ଜୀବନ ଦେବା ବଦଳରେ ଜୀବନ ନେଇଗଲା ଆମ୍ବୁଲାନ୍ସ ! ଆମ୍ବୁଲାନ୍ସ ଭିତରେ ଅକ୍ସିଜେନ୍ ଟାଙ୍କି ଫାଟିବାରୁ ରୋଗୀ ମୃତ ।
ଆମ୍ବୁଲାନ୍ସ ଭିତରେ ଥିବା ଅକ୍ସିଜେନ୍ ଟାଙ୍କି ଫାଟିବାରୁ ଡାକ୍ତରଖାନା ଯାଉଥିବା ଜଣେ ରୋଗୀଙ୍କର ମୃତ୍ୟୁ ଘଟିଛି। ଘଟଣାଟି ବୁଧବାର ଦିନ କେରଳର ଆଲାପ୍ପୁଝା ଜିଲ୍ଲାରେ ଘଟିଥିବା ପ୍ରକାଶ।
Kanak News is now on WhatsApp
Join and get latest news updates delivered to you via WhatsApp
ଚମ୍ପାକୁଲମ୍ ସରକାରୀ ଡାକ୍ତରଖାନା ସମ୍ମୁଖରେ ଆମ୍ବୁଲାନ୍ସରେ ନିଆଁ ଲାଗି ଯାଇଥିଲା। ଚମ୍ପାକୁଲମ୍ ଡାକ୍ତରଖାନାରୁ ସମ୍ପୃକ୍ତ ରୋଗୀଜଣଙ୍କୁ ଆଲାପ୍ପୁଝା ମେଡିକାଲ୍ କଲେଜକୁ ନିଆଯାଉଥିଲା। ପୋଡ଼ି ଯିବାରୁ ରୋଗୀଜଣଙ୍କର ମୃତ୍ୟୁ ଘଟିଲା। ଆମ୍ବୁଲାନ୍ସରେ ଥିବା ରୋଗୀ ଓ ନର୍ସ ଆହତ ହୋଇଛନ୍ତି। ମୃତ ରୋଗୀଙ୍କର ନାମ ମୋହନନ୍ ନାୟର୍ ବୋଲି ଜଣାପଡ଼ିଛି।
ଅଗଷ୍ଟ ୨୭ ତାରିଖ ଦିନ, ଗୋଟିଏ ଡାକ୍ତରଖାନାରୁ ଅନ୍ୟ ଏକ ଡାକ୍ତରଖାନାକୁ ସ୍ଥାନାନ୍ତରଣ କରାଯାଉଥିବା ସମୟରେ ଛତିଶଗଡ଼ର ଜଣେ ୫ ବର୍ଷୀୟ ବାଳିକାର ମୃତ୍ୟୁ ଘଟିଥିଲା। ଝିଅଟିର ଭେଣ୍ଟିଲେଟର୍ ସପୋର୍ଟ ସିଷ୍ଟମ୍ ଲାଗିଥିବା ଟାଙ୍କିରୁ ଅମ୍ଳଜାନ ସରିଯିବାରୁ ଏ ଭଳି ବିୟୋଗାନ୍ତ ଘଟଣା ଘଟିଥିଲା ବୋଲି କୁହାଯାଉଛି।