କର୍ଣ୍ଣାଟକ ନାଟକରେ ପୁଣି ନୂଆ ଡ୍ରାମା: ବିଦ୍ରୋହୀ ବିଧାୟକଙ୍କୁ ବାଚସ୍ପତିଙ୍କ ସମନ, କାଲି ସୁଦ୍ଧା ଭେଟିବାକୁ ନୋଟିସରେ ନିର୍ଦ୍ଦେଶ

ଆଜି ବିଧାନସଭାରେ ହେବାର ଅଛି କୁମାରସ୍ୱାମୀଙ୍କ ଆସ୍ଥା ଭୋଟ୍

214

କନକ ବ୍ୟୁରୋ: କର୍ଣ୍ଣାଟକ ନାଟକରେ ପୁଣି ନୂଆ ଡ୍ରାମା । ବିଦ୍ରୋହୀ ବିଧାୟକଙ୍କୁ ନୋଟିସ୍ କଲେ ବାଚସ୍ପତି । ଆସନ୍ତାକାଲି ସୁଦ୍ଧା ଭେଟିବାକୁ ନୋଟିସରେ ନିର୍ଦ୍ଦେଶ । କଂଗ୍ରେସ ଓ ଜେଡିଏସର ୧୫ଜଣ ବିଧାୟକ ଇସ୍ତଫା ଦେଇଛନ୍ତି । ତେବେ ସେମାନଙ୍କ ଇସ୍ତଫାକୁ ଗ୍ରହଣ କରିନାହାଁନ୍ତି ବାଚସ୍ପତି । ଅନ୍ୟପଟେ ଏହି ବିଧାୟକମାନଙ୍କ ଇସ୍ତଫା ପରେ କୁମାରସ୍ୱାମୀଙ୍କ ସରକାର ଅଳ୍ପସଂଖ୍ୟକ ହୋଇଯାଇଛି ବୋଲି ଦାବି କରି ଆସୁଛି ବିଜେପି । ତାପରେ ବିଧାନସଭାରେ ଆସ୍ଥାଭୋଟ ଲୋଡିଛନ୍ତି ମୁଖ୍ୟମନ୍ତ୍ରୀ କୁମାରସ୍ୱାମୀ । ଏନେଇ ବିତର୍କ ଚାଲିବା ପରେ ଆଜି ଆସ୍ଥାଭୋଟ ହେବାର ଅଛି ।

ସେପଟେ, କର୍ଣ୍ଣାଟକର କଂଗ୍ରେସ-ଜେଡି(ଏସ୍) ସରକାରରୁ ସମର୍ଥନ ପ୍ରତ୍ୟାହାର କରିଥିବା ଦୁଇଜଣ ସ୍ୱାଧୀନ ବିଧାୟକଙ୍କ ଆବେଦନ ଶୁଣାଣି କରିବାକୁ ସୁପ୍ରିମ୍ କୋର୍ଟ ମନା କରି ଦେଇଛନ୍ତି। ଆଜି ସନ୍ଧ୍ୟା ସୁଦ୍ଧା ଫ୍ଲୋର୍ ଟେଷ୍ଟ୍ ସାରିବାକୁ ଜେଡି(ଏସ୍)-କଂଗ୍ରେସ ସରକାରଙ୍କୁ ଅଦାଲତ ନିର୍ଦ୍ଦେଶ ଦେଉ ବୋଲି ସେମାନେ ଆବେଦନ କରିଥିଲେ। ଦୁଇ ସ୍ୱାଧୀନ ବିଧାୟକ ଆର୍ ଶଙ୍କର ଏବଂ ଏଚ୍ ନାଗେଶ କହିଛନ୍ତି ଯେ କର୍ଣ୍ଣାଟକ ରାଜନୈତିକ ସଙ୍କଟ ମଧ୍ୟକୁ ଲମ୍ଫ ଦେଇଛି। ବରିଷ୍ଠ ଆଡଭୋକେଟ୍ ମୁକୁଳ ରୋହତଗି ଏ ଦୁଇ ବିଧାୟକଙ୍କ ତରଫରୁ ଅଦାଲତରେ ହାଜର ହୋଇଥିଲେ। କିନ୍ତୁ, ଜରୁରୀ ଭିତ୍ତିରେ ଏହି ଆବେଦନର ଶୁଣାଣି କରାଇବାକୁ ସୁପ୍ରିମ୍ କୋର୍ଟ ମନା କରି ଦେବା ସହ କହିଛନ୍ତି ଯେ କର୍ଣ୍ଣାଟକ ବିଧାନସଭାରେ ପଡ଼ି ରହିଥିବା ଆସ୍ଥାଭୋଟ୍ ମାମଲାରେ ହସ୍ତକ୍ଷେପ କରାଯିବ ନାହିଁ।

Comments are closed.