କନକ ନ୍ୟୁଜର ପ୍ରଭାବ: ଖବର ପ୍ରସାରଣ ପରେ ଚେତିଲା ମାଥିଲି ସ୍ୱାସ୍ଥ୍ୟ ବିଭାଗ; ଅସୁସ୍ଥ ଯୁବକର ଗାଁରେ ପହଞ୍ଚିଲା ମେଡିକାଲ ଟିମ୍
୧୦ ବର୍ଷ ଧରି ଗୁରୁତର ଥିବା ଦେବାକୁ ଉଦ୍ଧାର କରି ଡାକ୍ତରଖାନାରେ କରାଗଲା ଭର୍ତ୍ତି
କନକ ବ୍ୟୁରୋ: କନକ ନ୍ୟୁଜର ପ୍ରଭାବ । ଖବର ପ୍ରସାରଣ ପରେ ଚେତିଲା ମାଥିଲି ପ୍ରଶାସନ । ଅନ୍ଧବିଶ୍ୱାସର ବଶବର୍ତ୍ତି ହୋଇ ୧୦ ବର୍ଷ ହେବ ଗୁଣିଆ ଭରସାରେ ରହି ଗୁରୁତର ଥିବା ଯୁବକ ଦେବା ପଡିଆମୀଙ୍କୁ ଉଦ୍ଧାର କରି ମାଥିଲି ଡାକ୍ତରଖାନାରେ ଭର୍ତ୍ତି କରାଯାଇଛି । ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ଜାମ୍ବଗୁଡା ଗାଁ ରେ ସ୍ୱାସ୍ଥ୍ୟ ବିଭାଗର ଟିମ୍ ପହଁଂଚି ଦେବା ପଡିଆମୀକୁ ଉଦ୍ଧାର କରି ଆଣିବା ସହର ମାଥିଲି ଡାକ୍ତରଖାନାରେ ଭର୍ତ୍ତି କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଜଣା ରୋଗର ଶିକାର ହୋଇଥିବା ଦେବା ପଡିଆମୀକୁ ୧୦ ବର୍ଷ ଧରି ପରିବାର ଲୋକେ ମେଡିକାଲ ନେବା ପରିବର୍ତ୍ତେ ଗୁଣିଆ ହାତରେ ଟେକି ଦେଇଥିଲେ । ଦୀର୍ଘ ଦିନ ଧରି ଅସୁସ୍ଥ ଥିବା ଦେବା ପଡିଆମୀର ଅବସ୍ଥା ଏବେ ସଂକଟାପନ୍ନ ରହିଛି । ତାଙ୍କର ରକ୍ତ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯାଇଛି । ରିପୋର୍ଟ ଆସିବା ପରେ ଚିକିତ୍ସା ଆରମ୍ଭ ହେବ ବୋଲି କହିଛନ୍ତି ମାଥିଲି ସ୍ୱାସ୍ଥ୍୍ୟକେନ୍ଦ୍ର ଅଧିକାରୀ । ତାଙ୍କୁ ସମସ୍ତ ପ୍ରକାର ଚିକିତ୍ସା ସୁବିଧା ଯୋଗାଇ ଦିଆଯିବ ବୋଲି ସେ କହିଛନ୍ତି ।