ନରମିଲେ ଜେଏନୟୁ ଛାତ୍ରଛାତ୍ରୀ! ଅଟକ ରଖିଥିବା ଛାତ୍ରନେତାଙ୍କୁ ମୁକ୍ତ କଲା ପୋଲିସ୍, କ୍ୟାମ୍ପସକୁ ଫେରିବାକୁ ରାଜି ହେଲେ ଛାତ୍ରଛାତ୍ରୀ ।
କନକ ବ୍ୟୁରୋ: ଶାନ୍ତ ପଡ଼ିଲେ ଜେଏନୟୁ ଛାତ୍ରଛାତ୍ରୀ । ଧର୍ମଘଟ କରୁଥିବା ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ)ର ଛାତ୍ରଛାତ୍ରୀମାନେ କ୍ୟାମ୍ପକୁ ଫେରିବାକୁ ରାଜି ହୋଇଛନ୍ତି । ଅଟକ ରଖାଯାଇଥିବା ଛାତ୍ରଛାତ୍ରୀମାନଙ୍କୁ ପୁଲିସ ଛାଡିଦେବା ପରେ ଛାତ୍ରଛାତ୍ରୀମାନେ ସେମାନେ ଫେରିବାକୁ ରାଜି ହୋଇଛନ୍ତି ବୋଲି ଜାତୀୟ ଗଣମାଧ୍ୟମରୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବର୍ଦ୍ଧିତ ଫି ପ୍ରତ୍ୟାହାର ଦାବିରେ ଆଜି ଛାତ୍ରଛାତ୍ରୀମାନେ ସଂସଦ ଭବନ ଆଡକୁ ଯାଉଥିବାବେଳେ ପୁଲିସ ସେମାନଙ୍କୁ ଅଟକାଇବା ସହ କେତେକ ଅନ୍ଦୋଳନକାରୀଙ୍କୁ ଅଟକ ରଖିଥିଲା । ଏହା ଫଳରେ ଆନ୍ଦୋଳନ ଆହୁରି ଉଗ୍ରରୂପ ଧାରଣ କରିଥିଲା । ମୁକ୍ତ ହୋଇଥିବା ନେତାମାନେ ଏବେ କେନ୍ଦ୍ର ମାନବ ସମ୍ବଳ ମନ୍ତ୍ରାଳୟର ଯୁଗ୍ମ ସଚିବଙ୍କ ସହ ଆଲୋଚନା କରୁଛନ୍ତି ।
ତେବେ ଆଜି ସକାଳୁ ସକାଳୁ ଜେଏନୟୁ ପରିସରରୁ ସଂସଦ ଭବନ ଯାଏଁ ରାଲିରେ ବାହାରିଥିଲେ ଆନ୍ଦୋଳନରତ ଛାତ୍ରଛାତ୍ରୀ । ଜେଏନୟୁ ଉତର ଗେଟର ବ୍ୟାରିକେଡ ଭାଙ୍ଗି ମାର୍ଚ୍ଚକୁ ଆଗକୁ ବଢାଇଛନ୍ତି । ବ୍ୟାରିକେଡ ଭାଙ୍ଗି ଆଗକୁ ବଢୁଥିବା ଛାତ୍ରଙ୍କ ମଧ୍ୟରୁ ପ୍ରାୟ ୨ଶହ ଛାତ୍ରଛାତ୍ରୀଙ୍କୁ ପୋଲିସ ଅଟକ ରଖିଥିଲା । ସେପଟେ ଜେଏନୟ୍ରୁ କ୍ୟାମ୍ପସ ବାହାରେ ୧୪୪ ଧାରା ଜାରି କରାଯାଇଛି । ବିଶ୍ୱବିଦ୍ୟାଳୟ ପରିସରକୁ ଘେରି ରହିଛି ଦିଲ୍ଲୀ ପୁଲିସ । ବ୍ୟାପକ ଫୋର୍ସ ମୁତୟନ ହେବା ସହ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।