୋ ଗୁଡିକରେ ଉତ୍ତରପ୍ରଦେଶ, ମଧ୍ୟପ୍ରଦେଶ, ମହାରାଷ୍ଟ୍ର, ଛତିଶଗଡ ସହ ଦକ୍ଷିଣଭାରତର କିଛି ରାଜ୍ୟ ଦେଇ ନାଲି ବିନ୍ଦୁର ରେଖା ଦେଖାଯାଉଛି । ତେଣୁ ଏହି ଲାଲ ରେଖା ସବୁ ଜଙ୍ଗଲ କିମ୍ବା କ୍ଷେତରେ ଅଗ୍ନିକାଣ୍ଡ ଯୋଗୁ ସୃଷ୍ଟି ହୋଇଥାଇପାରେ ବୋଲି ନାସା ବୈଜ୍ଞାନିକ କହିଛନ୍ତି । ବିଶେଷ କରି ମଧ୍ୟଭାରତରେ ପ୍ରବଳ ଗ୍ରୀଷ୍ମ ପ୍ରବାହ ସମୟରେ ଏଭଳି ଅଗ୍ନିକାଣ୍ଡ ହୋଇଥାଏ ବୋଲି ଅନୁମାନ କରିଛନ୍ତି ନାସା ବୈଜ୍ଞାନିକ ।
ପାଣିପାଗ ବିଶେଷଜ୍ଞଙ୍କ ଅନୁଯାୟୀ, ମଧ୍ୟ ଭାରତ ସହ ଉତ୍ତର ଭାରତର ଅନେକ ଅଂଚଳ ଏବେ ଅଗ୍ନିବଳୟ ଭିତରେ ରହିଛି । ଜଙ୍ଗଲରେ ନିଆଁ ଲାଗି କିମ୍ବା ବିଭିନ୍ନ ଶସ୍ୟ କ୍ଷେତରେ ଅଗ୍ନିକାଣ୍ଡ ଯୋଗୁ ପ୍ରବଳ ଧୂମକୁଣ୍ଡଳୀ ସୃଷ୍ଟି ହୋଇଥିବା ଅନୁମାନ କରିଛନ୍ତି ନାସାର ବୈଜ୍ଞାନିକ । ଏହା ଯୋଗୁଁ ଉତ୍ତାପ ପ୍ରବଳ ହୋଇଛି। ଏହାର ପ୍ରଭାବରେ ବାୟୁମଣ୍ଡଳରୁ ବ୍ଲାକକାର୍ବନ୍ ନିର୍ଗତ ହେଉଛି, ଯାହାକି ପ୍ରଦୂଷଣ ବଢ଼ାଇବା ସହ କ୍ଷତିକାରକ ମଧ୍ୟ।