ଆମାଜନର ଫାଉଣ୍ଡର ଏବଂ ସିଇଓ ଜେଫ ବେଜୋସ ୧୪୧.୯ ଅରବ ଡଲାର ସମ୍ପତି ସହ ଦୁନିଆର ସବୁଠାରୁ ଧନୀ ଲୋକ ଭାବରେ ପରିଗଣିତ ହେଲେ । ମାଇକ୍ରୋସଫ୍ଟର ସଂସ୍ଥାପକ ବିଲ ଗେଟସଙ୍କୁ ପଛରେ ପକାଇ ଧନୀ ଲୋକ ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଛନ୍ତି ଜେଫ ବେଜୋସ । ଜୁନ ୧ ତାରିଖରୁ ବେଜୋସଙ୍କ ସମ୍ପତିର ସମ୍ପୁର୍ଣ୍ଣ ମୂଲ୍ୟ ୫ ଅରବ ଡଲାରରୁ ଅଧିକ ବଢିବାରୁ ବେଜୋସ ବିଲ ଗେଟସକୁ ପଛରେ ପକାଇ ଆଗକୁ ଚାଲିଯାଇଛନ୍ତି । ବେଜୋସ ଏବେ ଧନୀ ମାନଙ୍କ ତାଲିକାରେ ପ୍ରଥମ ସ୍ଥାନ ଅଧିକାର କରିଥିବା ବେଳ ୯୨.୯ ଅରବ ଡଲାର ସହ ବିଲ ଗେଟସ ଦ୍ୱୀତିୟ ସ୍ଥାନରେ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବେଜୋସ ଦୁନିଆର ସବୁଠାରୁ ଧନୀ ଲୋକ ଭାବରେ ପରିଗଣିତ ହୋଇଥିଲେ ମଧ୍ୟ ବେଜୋସଙ୍କ ରିଟେଲିଂ କମ୍ପାନୀ ଆମାଜନ, ଆପଲ କମ୍ପାନୀ ଠାରୁ ଗୋଟେ ପାଦ ପଛରେ ରହିଯାଇଛି । ଆପଲ ଦୁନିଆର ସର୍ବପ୍ରଥମ ମୂଲ୍ୟବାନ କମ୍ପାନୀ ହୋଇଥିବା ବେଳେ ଆମାଜନ ଦ୍ୱିତୀୟ ସ୍ଥାନରେ ରହିଛି । ପୂର୍ବ ଲିଷ୍ଟ ଅନୁଯାୟୀ, ଆମେରିକାର ସବିଠାରୁ ବଡ କମ୍ପାନୀ ମାନଙ୍କ ମଧ୍ୟରୁ ୨୦୧୮ ଲିଷ୍ଟରେ ଆମାଜନ ୮ ସ୍ଥାନରେ ଥିଲା ।