ନିର୍ବାଚନ କମିଶନଙ୍କୁ ଭେଟିବ ବିଜେଡି । ଆଗୁଆ ନିର୍ବାଚନ ପାଇଁ ପ୍ରସ୍ତୁତ ଥିବାର ଦେବ ବାର୍ତ୍ତା । କେନ୍ଦ୍ର କରୁଛି କି ସଜବାଜ?
କନକ ବ୍ୟୁରୋ : ବିଜେଡି ଚାହୁଁଛି ରାଜ୍ୟରେ ଆଗୁଆ ନିର୍ବାଚନ । ଏହି ପ୍ରସଙ୍ଗ ନେଇ ଆଜି ଅପରାହ୍ନରେ ନିର୍ବାଚନ କମିଶନଙ୍କୁ ଭେଟିବେ ବିଜେଡି ପ୍ରତିନିଧି ଦଳ । ଏ ସଂପର୍କରେ ସୂଚନା ଦେଇଛନ୍ତି ବିଜେଡି ସାଂସଦ ପିନାକୀ ମିଶ୍ର । ଆଗୁଆ ନିର୍ବାଚନ ପାଇଁ ବିଜେଡି ପ୍ରସ୍ତୁତ ଅଛି ବୋଲି କହିଛନ୍ତି ସାଂସଦ । ଏ ସଂପର୍କରେ ଆଜି ଅପରାହ୍ନ ୩ଟାରେ ନିର୍ବାଚନ କମିଶନଙ୍କୁ ଭେଟି ଜଣାଇବେ ବିଜେଡି ପ୍ରତିନିଧି ଦଳ । ଯଦି କେନ୍ଦ୍ର ଆଗୁଆ ନିର୍ବାଚନ ପାଇଁ ଯୋଜନା କରେ ତେବେ ସେଥିରେ ବିଜେଡିକୁ ସାମିଲ କରାଯାଉ ବୋଲି ନିର୍ବାଚନ କମିଶନଙ୍କୁ ଜଣାଇବେ ଏହି ପ୍ରତିନିଧି ଦଳ । ତେବେ ଅନେକ ଦିନ ହେଲାଣି ରାଜ୍ୟରେ ଚର୍ଚ୍ଚା ହେଉଛି ଯେ, ନିର୍ଦ୍ଧାରିତ ସମୟ ପୂର୍ବରୁ ନିର୍ବାଚନ ହୋଇପାରେ । ତେବେ ଏନେଇ ଆଜି ସ୍ପଷ୍ଟ ସୂଚନା ଦେଇଛନ୍ତି ପୁରୀ ସାସଂଦ ପିନାକୀ ମିଶ୍ର ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରାକର ଯଦି ଆଗୁଆ ନିବ୪ଚନ କରିବା ପାଇଁ ଚାହୁଁଛନ୍ତି ତେବେ ଓଡିଶାକୁ ମଧ୍ୟ ସେହି ନିର୍ବାଚନରେ ସାମିଲ କରିବା ପାଇଁ ଏକ ପ୍ରତିନିଧି ଦଳ ଜାତୀୟ କମିଶନଙ୍କୁ ଭେଟି ଜଣାଇବ । ତେବେ ନିର୍ଦ୍ଧାରିତ ସମୟ ପୂର୍ବରୁ ଓଡିଶା ନିର୍ବାଚନ ପାଇଁ ପ୍ରସ୍ତୁତି ଥିବା ଏଥିରୁ ସ୍ପଷ୍ଟ ହୋଇଛି । ଏହି ଆଗୁଆ ନିର୍ବାଚନ ପ୍ରସଙ୍ଗ ଓ କମିଶନଙ୍କୁ ଭେଟିବା ପ୍ରସଙ୍ଗରେ ପୁରୀ ସାସଂଦ ପିନାକୀ ମିଶ୍ର କହିଛନ୍ତି ଯେ, କେନ୍ଦ୍ର ସରାକର ଯଦି ଦେଶରେ ଆଗୁଆ ନିର୍ବାଚନ ହେବ ତେବେ ଓଡିଶା ମଧ୍ୟ ସାମିଲ କରିବା ପାଇଁ ଆମେ ଦାବି କରିବୁ । କାରଣ ଏକାକାଳୀନ ନିର୍ବାଚନ କଲେ ରାଜ୍ୟର ପ୍ରାୟ ୧୦୦୦କୋଟି ଟଙ୍କା ବଚିଂଯିବ । ତେଣୁ ଯଦି କେନ୍ଦ୍ର ସରାକର ଆଗୁଆ ନିର୍ବାଚନ କରିବ ତେବେ ରାଜ୍ୟମଧ୍ୟ ସେବି ନିର୍ବାଚନରେ ନିଜକୁ ସାମିଲ କରିବା ପାଇଁ ଚାହିଁବ । ଏହା ହେଲେ ଓଡିଶାର ଲୋକମାନଙ୍କ ପାଇଁ କେବଳ ହିତ ହେବ । ତେଣୁ ଏପରି ପରିସ୍ଥିତିରେ କେବଳ ଟଙ୍କା ବଞ୍ଚାଇବା ପାଇଁ ଓଡିଶା ମଧ୍ୟ ଆଗୁଆ ନିର୍ବାଚନରେ ନିଜକୁ ସାମିଲ କରିବା ପାଇଁ ଆମେ ନିର୍ବାଚନ କମିଶନଙ୍କୁ ଭେଟିବା ସହ ଆମର ଦାବୀ ଜଣାଇବୁ ବୋଲି ଶ୍ରୀ ମିଶ୍ର ସୂଚନା ଦେଇଛନ୍ତି ।