ଲୋକପ୍ରିୟ ଗାୟିକା ଅନୁରାଧା ପଡୱାଲଙ୍କୁ ନେଇ ସାଂଘାତିକ ଟିପ୍ପଣୀ ଦେଲେ ମହିଳା : କହିଲେ , ଅନୁରାଧା ହେଉଛନ୍ତି ତାଙ୍କ ମା’
ହିନ୍ଦୀ ସିନେମାର ନାମୀଦାମୀ ଗାୟିକାଙ୍କ ମଧ୍ୟରେ ଜଣେ ହେଉଛନ୍ତି ଅନୁରାଧା ପଡୱାଲ । ବର୍ତ୍ତମାନ ତାଙ୍କୁ ନେଇ ଆଶ୍ଚର୍ଯ୍ୟକର କଥା ସାମ୍ନାକୁ ଆସିଛି । କେରଳର ଜଣେ ୪୫ ବର୍ଷୀୟ ମହିଳା ତାଙ୍କ ଝିଅ ହୋଇଥିବା ଦାବି କରିଛନ୍ତି । ୧୯୭୪ ରେ ସେ ଜନ୍ମ ହୋଇଥିବା କରମାଲା ମୋଡିକସ କହିଛନ୍ତି ଯେ, ତାଙ୍କ ମା’ ଅର୍ଥାତ ଅନୁରାଧା ତାଙ୍କୁ ଜନ୍ମ ଦେବା ପରେ ଛାଡି ଚାଲିଯାଇଥିଲେ । ସେ ୪ ଦିନର ହୋଇଥିବା ବେଳେ ଅନୁରାଧା ଅଜଣା ବ୍ୟକ୍ତିଙ୍କ ଘରେ ତାଙ୍କୁ ଛାଡି ଦେଇଥିଲେ । କରମାଲା ଜିଲ୍ଲା ପରିବାର ଅଦାଲତରେ ମାମଲା ରୁଜୁ କରି ୫୦ କୋଟି ଟଙ୍କା ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳା ଜଣଙ୍କ ଇଂରାଜୀ ପତ୍ରିକା ଇଣ୍ଡିଆନ ଏକ୍ସପ୍ରେସକୁ ଜଣାଇଛନ୍ତି ଯେ, ଗାୟିକା ଅନୁରାଧା ସେତେବେଳେ ତାଙ୍କ ଲାଳନପାଳନ କରିବାକୁ ଚାହୁଁନଥିଲେ । ଅନୁରାଧା ତାଙ୍କ ମା’ ବୋଲି ୫ ବର୍ଷ ହେବ କରମାଲା ତାଙ୍କ ବାପାଙ୍କ ଠାରୁ ଜାଣିଲେ । ବାପା ପଞ୍ଚାନନ ସେହି ସମୟରେ ମହାରାଷ୍ଟ୍ର ସେନା ଅଧ୍ୟକ୍ଷ ଥିଲେ । ତାଙ୍କର ଗାୟିକା ଅନୁରାଧାଙ୍କ ସହ ଭଲ ସମ୍ପର୍କ ଥିଲା ବୋଲି ମଧ୍ୟ କହିଛନ୍ତି । ଅନେକ ଚେଷ୍ଟା କରିଥିଲେ ମଧ୍ୟ କରମାଲା ଅନୁରାଧାଙ୍କ ସହ ସାକ୍ଷାତ କରିପାରିନଥିଲେ। କରମାଲାଙ୍କ ଓକିଲ ଅନିଲ ପ୍ରସାଦଙ୍କ ଅନୁଯାୟୀ, ଅନୁରାଧା ଓ ତାଙ୍କ ପରିବାର ୨୭ ଜାନୁଆରୀରେ କୋର୍ଟରେ ଉପସ୍ଥିତ ହେବେ ।