ପୁଣିଥରେ ହୃଦୟ ଜିଣିଲେ ଲଦାଖ ସାଂସଦ ! ହାତରେ ତ୍ରିରଙ୍ଗା ଧରି ଲଦାଖ୍ ବଜାରରେ ଲୋକଙ୍କ ଗହଣରେ ଖୁବ୍ ନାଚିଲେ ସାଂସଦ ଜାମୟାଙ୍ଗ୍ ସେରିଙ୍ଗ୍ ନାମଗ୍ୟାଲ୍ ।
ଜମ୍ମୁ-କାଶ୍ମୀରରେ ମୋଦି ସରକାରଙ୍କ ଦ୍ୱାରା ଧାରା-୩୭୦ ହଟିବା ପରେ ଲଦାଖ୍ କୁ କେନ୍ଦ୍ରଶାସିତ ପ୍ରଦେଶର ମାନ୍ୟତା ଦିଆଗଲା । ଏହି ଘଟଣା ଉପରେ ଲଦାଖ୍ ର ସାଂସଦ ଜାମୟାଙ୍ଗ୍ ସେରିଙ୍ଗ୍ ନାମଗ୍ୟାଲ୍ ଲୋକସଭାରେ ଦେଇଥିବା ଭାଷଣକୁ ଏବେ ବି ଲୋକମାନେ ଖୁବ୍ ପ୍ରଶଂସା କରୁଛନ୍ତି । ବର୍ତ୍ତମାନ ସେ ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର୍ କରିଛନ୍ତି ଯେଉଁଥିରେ ସେ ହାତରେ ତ୍ରିରଙ୍ଗା ଧରି ଖୁସିରେ ନାଚୁଥିବା ନଜର ଆସୁଛନ୍ତି । ଲଦାଖ୍ ରେ ଲୋକମାନେ ତାଙ୍କୁ ସ୍ୱାଗତ କରିବା ସହ ତାଙ୍କ ସହ ଝୁମିନାଚି ଗୀତ ଗାଉଛନ୍ତି । ସେ ଗୋଟିଏ ହାତରେ ତ୍ରିରଙ୍ଗା ଧରି ନାଚିଗାଇ ଉଠୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
The residents believe firmly in the principal of environmental conservation. Following this norm, they have taken a pledge of no crackers even for the celebrations.
This video shows how celebrations can happen in an eco-friendly environment. #NewLadakh pic.twitter.com/tP3CNj0lym— Jamyang Tsering Namgyal (@MPLadakh) August 11, 2019
ସେ ଟ୍ୱିଟରରେ ଭିଡିଓ ସେୟାର୍ କରି କହିଛନ୍ତି , “ଲଦାଖ୍ ର ଲୋକ ପରିବେଶର ସଂରକ୍ଷଣ କରିବାରେ ବିଶ୍ୱାସ ରଖିଥାନ୍ତି । ଏହି କଥାକୁ ଧ୍ୟାନରେ ରଖି ଲଦାଖ୍ କେନ୍ଦ୍ରଶାସିତ ପ୍ରଦେଶର ମାନ୍ୟତା ପାଇଲା ପରେ ମଧ୍ୟ ବାଣ ଫୁଟାଇ ସେଲିବ୍ରେସନ୍ କରାଗଲା ନାହିଁ । ଏହି ଭିଡିଓ ଲୋକଙ୍କୁ ଏକ ସାମାଜିକ ସଚେତନ ଦିଗ ଆଡକୁ ନେଇଯିବ ଯେ କିଭଳି ଇକୋ-ଫ୍ରେଣ୍ଡଲି ସେଲିବ୍ରେସନ୍ କରାଯାଇପାରିବ । ଆପଣଙ୍କୁ କହିରଖୁଛୁ ଜାମୟାଙ୍ଗ୍ ଲୋକସଭାରେ ୧୭ ମିନିଟ୍ ର ଏକ ଭାଷଣ କହି ଲୋକଙ୍କ ପ୍ରିୟ ସାଂସଦ ହୋଇଯାଇଥିଲେ ।